تاراز قالالىق №12 كەرىمباي اتىنداعى مەكتەپ-گيمنازياسىنىڭ ءماجىلىس زالىندا «قۇجاتتاما جاساۋ جانە قۇجاتتامانى باسقارۋ» تاقىرىبىندا كوشپەلى سەمينار وتكىزىلدى. تاراز قالاسى اكىمدىگى ءبىلىم ءبولىمى ۇيىمداستىرعان ماڭىزدى جيىنعا تاراز قالاسى اكىمدىگىنىڭ ءبىلىم بولىمىنە قاراستى 37 مەكتەپ، 57 بالاباقشا جانە تاراز قالاسى اكىمدىگى مادەنيەت جانە تىلدەردى دامىتۋ ءبولىمىنىڭ ورتالىقتاندىرىلعان كوپشىلىك كىتاپحانالار جۇيەسىنىڭ 7 قۇرىلىمدىق بولىمشەلەرىنىڭ قىزمەتكەرلەرى قاتىستى.
باسقوسۋ بارىسىندا جامبىل وبلىسى اكىمدىگىنىڭ مادەنيەت، ارحيۆتەر جانە قۇجاتتاما باسقارماسى تاراز قالاسىنىڭ مەملەكەتتىك ءارحيۆىنىڭ قىزمەتكەرلەرى سەمينار قاتىسۋشىلارىنا ۆەدومستۆولىق ارحيۆ جۇمىسى جايلى دارىستەر وقىدى. سونداي-اق، تاراز قالاسى اكىمدىگىنىڭ ءبىلىم بولىمىنە قاراستى مەكەمەلەردى قۇجاتپەن قامتاماسىز ەتۋ بويىنشا ۆەدومستۆولارعا ادىستەمەلىك جانە تاجىريبەلىك تۇرعىدان كومەك كورسەتتى.
سەمينار بارىسىندا ۇلتتىق ارحيۆ قورىن تولىقتىرۋ، مەكەمەلەردىڭ قۇجاتتامالىق قىزمەتىنىڭ جۇمىسىن قالىپتاستىرۋ، ۇيلەستىرۋ ءبولىمىنىڭ باسشىسى ە. ەركەبۇلانوۆا سەمينار-ساباقتى اشىپ، جالپى ارحيۆ سالاسىنا تيەسىلى جۇمىستار رەتىن بايانداپ بەردى.
سەمينار-ساباق «باسقارۋ قۇجاتتامالىق قامتۋىنا قازىرگى تالاپتار»، «قۇجاتتاما جاساۋ جانە قۇجاتتامانى باسقارۋ ءتارتىبى» جانە «ۇلتتىق ارحيۆ قورى جانە ارحيۆتەر» تۋرالى زاڭدى قولدانا وتىرىپ، ۇلتتىق ارحيۆ قورىن تولىقتىرۋ كوزدەرى – ۇيىمدار ءارحيۆىنىڭ جيىنتىق پاسپورتىن راسىمدەۋ» اتالعان بولىمدەر بويىنشا وتكىزىلدى. وندا ارحيۆ ماماندارى قۇجاتتامانى باسقارۋدىڭ ۇلگىلىك قاعيدالارى، ىستەر نومەنكلاتۋراسىن قۇراستىرۋ، قۇجاتتاردى ەسەپكە الۋ كىتابىن جۇرگىزۋ، ساراپتاۋ كوميسسياسىنىڭ ەرەجەسى، ۇيىمنىڭ قور ءىسى جانە ۇيىم ءارحيۆىنىڭ پاسپورتىن دۇرىس تولتىرۋ جايىن ءتۇسىندىردى.
ماسەلەن، ىستەر نومەنكلاتۋراسىن قۇرۋ جانە راسىمدەۋ تۋرالى زامان تالابىنا ساي سلايد ارقىلى ارحيۆ قىزمەتكەرى ا. سۇلەيمەنوۆا ءتۇسىندىرىپ بەردى. ول ىستەر نومەنكلاتۋراسىن ازىرلەۋ بارىسىندا قالىپتاساتىن ىستەردىڭ اتاۋلارى تولىق، دۇرىس جازىلۋىنا جانە تارماقتارىنىڭ دۇرىس قويىلۋى، سونىمەن قاتار مەكەمەدە ارحيۆ تۋرالى ەرەجە، جوسپار جانە ساراپتاۋ كوميسسياسىنىڭ ەرەجەسى، جوسپارى تۋرالى بارىنشا تولىق ماعلۇمات بەرىپ ءوتتى.
سەمينار بارىسىندا قاتىسۋشىلار جۇمىستارىنا قاتىستى تولعاندىراتىن ساۋلدارىن قويىپ، جان-جاقتى جاۋاپتار الدى.
