جاستار جىلى اياسىندا جامبىل وبلىسىندا جارقىن جوبالار قولعا الىنىپ، جۇيەلى جۇمىستار جالعاسىن تابۋدا. اسىرەسە، ءبىلىم بەرۋ باعىتىنا ايرىقشا باسىمدىق بەرىلۋدە. وسى ورايدا «Nur وtاn» پارتياسى جامبىل وبلىستىق فيليالى جانىنداعى «Jas Otan» جاستار قاناتىنىڭ «English for Jastar» جوباسى اياسىندا 473 مەكتەپ وقۋشىلارىنا فاكۋلتاتيۆتى ءبىلىم بەرۋ كۋرستارى ءوتتى.

جوبانىڭ ورىندالۋ بارىسىندا ارنايى وكسفورد ۋنيۆەرسيتەتىنىڭ اعىلشىن ءتىلىن ۇيرەتۋ نۇسقاۋلىعى قولدانىلدى.

وقىتۋ كۋرستارى مەكتەپ قابىرعاسىندا وقۋشىلاردىڭ ارنايى دەڭگەيدى وتكەنگە دەيىنگى ارالىقتا، ءۇش اي بويى جۇرگىزىلدى. وقىتۋدى ۇيىمداستىرۋعا اعىلشىن ءتىلىنىڭ ماماندىعى بويىنشا جوعارى وقۋ ورنىنىڭ ستۋدەنتتەرى تارتىلىپ، جاستار تاجىريبەسى بويىنشا ەڭبەك اقىمەن قامتاماسىز ەتىلدى.

ايتا كەتۋ كەرەك، جوبا سەگىز اۋىلدىق وكرۋگتەگى مەكتەپ وقۋشىلارىنا اعىلشىن ءتىلىن ۇيرەتۋ كۋرستارىن جۇرگىزدى. بۇل قاتاردا بايزاق اۋدانىنداعى س.ابلانوۆ اتىنداعى ورتا مەكتەپ، جۋالى اۋدانىنداعى №2 ورتا مەكتەبى، №1 مەكتەپ-گيمنازياسى، قورداي اۋدانىنداعى №12 ورتا مەكتەبى، مەركى اۋدانىنداعى №9 ۆ.ساۆۆا اتىنداعى ورتا مەكتەپ، مويىنقۇم اۋدانىنداعى ق.قاسىموۆ اتىنداعى شاعىن ورتالىقتى ورتا مەكتەبى، شۋ اۋدانىنداعى ا.قۇنانبايەۆ اتىنداعى ورتا مەكتەپ، جامبىل اۋدانىنداعى يۋ.گاگارين اتىنداعى ورتا مەكتەبى، №1 ورتا مەكتەبى، ب.مومىش ۇلى اتىنداعى ورتا مەكتەبى، ق.سارتبايەۆ اتىنداعى ورتا مەكتەبى، سارىسۋ اۋدانىنداعى ش.ءۋاليحانوۆ اتىنداعى مەكتەپ-گيمنازياسى بار. بۇگىنگى كۇنگە 473 بالا اعىلشىن ءتىلىنىڭ كۋرستارىنان ءوتىپ، اعىلشىن ءتىلىن مەڭگەرۋگە قوسىمشا سەپتىگىن تيگىزدى.

ودان بولەك، «Jas Otan» جاستار قاناتىنىڭ «ەnglish for Jastar» جوباسى اياسىندا تاراز يننوۆاسيالىق-گۋمانيتارلىق ۋنيۆەرسيتەتىنىڭ قولداۋىمەن «Homestay Calcalell Exchange» باعدارلاماسى ۇيىمداستىرىلدى.

جوبانى جۇرگىزۋگە وڭتۇستىك كورەيادان «Gyeongnam» ۇلتتىق عىلىم جانە تەحنولوگيا ۋنيۆەرسيتەتىنىڭ 2 پروفەسسور جانە 3 ستۋدەنت ۆولونتەرلەرى شاقىرىلدى. ۆولونتەرلەر مەركى اۋدانىندا ەكى اپتاعا جۋىق كورەي ءتىلى كۋرستارىن وتكىزدى.

ال بيىلعى جىلى قولعا الىنعان «جاس وتان كىتاپحانا» جوباسى بويىنشا وبلىس اۋماعىندا 5717 كىتاپ سيفرلاندىرىلعان. جاستاردى كىتاپحاناعا تارتۋ، كىتاپ وقۋعا باۋلۋ اياسىندا كىتاپحانالاردان 15 ءبىلىم ورتالىعى اشىلىپ، جاستاردىڭ قولدانۋىنا بەرىلدى.

سونىمەن قاتار بيىلعى شىلدە ايىندا وڭتۇستىك كورەيا مەملەكەتىنەن 5 ۆولونتەر كەلىپ، مەركى اۋدانىندا 10 كۇن بويى جاستارعا ءتىل كۋرستارىن وقىتتى. بۇل جۇمىستارعا 1500 جاس قامتىلدى.