16-23 قىركۇيەك كۇندەرى يران يسلام رەسپۋبليكاسىندا كاراتەدەن حالىقارالىق "Urmia Open" ءتۋرنيرى ءوتتى، دەپ حابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.
الەمنىڭ مىقتىلارى قاتىسقان سايىستا اتىراۋلىق سپورتشى، جاسوسپىرىمدەر وليمپيادا ويىندارىنىڭ جۇلدەگەرى ءابىلمانسۇر باتىرعالي ب ا ق سىناپ، 67 كەلى سالماقتا ەرەسەكتەر اراسىندا قولا جۇلدەگە يە بولدى.
ءابىلمانسۇر ءازىربايجاننان كەلگەن قوس سپورتشىنى جانە ارمەنيا، يران، وزبەكستان سپورتشىلارىن ۇتىپ، جارتىلاي فينالدا يراندىق سپورتشىعا ەسە جىبەرىپ الدى.
ال 16-17 جاس ارالىعىندا 61 كەلى سالماقتا تاعى ءبىر جەرلەسىمىز نۇرسۇلتان قالييەۆ التى كەزدەسۋ وتكىزىپ، جارىس جەڭىمپازى اتاندى. ول ىرىكتەۋ كەزەڭدەرىندە يراننىڭ ءۇش سپورتشىسىن جانە تۇركيا مەن ءازىربايجان سپورتشىلارىن ۇتىپ، اقتىق سىندا تاعى ءبىر يراندىقتى قاپى قالدىردى.
ايتا كەتەيىك، ەندى قوس سپورتشىمىز الەم چەمپيوناتىندا ەل نامىسىن قورعايتىن بولادى.
پىكىر قالدىرۋ