جامبىل وبلىسىندا كىتاپحانالاردىڭ جانىنان سيفرلاندىرىلعان اقپاراتتىق ورتالىقتار اشۋ ءىسى بەلسەندى جۇرۋدە. بۇگىنگى تاڭدا وبلىس كولەمىندە 112 ورتالىق قىزمەت ەتۋدە. اعىمداعى جىلدىڭ 8 ايىنىڭ قورىتىندىسى بويىنشا اقپاراتتىق ورتالىقتىڭ پايدالانۋشىلار سانى 85 662 ادامعا جەتكەن. 20 040 پايدالانۋشى تاراز قالاسىندا ورنالاسقان 5 ورتالىقتقا جۇگىنسە، 65 622 ادام اۋىل كىتاپحانالارىنداعى ورتالىقتاردىڭ پايدالانۋشىلارى.
جىل ىشىندە پايدالانۋشىلاردىڭ ءتۇرلى باعىتتاعى 71 732 سۇرانىسى ينتەرنەت جەلىسى ارقىلى قاناعاتتاندىرىلعان. 20 مىڭنان اسا سۇرانىس قالا تۇرعىندارىنان تۇسسە، اۋىل تۇرعىندارىنىڭ 52 مىڭعا جۋىق سۇرانىسىن اۋىلدىق كىتاپحانالارداعى سيفرلاندىرىلعان اقپاراتتىق ورتالىقتار قىزمەتكەرلەرى جان-جاقتى اقپاراتپەن قامتاماسىز ەتكەن.
اقپاراتتىق ورتالىقتاردا www.cao-zhambyl.kz سايتى ارقىلى اۋىل تۇرعىندارىنىڭ كۇندەلىكتى تۇرمىسىنا قاجەتتى اقپاراتتار، egov.kz پورتالىنداعى بىرنەشە قىزمەت تۇرلەرىن الۋعا مۇمكىندىك جاسالعان. بۇگىنگى كۇنى ورتالىقتاردا 10 مىڭنان اسا انىقتاما بەرىلىپ، تىكەلەي سايت ارقىلى 3000-نان استام سۇرانىس قاناعاتتاندىرىلدى.
مىسالى، egov.kz پورتالى ارقىلى وسى ۋاقىتقا دەيىن 8 قىزمەت ءتۇرى كورسەتىلسە، بۇگىنگى تاڭدا بۇل قىزمەت اياسى كۇننەن-كۇنگە كەڭەيتىلىپ، قىزمەت ءتۇرى 13-گە جەتتى. بەرىلگەن 10 649 انىقتامانىڭ 6054ء-ى مەكەنجاي انىقتاماسى بولسا، 1 337 زەينەتاقى قورىنان انىقتامالار، 1013 - سوتتالعان نەمەسە سوتتالماعان تۋرالى انىقتامالار بەرىلگەن.
بۇل سالادا قىزمەت كورسەتۋمەن اينالىساتىن قىزمەتكەرلەردىڭ بىلىكتىلىگىن اتتىرۋ ماقساتىندا ت.رىسقۇلوۆ اۋدانىندا بايزاق، قورداي، مەركى، مويىنقۇم، ت.رىسقۇلوۆ، شۋ اۋداندارىنىڭ كىتاپحانا قىزمەتكەرلەرى، جاڭاتاس قالاسىندا جامبىل، جۋالى، سارىسۋ، تالاس اۋداندارىنىڭ كىتاپحاناشىلارى «ازاماتتارعا ارنالعان ۇكىمەت» مەملەكەتتىك كورپوراسياسى» كوممەرسيالىق ەمەس اكسيونەرلىك قوعامىنىڭ جامبىل وبلىسى بويىنشا فيليالىنىڭ حالىققا قىزمەت كورسەتۋ بويىنشا ت.رىسقۇلوۆ اۋداندىق ءبولىمىنىڭ Hر مەنەدجەرى ا.شاپاتايەۆا جانە وسى مەكەمەنىڭ سارىسۋ اۋداندىق ءبولىمىنىڭ مامانى ا.اليبەكوۆانىڭ «سيفرلى كازاقستان: «eGov.kz» پورتالى ارقىلى كورسەتىلەتىن قىزمەت تۇرلەرى جانە ولاردى ورىنداۋ تاسىلدەرى» ءدارىسنامالارىن تىڭداپ، «mGgov»، «Telegram-bot»، «EgovKzBot» قوسىمشالارىمەن جۇمىس جاساۋ تاسىلدەرىن پراكتيكالىق جۇمىس بارىسىندا پىسىقتادى. كلاستەر 150-دەن استام اۋىل كىتاپحاناشىلارىن قامتىدى.
