بيىل جامبىل وبلىسىندا ۆولونتەرلەردىڭ الەۋەتى قايىرىمدىلىققا، مۇقتاج وتباسىلارىنا ناقتىلى كومەك كورسەتۋگە باعىتتالدى. وبلىستا 2 مىڭعا جۋىق ەرىكتىلەر دەرەكقورى جاسالدى.

بۇل جۇمىستاردى جۇيەلەندىرۋ ماقساتىندا وبلىس اكىمدىگىنىڭ 2019 جىلعى 14 ناۋرىزداعى №52 قاۋلىسىمەن «قامقور» ۆولونتەرلىك-قايىرىمدىلىق جوباسىن ىسكە اسىرۋ جونىندەگى جوسپار بەكىتىلگەن.

جوبا اياسىندا 1800 ۆولونتەر وبلىستاعى 250 مىڭعا جۋىق وتباسىلارىن ارالاي وتىرىپ، ارنايى ازىرلەنگەن الەۋمەتتىك ساۋالناما تولتىردى. اتالمىش جوبانى ىسكە اسىرۋعا 15 ميلليون تەڭگە قارجى قارالدى.

بۇل قارجىعا تاراز قالاسىندا 3 قايىرىمدىلىق دۇكەنى اشىلىپ، قاجەتتى جابدىقتار الىندى.

ودان بولەك، حالىق كوپ شوعىرلاناتىن ساۋدا ورىندارىندا 5 قايىرىمدىلىق جاشىگى ورناتىلدى. جىل باسىنان بەرى اتالعان دۇكەندەر ارقىلى 977 وتباسىنا 4 تونناعا جۋىق كيىم-كەشەك تاراتىلعان. سول سياقتى، جوبا اياسىندا ۆولونتەرلەردىڭ ىقپالىمەن وبلىس بويىنشا 609 وتباسىنا 3،2 ميلليون تەڭگەگە ازىق-تۇلىكپەن كومەك كورسەتىلدى.

«قىزىل جارتى اي» قوعامدىق قورى- 754 كگ كيىم-كەشەك تۇرىندە گۋمانيتارلىق كومەك كورسەتسە، قايىرىمدىلىق جاشىكتەرىنەن- 500 كگ، ازاماتتاردان- 300 كگ كيىم-كەشەك الىنعان. جالپى، 1554 كگ كيىم-كەشەك، ولاردىڭ 800 كگ مۇقتاج وتباسىلارعا تاراتىلدى.

سونىمەن قاتار، ۆولونتەرلەرمەن جەرگىلىكتى جەرلەردە ءتۇرلى تۇرمىستىق زاتتار، كيىم-كەشەكتەر جيناستىرۋ، زاتتاردى مۇقتاج وتباسىلارىنا تاراتۋ شىعىندارى قاراستىرىلعان. ودان بولەك، ۆولونتەرلەرمەن ءتۇرلى مادەني-سپورتتىق كوپشىلىك شارالار ۇيىمداستىرۋ، ولاردى باعالى سىيلىقتارمەن ماراپاتتاۋ، جىل قورىتىندىسى بويىنشا ناتيجەلى جۇمىس اتقارعان 12 ۆولونتەرگە دەمالىس ورىندارىنا جولداما بەرۋ سەكىلدى ىنتالاندىرۋ شارالارى قارالعان.

اعىمداعى جىلدىڭ 25 ماۋسىمىندا ساعات 9.00-دە «QamQor» قايىرىمدىلىق دۇكەنى جامبىل وبلىسى مەن تاراز قالاسى تۇرعىندارىنان گۋمانيتارلىق كومەك قابىلداۋ پۋنكتىن اشتى. وسى ورايدا 20 ادام جانە 1 مەكەمە گۋمانيتارلىق كومەك كورسەتتى.

ال 25-26 ماۋسىمدا دۇكەنگە ارىس قالاسىنداعى جارىلىستان زارداپ شەككەن 67 ادام كومەككە جۇگىندى. سونداي-اق، گۋمانيتارلىق كومەك جارىلىس كەزىندە زارداپ شەككەن ادامدار ورنالاستىرىلعان №13 تەمىرجول كوللەدجىنە جونەلتىلدى. گۋمانيتارلىق كومەك رەتىندە كيىم-كەشەك، گيگيەنالىق زاتتار جانە ازىق-تۇلىك ۇلەستىرىلدى

وبلىستاعى 358 ورتا مەكتەپتە جانە 44 كوللەدجدە 402 «جاس سارباز» اسكەري-پاتريوتتىق كلۋبتارى قۇرىلعان. وندا 9898 بالا اسكەري-پاتريوتتىق تاربيەمەن قامتىلدى.