مەملەكەت باسشىسى قاسىم-جومارت توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋى بۇگىندە جەر-جەرلەردە ءجىتى تالقىلانۋدا. جىلدىڭ باس قۇجاتىنىڭ باسىم باعىتتارى ءتۇسىندىرىلىپ، القالى وتىرىرىستار وتۋدە. سونداي باسقوسۋدىڭ ءبىرى جامبىل وبلىسى اكىمدىگىندە ۇيىمداستىرىلدى دەپ جازادى Qamshy.kz اقپارات اگەنتتىگى.

جيىندا ەڭ الدىمەن وبلىس اكىمىنىڭ ورىنباسارى سۇلۋشاش قۇرمانبەكوۆا بايانداما جاساپ، جولداۋ جۇكتەگەن تالاپتار مەن مىندەتتەر بويىنشا وڭىردە اتقارىلاتىن جۇمىستارعا توقتالدى.

- ق ر پرەزيدەنتى قاسىم-جومارت توقايەۆ حالىققا ارناعان جولداۋىندا زاماناۋي تالاپتارعا جاۋاپ بەرەتىن دامۋدىڭ باستى باعىتتارىن بەلگىلەپ بەردى.

ەلىمىزدىڭ دامۋ جولىن الەم مويىنداپ، «نازاربايەۆ» مودەلىنىڭ نەگىزىندە وركەندەۋدىڭ جاڭا كەزەڭىنە شىعۋ جولى ايقىندالدى.

پرەزيدەنتتىڭ سايلاۋالدى باعدارلاماسىن ىسكە اسىرۋدىڭ وزەگى رەتىندە بەس مىندەت الىندى. ءبىرىنشىسى – زامان تالابىنا ساي ءتيىمدى مەملەكەت. ەكىنشىسى – ازاماتتاردىڭ قۇقىقتارى مەن قاۋىپسىزدىگىن قامتاماسىز ەتۋ. ءۇشىنشى مىندەت – قارقىندى دامىعان جانە ينكليۋزيۆتى ەكونوميكا. ءتورتىنشى مىندەت – الەۋمەتتىك جاڭعىرۋدىڭ جاڭا كەزەڭى. بەسىنشى مىندەت – قۋاتتى وڭىرلەر – قۋاتتى ەل.

بىرىنشىدەن ەكونوميكالىق ورلەۋ جانە الەۋمەتتىك سالانىڭ بارلىق باعىتتارى بويىنشا ساياسي رەفورمالار كەزەڭ-كەزەڭىمەن، تاباندى تۇردە جانە جان-جاقتى ويلاستىرىپ، «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ مىندەتى تۇر.

بيلىك پەن قوعام اراسىنداعى تۇراقتى ديالوگ ورناتۋ الداعى ۋاقىتتا اتقاراتىن جۇمىستىڭ باسىم باعىتىنا اينالۋى ءتيىس. سوندىقتان ازاماتتىق قوعامعا قولداۋ كورسەتىپ، ونىڭ الەۋەتىن نىعايتا ءتۇسۋ اسا ماڭىزدى، -دەپ ءسوزىن باستاعان سۇلۋشاش ساتبەك قىزى ودان ءارى حالىقپەن تىعىز بايلانىس ورناتۋدىڭ تيىمدىلىگىن تىلگە تيەك ەتتى.

- پرەزيدەنت جولداۋدا «قوعامدىق ديالوگ، اشىقتىق، ادامداردىڭ مۇڭ-مۇقتاجىنا جەدەل نازار اۋدارۋ مەملەكەتتىك ورگاندار قىزمەتىنىڭ نەگىزگى باسىمدىقتارى سانالادى» ، - دەپ ەرەكشە اتاپ ءوتتى. وسى ورايدا وبلىس اكىمىنىڭ 13 ناۋرىزداعى №70ء-و وكىمىمەن جەرگىلىكتى اتقارۋشى ورگاندارىنىڭ جۇمىس الگوريتمدەرى بەكىتىلگەن بولاتىن. الگوريتمگە سايكەس، قالا، اۋدان اكىمدەرى 5 كۇن بۇرىن باسىلىمداردا، الەۋمەتتىك جەلىلەردە، رەسمي سايتتاردا تۇرعىندارمەن وتكىزەتىن كەزدەسۋ ورنى، مەرزىمى تۋرالى حابارلاۋ كەرەك. الايدا جەرگىلىكتى اكىمدەر تاراپىنان الگوريتمدى جۇزەگە اسىرۋ بارىسىندا كوپتەگەن كەمشىلىكتەرگە جول بەرىلىپ، ءالى دە بولسا تۇراقتى جۇيە قالىپتاسپاي وتىرعانى انىقتالدى.

ماسەلەن ءبىرقاتار اۋدانداردا اۋدان اكىمىنىڭ وكرۋگتەردى ارالاۋ كەستەسى اۋدان اكىمىمەن بەكىتىلمەگەن جانە ەلدى مەكەندەرگە شىعۋ كەستەسى وبلىس اكىمىنىڭ باس ينسپەكتورىنا رەسمي جولدانباعان. سونداي-اق وتكىزىلگەن

جيىنداردىڭ حاتتامالارىندا وكرۋگ اكىمىنىڭ، جەرگىلىكتى مەكەمە باسشىلارى ەسەپتەرىنىڭ تىڭدالعانى، ولاردىڭ جۇمىسىنا ناقتى باعا بەرۋ، كوتەرىلگەن ماسەلەر بويىنشا قابىلدانعان شەشىمدەر، وعان جاۋاپتى لاۋازىم يەسىن بەكىتۋ سەكىلدى ماسەلەلەر ەنبەگەن. راسىمدەلگەن حاتتامالاردىڭ ورىندالۋىنا تالداۋ جاسالماعان.

بۇدان بولەك، ينسپەكتورلار تاراپىنان زەردەلەۋ بارىسىندا اكىمدەردىڭ ەلدى مەكەندەردى ارالاۋ كەزىندە ازاماتتاردى جاكە سۇراقتارمەن قابىلداۋ ماسەلەسى دە جۇيەلەنبەگەنى بەلگىلى بولدى.

وسىلايشا الگوريتم قابىلدانعالى جارتى جىلعا جۋىق ۋاقىت وتسە دە كوپتەگەن اۋىل اكىمدەرى اپتا سايىن تۇرعىندارمەن وتەتىن كەزدەسۋلەرگە نەمقۇرايلى قاراۋدا، - دەپ وبلىس اكىمىنىڭ ورىنباسارى اۋدان مەن اۋىل اكىمدەرىنىڭ جۇيەسىز جۇمىسىن ءبىر سىناپ ءوتتى.

بايانداما تىڭدالعاننان كەيىن ءبىرقاتار ازاماتتار جارىسسوزگە شىعىپ، مەملەكەت باسشىسى قاسىم-جومارت كەمەل ۇلىنىڭ حالىققا ارناعان جولداۋىنا قولداۋ ءبىلدىردى.