الماتى وبلىسىندا اۆتوبۋستى پويىز سوعىپ ءوتتى، ونىڭ سالدارىنان ەكى ادام قازا تاپتى دەپ حابارلايدى Qamshy.kz اقپارات اگەنتتىگى الماتى وبلىسى اكىمدىگىنىڭ باسپا ءسوز قىزمەتىنە سىلتەمە جاساپ.

"الدىن الا مالىمەتتەر بويىنشا، شامالعان ستانسياسىنداعى جول-كولىك وقيعاسىنان 2 ادام قازا تاپتى جانە 9 ادام زارداپ شەكتى. وقيعا ورنىندا جەدەل جاردەم قىزمەتى جۇمىس ىستەپ جاتىر. سونىمەن قاتار، وقيعا ورنىندا قاراساي اۋدانىنىڭ اكىمى جانداربەك دالابايەۆ بار. الداعى اۋرۋحانالار كۇشەيتىلگەن تارتىپكە ءوتتى"، - دەپ حابارلادى وبلىس اكىمدىگىندەگىلەر.

ال مۇنىڭ الدىندا يندۋستريا جانە ينفراقۇرىلىمدىق دامۋ مينيسترلىگى وقيعانىڭ ءمان-جايىن ايتقان ەدى. توتەنشە جاعداي "ەكاتەرينبۋرگ-الماتى" تاسجولىنىڭ 2449-شاقىرىمىندا شامالعان ستانسياسىندا 15 قىركۇيەكتە ساعات شامامەن 19.20-دا بولعان.  "اۆتوبۋس جۇرگىزۋشىسى دىبىس بەلگىسىنە قاراماي، تەمىرجولعا شىعىپ كەتكەن. سالدارىنان پويىز اۆتوبۋستى سوققان"، - دەپ حابارلادى يندۋستريا جانە ينفراقۇرىلىمدىق دامۋ ءمينيسترىنىڭ كەڭەسشىسى رۋسلان يمانقۇلوۆ.

"الماتى وبلىسى تجد قاراساي اۋدانى شامالعان ستانسياسىنىڭ تەمىرجول جولىندا بولعان وقيعاعا بايلانىستى جەدەل شتاب قۇرىلدى. بايلانىس تەلەفوندارى (87282) 220213، 220018. سونداي-اق، الماتى قالاسى تجد-دە (8727) 2782083، 2782084 تەلەفوندارى بويىنشا جەدەل بايلانىس ۇيىمداستىرىلدى"، - دەپ حابارلادى تجك وكىلدەرى.