سىبايلاس جەمقورلىققا قارسى كۇرەس قازاقستان رەسپۋبليكاسىنداعى مەملەكەتتىك ساياساتتىڭ نەگىزگى باسىمدىقتارىنىڭ ءبىرى رەتىندە ايقىندالعان. سىبايلاس جەمقورلىق كورىنىستەرىنىڭ الدىن الۋ ەلىمىزدىڭ ءاربىر مەملەكەتتىك ورگانىندا تۇراقتى نەگىزدە جۇرگىزىلەدى. وسىعان وراي، ەلىمىزدىڭ كولەمىندە قوعام دەرتىمەن كۇرەسكە باعىتتالعان جوسپارلى جۇمىستار جۇرگىزىلۋدە. بۇل رەتتەن جامبىل وبلىسى دا شەت قالىپ جاتقان جوق.
ماسەلەن، جامبىل وبلىسى توتەنشە جاعدايلار دەپارتامەنتىندە دەپارتامەنت باستىعى ازاماتتىق قورعاۋ پولكوۆنيگى ب. دانيلوۆتىڭ توراعالىعىمەن قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىنىڭ (سىبايلاس جەمقورلىققا قارسى قىزمەت) وكىلدەرىنىڭ قاتىسۋىمەن جەكە قۇرام اراسىندا سىبايلاس جەمقورلىق كورىنىستەرىنە جول بەرمەۋ بويىنشا كەڭەيتىلگەن جۇمىس كەڭەسى ءوتتى. كەڭەسكە جامبىل وبلىسى ازاماتتىق قورعاۋ ورگاندارىنىڭ 100-دەن استام وفيسەرى، ونىڭ ىشىندە اۋداندىق توتەنشە جاعدايلار بولىمشەلەرىنىڭ بارلىق ينجەنەرلىك-ينسپەكتورلىق قۇرامى قاتىستى.
تجد مەن قۇرىلىمدىق بولىمشەلەردە جۇرگىزىلىپ جاتقان اۋقىمدى پروفيلاكتيكالىق جۇمىستارعا قاراماستان، اعىمداعى جىلعى 13 قىركۇيەكتە مەركى اۋدانىنىڭ توتەنشە جاعدايلار ءبولىمىنىڭ اعا ينجەنەرى تاراپىنان سىبايلاس جەمقورلىق قىلمىس ورىن الدى. وسىعان بايلانىستى، كەڭەستە جامبىل وبلىسى بويىنشا سىبايلاس جەمقورلىققا قارسى قىزمەتى وسى فاكتى بويىنشا ۇسىنىمدى ەگجەي-تەگجەيلى تالقىلادى جانە لاۋازىمدى تۇلعالاردى، ونىڭ ىشىندە وسى قىزمەتكەردىڭ تىكەلەي باسشىسىن قاتاڭ تارتىپتىك جاۋاپكەرشىلىككە تارتىلعاندىعى تۋرالى جەتكىزىلدى.
"قازاقستان ءۇشىن سىبايلاس جەمقورلىقتى جەڭۋ مەملەكەتتىك ساياساتتىڭ باستى باعىتتارىنىڭ ءبىرى بولىپ تابىلادى.، جامبىل وبلىسى تجد-دا سىبايلاس جەمقورلىق كورىنىستەرىنە قارسى ارەكەت ەتۋ بويىنشا الدىن الۋ كۇندەلىكتى جۇرگىزىلەتىندىگىن ايتا كەتكەن ءجون. ق ر ءىىم 2018-2020 جىلدارعا ارنالعان سىبايلاس جەمقورلىققا قارسى باعدارلاماسىن ىسكە اسىرۋ بويىنشا جوسپاردى، ءىىم القا شەشىمدەرىن جانە تجك جەدەل ماجىلىستەرىن ورىنداۋ بارىسىندا تۇراقتى نەگىزدە دارىستەر، سەمينارلار جانە ءار ءتۇرلى كەڭەستەر وتكىزىلەدى"، - دەپ اتاپ ءوتتى تج دەپارتامەنتىنىڭ باستىعى ب. دانيلوۆ.
قورىتىندىدا بارلىق جەكە قۇرامعا سىبايلاس جەمقورلىققا قارسى زاڭنامانىڭ تالاپتارىن مۇلتىكسىز ساقتاۋ تۋرالى قوسىمشا تاپسىرمالار بەرىلدى.
پىكىر قالدىرۋ