بۇگىن مەملەكەت باسشىسىنىڭ جولداۋىن جۇزەگە اسىرۋ بويىنشا وتكەن قالا اكتيۆىنىڭ وتىرىسىندا الماتى اكىمى باقىتجان ساعىنتايەۆ مەملەكەتتىڭ نەگىزگى مىندەتى – ازاماتتاردىڭ بارلىق كونسترۋكتيۆتى ساۋالدارىنا جەدەل ءارى ناقتىلى جاۋاپ بەرۋ ەكەنىن اتاپ ءوتتى.
«ءبىز ءقازىردىڭ وزىندە «تىڭداي الاتىن مەملەكەت» كونسەپسياسىن ىسكە اسىرۋدى باستادىق. بارلىق باسقارما باسشىلارى مەن اۋداندار اكىمدەرى الەۋمەتتىك جەلىلەردە اككاۋنتتار اشتى، وسى ارقىلى ولار الماتىلىقتاردان تىكەلەي «كەرى بايلانىستى» قابىلداي الادى»، – دەدى ب. ساعىنتايەۆ.
بۇدان وزگە، باسقارمالار مەن اۋدان اكىمدىكتەرىندە «اشىق ەسىكتەر كۇندەرى» وتۋدە. اكىمنىڭ ءسوزى بويىنشا ولار ءار اپتا سايىن وتەتىن بولادى.
«ادامداردى ساپالى جاۋاپتار تولعاندىرادى. قايتادان ءوتىنىش بەرىلمەيتىندەي ەتىپ، بارىنشا ناقتىلى جاۋاپ بەرۋ ءارى ءتۇسىندىرۋ قاجەت. نازار اۋدارىلماعان ءاربىر ءوتىنىش ءۇشىن ءبىرىنشى باسشىلار جەكە جاۋاپقا تارتىلادى. كادرلىق شەشىمدەر ەڭ الدىمەن ولاردىڭ تۇرعىندارمەن جۇمىسىنىڭ باعاسىنا قاتىستى قابىلدانادى»، – دەپ اتاپ ءوتتى الماتى اكىمى.
سونىمەن قاتار، جاقىن ارادا بەيبىت جيىندار وتەتىن ورىندار انىقتالادى جانە ب ا ق بەتتەرىندە جاريالاناتىن بولادى.
پىكىر قالدىرۋ