جاستار - ەل تىرەگى. سوندىقتان دا وسكەلەڭ ۇرپاقتىڭ تۇلعا بولىپ قالىپتاسۋى جولىندا مەملەكەت تاراپىنان لايىقتى قامقورلىق جاسالىپ كەلەدى. ەلباسىنىڭ بيىلعى جىلدى جاستار جىلى دەپ جاريالاۋى دا وسى ءسوزىمىزدىڭ ناقتى ءبىر دالەلى.

قازىرگى تاڭدا جامبىل وبلىسىندا بۇل باعىتتا باعدارلى تىرلىكتەر جۇيەسىن تاۋىپ، وڭ ناتيجەسىن بەرۋدە. ولاردىڭ قاتارىندا ءبىلىم بەرۋ، دەنساۋلىق ساقتاۋ، قۇقىق قورعاۋ، مادەنيەت، سپورت سالالارىندا جۇزەگە اسىپ جاتقان اۋقىمدى جۇمىستار تۋرالى اۋىز تولتىرىپ ايتۋعا بولادى. بۇل قاتاردا «ماڭگىلىك ەل جاستارى يندۋسترياعا» - «سەرپىن-2050» باعدارلاماسىنىڭ تيگىزىپ جاتقان كومەگى كوپ.

اتالمىش باعدارلاما اياسىندا 2014-2018 جىلدار ارالىعىندا وبلىستان 1384 تۇلەك وقۋعا ءتۇستى. ونىڭ 1169-ى جوعارى وقۋ ورىندارىندا، 215ء-ى كوللەدجدەردە پەداگوگيكالىق، تەحنيكالىق، تەحنولوگيالىق، اۋىلشارۋاشىلىعى، مەديسينالىق ماماندىقتار بويىنشا ءبىلىم الۋدا. وسى جوبا اياسىندا 2018 جىلى 65 تۇلەك وقۋىن ءبىتىرىپ، ونىڭ 31ء-ى جۇمىسقا ورنالاستى.

جاستارعا جىگەر سىيلاۋعا باعىتتالعان تاعى ءبىر باستاما- ۇستىمىزدەگى جىلدىڭ 12-14 ماۋسىمى ارالىعىندا وتكەن «2019 - جاستاردىڭ يننوۆاسيالىق الەۋەتى» «حاكاتون «Social Assembly» وبلىستىق بايقاۋى. بايقاۋ باسەكەگە قابىلەتتىلىك، ءبىلىمنىڭ سالتانات قۇرۋى، پراگماتيزم، سانانىڭ اشىقتىعى، ۇلتتىق بىرەگەيلىكتى ساقتاۋ جانە ەۆوليۋسيالىق دامۋ اتتى 6 باعىت بويىنشا وتكىزىلىپ، جوعارى جانە ارناۋلى ورتا وقۋ ورىندارىنىڭ ستۋدەنتتەرى مەن جاس زەرتتەۋشىلەر، 14 جاستان 17 جاسقا دەيىنگى مەكتەپ وقۋشىلارى، ەتنومادەني بىرلەستىكتەردىڭ جاستار كوشباسشىلارى قاتىستى.

بايقاۋدا جاستاردىڭ ناقتى الەۋمەتتىك ماسەلەلەرىن انىقتاۋ جانە شەشۋ جولدارىن ۇسىنۋ بويىنشا 42 جوبا تىڭدالىپ، بايقاۋ شارتىنا سايكەس ۇزدىك تاڭدالعان 22 جۇمىس جۇلدەلى سىيلىقتارمەن ماراپاتتالدى.

سونىمەن قاتار، ءىس-شارا باعدارلاماسىندا «جاڭعىرۋ جولى» جاستار قوزعالىسىنىڭ جۇمىسىن اقپاراتتىق ىلگەرىلەتۋ بويىنشا ءدارىس جانە سەرىكتەس ۇيىمداستىرۋشىلارمەن (اكۆاريۋم فورماتىندا) پىكىرتالاس الاڭى وتكىزىلدى. جاستاردى جاڭا جەتىستىكتەرگە ىنتالاندىرۋ، ماقسات قويىپ، ولارعا قول جەتكىزۋ، يننوۆاسيالىق جانە ناقتى الەۋمەتتىك ماسەلەلەردى شەشۋگە باعىتتالعان جاستار جوبالارىن قولداۋ ارقىلى قحا قاتارىنا «جاڭا ەسىمدەردى»، باعدارلاماشىلاردى، ستارتاپەرلەردى جانە يننوۆاتورلاردى قوسۋعا قول جەتكىزىلدى. بايقاۋ بارىسىندا انىقتالعان گران-پري يەگەرلەرى ر.ماردەنوۆا، ت.يبراگيموۆ جانە ر.ايتيكەنوۆا الداعى ۋاقىتتا قحا جۇمىسىنا قاجەتتى جوبالاردى ىسكە اسىراتىن بولادى جانە رەسپۋبليكالىق كەزەڭگە ءوز جوبالارىمەن قاتىسادى.