«جۇمىلا كوتەرگەن جۇك جەڭىل» دەيدى قازاق دانالىعى. راسىندا ءبىر جاعادان باس، ءبىر جەڭنەن قول شىعارىپ جاساعان تىرلىكتىڭ بەرەكەسى بولاتىندىعى بەلگىلى. مۇنى مەملەكەت باسشىسى قاسىم-جومارت توقايەۆ تا حالىققا ارناعان جولداۋىندا ايتىپ، اسىرەسە تۇرعىنداردىڭ قاۋىپسىزدىگىمەن تىكەلەي اينالىسىپ وتىرعان سالالارعا قولداۋ ءبىلدىرۋدى تاپسىردى، دەپ جازادى Qamshy.kz اقپارات اگەنتتىگى.
ەستەرىڭىزدە بولسا، 2000 جىلدارى ءورت سوندىرۋشىلەر كەڭەستىك كەزەڭنەن قالعان پروتيۆوگازداردى باستارىنا كيىپ، اينەكتەرىنەن اينالاڭدى كورۋ قيىن بولسا دا، جالىنمەن ارپالىستى. ال ءقازىر قۇدايعا شۇكىر ءورت سوندىرۋشىلەر زاماناۋي قۇرىلعىلارمەن جابدىقتالعان. جامبىل وبلىسىنداعى اۆتوكولىك پاركى ءجۇز پايىزعا بولماسا دا، جىلدا تولىقتىرىلۋدا. ودان بولەك، جەرگىلىكتى بيلىك تە سالاعا قولداۋ ءبىلدىرىپ، بيىل 5 ءورت سوندىرەتىن كولىك الىپ بەردى. سونىمەن قاتار جەرگىلىكتى قازىنادان قارالعان قارجىعا جول تالعامايتىن ءبىر كولىك ساتىپ الىندى. بۇل كولىكتىڭ بيىل جۋالى اۋدانىنىڭ قوشقاراتا سىندى قىستا قار قۇرساۋىندا قالاتىن اۋىل تۇرعىندارىمەن بايلانىس ورناتۋعا كوپ سەپتىگى تيگەلى تۇر. تاعى ءبىر ايتا كەتەرلىگى، جەرگىلىكتى بيۋدجەتتەن 31 ميلليون تەڭگە ءبولىنۋىنىڭ ارقاسىندا تۇرعىنداردى قۇلاقتاندىرۋ جۇيەسىن دە ىسكە قوسىلعان. بۇل قۇرىلعىنىڭ كومەگىمەن توتەنشە جاعداي كەزىندە كەز كەلگەن تەلەديدار مەن راديوداعى باعدارلامانى ءۇزىپ، حابارلاما تاراتۋ مۇمكىندىگىنە سالا ماماندارى يە بولىپ وتىر.
قازىرگى تاڭدا بارلىق اۋدانداردا ءورت ءسوندىرۋ بولىمدەرى قىزمەت ەتىپ جاتسا، جۋىردا شۋ اۋدانىنىڭ اكىمدىگى شوقپار اۋىلىنان ءورت ءسوندىرۋ بەكەتىن اشىپ، ءورت سوندىرۋشىلەردىڭ جۇمىسىن جەڭىلدەتە ءتۇستى. ودان بولەك، جاقىن كۇندەرى وسىنداي بەكەتتەر انداسباتىر مەن تۇيمەكەنت اۋىلدارىنان دا اشىلادى دەپ كۇتىلۋدە. مىنە تاۋەلسىزدىك تاڭىنىڭ وسىنداي جاقسىلىقتارىن كورىپ، توتەنشە جاعدايلار قىزمەتىنىڭ ەرتەڭىنە ەرەكشە ۇمىتپەن قاراۋعا بولادى.
ءيا، قولداۋ بولسا، ادامداردى قورعاۋ دا جولعا قويىلاتىنى انىق. ونى سالا ماماندارى دا سەزىنىپ، بۇگىندە جۇمىستى بارىنشا جۇيەلەۋدە. ءبىر باعىتتا جاڭا اۆتوكولىكتەر جەلمەن جارىسىپ ءورت سوندىرسە، ەكىنشى قىردا اۋىلداردان اشىلعان ءورت ءسوندىرۋ بولىمدەرى جۇمىس قارقىنىنا قارقىن قوسۋدا. ال ءۇشىنشى باعىتتا ماماندار تۇرعىنداردى توتەنشە ءقاۋىپى تۋرالى قۇلاقتاندىرىپ، ءوز مىندەتتىرىن ءمىنسىز اتقارۋدا. مىنە ساۋساق بىرىكسە، ينە ىلىگەدى دەگەن وسى.
