ەلوردالىق پوليسيا دەپارتامەنتىندە قۇقىق قورعاۋ ورگاندارىنىڭ الدىنا قويىلىپ وتىرعان مىندەتتەر مەن ونى جۇزەگە اسىرۋ بارىسى تالقىلاندى، دەپ حابارلايدى Qamshy.kz اقپارات اگەنتتىگى ۆەدومستۆونىڭ باسپا ءسوز قىزمەتىنە سىلتەمە جاساپ.
پوليسيا دەپارتامەنتىنىڭ باسشىسى ەرجان سادەنوۆ ۆەدومستۆوداعى جەتەكشىلەر مەن جەكە قۇرامعا جولداۋعا جۇكتەلگەن تۇرعىندارمەن ءتيىمدى كەرى بايلانىس ورناتۋ، ازاماتتاردىڭ قۇقىعى مەن قاۋىپسىزدىگىن قامتاماسىز ەتۋ، پوليسيا قىزمەتىنىڭ ابىرويىن ارتتىرۋ، حالىققا قىزمەت كورسەتۋ ورتالىعىنىڭ قاعيداتىمەن زاماناۋي فرونت-وفيس جاساۋ مىندەتتەرىن تانىستىردى.
– قۇقىق قورعاۋ جۇيەسىن تولىقتاي رەفورمالاۋ نەگىزگى باسىمدىقتاردىڭ ءبىرى بولىپ وتىر. بولاشاقتا پوليسيا كۇشتىك قۇرىلىم وبرازىنان ازاماتتارعا قىزمەت كورسەتەتىن، ولاردىڭ قاۋىپسىزدىگىن ساقتايتىن ورگانعا اينالادى، – دەدى ەرجان سادەنوۆ.
دەپارتامەنت باسشىسىنىڭ ايتۋىنشا، پوليسەيلەردىڭ تيىمدىلىگى پوليسيا قىزمەتىنىڭ پرەستيجدىلىگىنە تىكەلەي بايلانىستى. سوندىقتان الداعى ءۇش جىلدا اتالعان سالاعا 173 ملرد تەڭگە بولىنبەك. قاراجات ەڭبەكاقىنى كوتەرۋگە، پاتەر جالعا الۋعا، حقكو ءپرينسيپى بويىنشا قۇرىلاتىن فرونت-وفيستاردى قۇرۋعا جۇمسالماق.
پىكىر قالدىرۋ