اۋدانداردى ارالاپ شىعىپ، تۇرعىندارمەن كەزدەسكەن سوڭ باقىتجان ساعىنتايەۆ ازاماتتاردى جەكە قابىلداي باستادى. بۇل كۇنى اكىمنىڭ قابىلداۋىنا 25 ادام كەلدى، ولاردىڭ كوتەرگەن پروبلەمالارى ءارتۇرلى – تۇرعىن ءۇيدىڭ جوقتىعى، جەر، كوممۋنالدىق جانە الەۋمەتتىك ماسەلەلەر.
ماسەلەلەردىڭ كەيبىرەۋلەرى بىردەن شەشىلىپ جاتتى. قوسىمشا زەرتتەۋدى قاجەت ەتەتىن وتىنىشتەر دە بولدى، مەكتەپكە جانە كوشەگە ات بەرۋ – ۇكىمەتتىك دەڭگەيدەگى كوميسسيا شەشىمىمەن عانا ىسكە اساتىن ماسەلە.
ءار ءوتىنىش بويىنشا ناقتىلى جاۋاپتار ازىرلەنەدى. وڭ شەشىمىن تاپقان جاعدايدا ورىندالۋ مەرزىمى مەن جاۋاپتى ادامداردىڭ ءاتى-جونى كورسەتىلەدى.
ەندى ازاماتتاردى جەكە قابىلداۋ قالا اكىمدىگى مەن «نۇر وتان» پارتياسى فيليالىنىڭ وفيسىندە تۇراقتى وتەدى. ال، تۇرعىندارمەن «ەركىن ميكروفون» فورماتىندا كەزدەسۋ ءار توقساندا ءبىر رەت وتەتىن بولادى.
پىكىر قالدىرۋ