جامبىل وبلىسى جامبىل اۋدانىندا جان جادىراتار جاڭالىقتار جەتەرلىك. ەلدىڭ ەڭسەسىن جىل ساناپ تىكتەلىپ كەلەدى. ءبىر عانا مىسال نەگىزگى كاپيتالعا سالىنعان ينۆەستيسيا 2019 جىلى 17 ملرد. 879،4 ملن. تەڭگەنى قۇراعان. بۇل 2018 جىلدىڭ ءتيىستى كەزەڭىمەن سالىستىرعاندا پايىزعا ارتىق دەپ جازادى Qamshy.kz اقپارات اگەنتتىگى. 

جان باسىنا شاققاندا نەگىزگى كاپيتالعا سالىنعان ينۆەستيسيا كولەمى 214 211 تەڭگەنى قۇرادى جانە 2018 جىلدىڭ ءتيىستى كەزەڭىمەن سالىستىرعاندا 108،4%-دى قۇرادى (2018 جىلدىڭ 7 ايى – 197 474 تەڭگە).

2019 جىلدىڭ ەسەپتى كەزەڭىندە بولشەك ساۋدا تاۋار اينالىمى 3 ملرد. 883،7 ملن. تەڭگە نەمەسە 130،2% بولدى (2018 جىلدىڭ 7 ايى – 2 ملرد. 982،3 ملن. تەڭگە). ناقتى كولەم يندەكسى 123،1%-دى قۇرادى. سونىمەن قاتار، كوتەرمە ساۋدا اينالىمىنىڭ كولەمى 8 ملرد. 512،9 ملن. تەڭگەنى نەمەسە 2018 جىلدىڭ ءتيىستى كەزەڭىمەن سالىستىرعاندا 82،8% بولدى (2018 جىلدىڭ 7 ايى – 10 ملرد. 270،7 ملن. تەڭگە). ناقتى كولەم يندەكسى 78،0%-دى قۇرادى.

ورتاشا ايلىق جالاقى كولەمى 128 658 تەڭگەنى نەمەسە 2018 جىلدىڭ ءتيىستى كەزەڭىمەن سالىستىرعاندا 113،1%-دى قۇرادى (2018 جىلدىڭ 7 ايى – 113 658 تەڭگە).

تۇرعىن ءۇي قۇرىلىسى جالپى الاڭى 37 719 شارشى مەتردى قۇرايتىن 276 جەكە مەنشىك تۇرعىن ءۇي قابىلداندى، بۇل 2018 جىلدىڭ ءتيىستى كەزەڭىمەن سالىستىرعاندا 120،6%-عا ورىندالدى (2018 جىلدىڭ 7 ايى – 31 271 شارشى مەتر).

اۋدان بويىنشا تۇرعىن ءۇي كەزەگىندە 639 ادام تۇر. ونىڭ ىشىندە جەتىم جانە اتا-اناسىنىڭ قامقورلىعىنسىز قالعان 99 بالا، الەۋمەتتىك ءالسىز توپتاعى 292 ادام، 138 كوپ بالالى وتباسى جانە 110 مەملەكەتتىك قىزمەتشىلەر. سونداي-اق، جالپى اۋدان بويىنشا 9 568 ادام جەكە مەنشىك تۇرعىن ءۇي قۇرىلىسىنا جەر تەلىمىن الۋعا كەزەكتە تۇر.

سالىقتار مەن مىندەتتى تولەمدەردىڭ ورىندالۋى اۋدان بويىنشا سالىقتىق تۇسىمدەردىڭ ورىندالۋى 104،5%-دى قۇرادى (جوسپار 2 958،5 ملن. تەڭگە؛ ناقتى 3 090،4 ملن. تەڭگە).

رەسپۋبليكالىق بيۋدجەت 98،1%-عا ورىندالدى (جوسپار 789،2 ملن. تەڭگە؛ ناقتى 774،1 ملن. تەڭگە). جەرگىلىكتى بيۋدجەت 106،8%-عا ورىندالدى (جوسپار 2 169،2 ملن. تەڭگە؛ ناقتى 2 316،3 ملن. تەڭگە). ونىڭ ىشىندە اۋداندىق بيۋدجەت 67،9 ملن. تەڭگەگە (جوسپار 1 549،7 ملن. تەڭگە؛ ناقتى 1 617،7 ملن. تەڭگە)، وبلىستىق بيۋدجەت 79،0 ملن. تەڭگەگە (جوسپار 619،5 ملن. تەڭگە؛ ناقتى 698،5 ملن. تەڭگە) ارتىق ورىندالدى.

بيۋدجەت شىعىستارىنىڭ يگەرىلۋى 97،7%-دى قۇرادى (جوسپار 8 612،7 ملن. تەڭگە؛ ناقتى 8 411،1 ملن. تەڭگە).

بۇل ءسوز جوق، باس بارماقپەن باعالاۋعا تۇرارلىق.