بۇگىندە وبلىستا ءبىلىم سالاسىن سيفرلاندىرۋ بويىنشا ءتيىستى جۇمىستار جۇرگىزىلۋدە. اتاپ ايتار بولساق، وتكەن جىلى ءوڭىر مەكتەپتەرى 161 روبوتوتەحنيكا كابينەتىمەن جابدىقتالعان بولسا، جاڭا وقۋ جىلىندا ول كورسەتكىش 49-عا ارتىپ، 210 مەكتەپكە جەتكەن. جىل سوڭىنا دەيىن تاعى 20 كابينەت اشۋ كوزدەلىپ، كورسەتكىشتى ەلۋ پايىزعا جەتكىزۋ كوزدەلگەن. بۇل تۋرالى وبلىس اكىمى اسقار مىرزاحمەتوۆتىڭ توراعالىعىمەن وتكەن جيىندا ايتىلدى.
باسقوسۋدا وبلىستىق ءبىلىم باسقارماسىنىڭ باسشىسى راحيا تۇرماعانبەتوۆا ءبىلىم بەرۋ مەكەمەلەرىندە IT ساباقتارىنىڭ جانە روبوتوتەحنيكا ۇيىرمەلەرىنىڭ ۇيىمداستىرىلۋ بارىسى تۋرالى باياندادى. ونىڭ ايتۋىنشا بۇل باعىتتا وقىتۋ شارالارى ۇيىرمەلەر جانە تاڭداۋ كۋرستارى ەسەبىنەن ينفورماتيكا پاندەرىنىڭ مۇعالىمدەرىمەن جۇرگىزىلۋدە ەكەن. جالپى، وبلىس مەكتەپتەرىندە بارلىعى 790 ينفورماتيكا مۇعالىمدەرى جۇمىس ىستەسە، ولاردىڭ 62 پايىزى «روبوتوتەحنيكا نەگىزدەرى»، 46،8 پايىزى كۇشىنە «3D-پريتينگ جانە باعدارلامالاۋ» تاقىرىپتارىندا بىلىكتىلىك كۋرستارىنان وتكەن.
ول عانا ەمەس، وتكەن جىلى وڭىردە دارىندى بالالارعا ارنالعان مامانداندىرىلعان ىت-ليسەي-ينتەرناتى اشىلىپ، بۇگىنگى كۇنى 7-9 سىنىپتاردا 160 بالا ءبىلىم الۋدا. سونداي-اق، اۋداندار مەن تاراز قالاسىندا بىلتىر 14 ءىت سىنىپتارى اشىلسا، اعىمداعى جىلى ول ساندى 50 جەتكىزۋ جوسپارلانعان. بۇدان بولەك، ءبىلىم باسقارماسىنا قاراستى اقپاراتتىق ورتالىقتاعى شتات سانى وڭتايلاندىرىلىپ، بيۋدجەت قاراجاتى ۇنەمدەلۋدە.
جيىندا ايماق باسشىسى اسقار يسابەك ۇلى بۇل باعىتتا جۇمسالاتىن بيۋدجەت قاراجاتىن ءتيىمدى جۇمسالۋىنا كوڭىل ءبولىپ، ساتىپ الىنىپ جاتقان تەحنيكالار مەن جابدىقتاردىڭ ساپالى ءارى زاماناۋي بولۋىنا نازار اۋدارتتى. سونىمەن قاتار، ارنايى كۋرستاردان وتكەن ۇستازداردىڭ دا ءبىلىم ساپاسى شىن مانىندە ويداعىداي بولا بەرمەيتىنىن باسا ايتىپ، وسى تۇرعىدا زەردەلەۋ شارالارىن ۇيىمداستىرۋدى تاپسىردى. ءوڭىر باسشىسى ىت-ليسەي مەن سىنىپتارىنىڭ جانە روبوتوتەحنيكا كابينەتتەرىنىڭ پايدالانۋ ءتارتىبى مەن ەرەجەسىن بەكىتۋ كەرەكتىگىن جەتكىزدى.
ايتا كەتەيىك، بۇگىندە وبلىس وقۋشىلارى حالىقارالىق، رەسپۋبليكالىق روبوتوتەحنيكا بويىنشا كونكۋرستارعا قاتىسىپ، جىلدان-جىلعا جاقسى جەتىستىكتەرگە جەتۋدە. اتاپ وتەر بولساق، سوڭعى ەكى جىلدا حالىقارالىق بايقاۋلاردا 10 وقۋشى جەڭىمپاز اتانسا، وتكەن جىلى رەسپۋبليكالىق جارىستاردا 30، اعىمداعى جىلدىڭ بەس ايىندا 54 وقۋشى جۇلدەگەر اتانعان. سونداي-اق، مينيسترلىكتىڭ «اقپاراتتىق تالدامالىق ورتالىعى» دايىنداعان «ق ر ءبىلىم بەرۋ جۇيەسىنىڭ احۋالى مەن دامۋى تۋرالى» ۇلتتىق باياندامادا ورتا ءبىلىمنىڭ ساپاسى جانە باسقا دا تۇپكى ناتيجەلەردىڭ يندەكسى بويىنشا جامبىل وبلىسى ەكىنشى ورىندى يەلەنگەن.
