جامبىل وبلىسىندا ايماق تۇرعىندارىنا سيفرلاندىرىلعان اقپاراتتىق ورتالىقتار ارقىلى مەملەكەتتىك قىزمەت تۇرلەرىن كورسەتۋ جۇمىسى جولعا قويىلعان. بۇل باعىتتاعى جۇمىستاردى جەتىلدىرە ءتۇسۋ ماقساتىندا ورتالىقتاندىرىلعان كىتاپحانالار جۇيەسىنىڭ قىزمەتكەرلەرىن وقىتۋ جۇمىستارى جۇرگىزىلۋدە.

ماسەلەن، جامبىل اۋدانىنداعى ايشا ءبيبى اۋىلدىق كىتاپحاناسىنان اشىلعان ورتالىق ۇلگىلى سيفرلاندىرىلعان اقپاراتتىق ورتالىق رەتىندە جابدىقتالىپ، وسى اۋىلدىق كىتاپحانا بازاسىندا جاڭادان اشىلاتىن ورتالىقتاردى ءبىرىڭعاي تەحنيكالىق جابدىقتاۋ ماسەلەسى بويىنشا اۋداندىق كىتاپحانا ديرەكتورلارى مەن ادىسكەرلەرىنىڭ قاتىسۋىمەن «سيفرلى قازاقستان: قوعام جانە ءىت تەحنولوگيالار» تاقىرىبىندا سەمينار وتكىزىلگەن.

جامبىل وبلىسى اكىمدىگىنىڭ مادەنيەت، ارحيۆتەر جانە قۇجاتتاما باسقارماسى مەن ش.ءۋاليحانوۆ اتىنداعى جامبىل وبلىستىق امبەباپ عىلىمي كىتاپحاناسى ۇيىمداستىرۋىمەن كىتاپحانادا «نۇر وتان» پارتياسىنىڭ «قازاقستان كىتاپحانالارى – زاماناۋي ءبىلىم ورتالىقتارى» باستاماشىل جوباسى اياسىندا ءبىلىم جانە الەۋمەتتىك جوبالاردى جۇزەگە اسىرۋ، زاماناۋي ديزاينمەن جابدىقتالىپ، بەلسەندى جۇمىس جاساۋعا بارلىق مۇمكىندىك جاسالعان كىتاپحانانىڭ برودكاستينگ، كوۆوركينگ، سيفرلاندىرىلعان اقپاراتتىق ورتالىقتارىنىڭ جۇمىسىن ءتۇسىندىرۋ ماقساتىندا «سيفرلى قازاقستان: رۋحاني جاڭعىرۋ: كىتاپحانانىڭ جاڭا كەلبەتى» وبلىستىق سەمينار ءوتتى.

سونىمەن قاتار، جامبىل وبلىسى اكىمدىگىنىڭ مادەنيەت، ارحيۆتەر جانە قۇجاتتاما باسقارماسىنىڭ باستاماسىمەن ش.ءۋاليحانوۆ اتىنداعى جامبىل وبلىستىق امبەباپ عىلىمي كىتاپحاناسى بايزاق جانە تالاس اۋداندىق ورتالىقتاندىرىلعان كىتاپحانالار جۇيەلەرىنىڭ بازالارىندا «سيفرلى قازاقستان: سيفرلى قوعام جانە ءىت تەحنولوگيالار» ايماقتىق كلاستەر ءوتتى. كلاستەر باعدارلاماسىنا سايكەس اۋىل كىتاپحاناشىلارى «سيفرلى قازاقستان: «ەgov.kz پورتالى ارقىلى كورسەتىلەتىن قىزمەت تۇرلەرى جانە ولاردى ورىنداۋ تاسىلدەرى» تاقىرىبىنداعى حالىققا قىزمەت كورسەتۋ ورتالىعى قىزمەتكەرلەرىنىڭ ءدارىسىن تىڭداپ، cao-zhambyl.kz سايتى ارقىلى اۋىل تۇرعىندارىن اقپاراتتاندىرۋ جۇمىستارى اياسىندا تاجىريبە الماستى.

ال قىركۇيەكتە وسىنداي «سيفرلى قازاقستان: سيفرلى قوعامداعى سيفرلاندىرىلعان اقپاراتتىق ورتالىقتار وزىنە-وزى قىزمەت كورسەتۋ الاڭدارى رەتىندە» تاقىرىبىنداعى ايماقتىق كلاستەر ت.رىسقۇلوۆ جانە سارىسۋ اۋداندىق ورتالىق كىتاپحانالارى بازالارىندا حالىققا قىزمەت كورسەتۋ ورتالىعى قىزمەتكەرلەرى مەن اۋىل كىتاپحانالارىندا اشىلعان جانە ۇستىمىزدەگى جىلى اشىلاتىن سيفرلاندىرىلعان اقپاراتتىق ورتالىقتارى كىتاپحاناشىلارىنىڭ قاتىسۋىمەن ءوتتى.