شقو اكىمى دانيال احمەتوۆ كۇرشىم پارومىنداعى ماسەلەلەردى شەشۋ ماقساتىندا ارنايى كوميسسيا قۇرۋدى تاپسىردى. ەستەرىڭىزگە سالا كەتەيىك، «قىزىل تۋ» وتكەلىندە كەزەك كۇتكەن جۇرتتىڭ قاراسى كوپ. وعان سەبەپ تە جەتەرلىك.
بىرىنشىدەن، وتكەلدە تولىق جوندەۋ جۇمىستارى جۇرگىزىلمەگەن. سونىڭ سالدارىنان قوزعالىس كەستەسى تۇراقتى ەمەس. ال جوندەۋ جۇمىستارىن كەزىندە موينىنا العان كاسىپورىن جاۋاپكەرشىلىكتەن قاشىپ وتىرعان كورىنەدى.
ايماق باسشىسى دانيال احمەتوۆ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى نۇرجان جۇمادىلوۆكە وسى باعىتتاعى جۇمىستاردى رەتتەۋدى تاپسىردى.
– كاسىپورىندى جاۋاپقا تارتۋعا نەگىز بولارلىق پۋنكتەر كەلىسىمشارتتا قاراستىرىلماعان. بۇل – ءوز كەمشىلىكتەرىڭ. دەگەنمەن ماسەلەنى قايتا قاراپ كورۋگە بولادى. سوندىقتان ارنايى كوميسسيا قۇرىلادى. كەلىسىمشارتتى ەگجەي-تەگجەيلى قاراپ شىعۋ ءۇشىن كوميسسيا قۇرامىندا زاڭگەرلەر مىندەتتى تۇردە بولسىن، – دەپ تاپسىرما بەردى د.احمەتوۆ.
پىكىر قالدىرۋ