جاستارعا جارقىن جول سىلتەۋ ءۇشىن پايدالى كەڭەستەردىڭ دە تيگىزەر اسەرى مول. وسىنى ەسكەرگەن جامبىل وبلىسى اكىمدىگىنىڭ جاستار ساياساتى ماسەلەلەرى باسقارماسى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىمەن بىرلەسە وتىرىپ، بيىلعى 27 مامىر - 4 شىلدە ارالىعىندا وبلىستىق «بولاشاققا باعدار» اتتى كوشپەلى كەڭەس بەرۋ الاڭى جۇمىسى اياسىندا تاراز قالاسىندا، اۋداندار مەن ەلدى مەكەندەردە بولىپ، بارلىق ساناتتاعى جاستار مەن تۇرعىندارعا كەڭ اۋقىمدى ءتۇسىندىرۋ جۇمىستارىن جۇرگىزدى.
جالپى، تاراز قالاسى مەن اۋداندار بويىنشا كەڭەس بەرۋ الاڭدارىنا 8983 ادام قامتىلدى، ونىڭ 5174ء-ى جاستار. بۇل تۇرعىدا 7687 ادامعا كەڭەس بەرىلگەن. اتاپ ايتقاندا ءبىلىم بەرۋ سالاسى بويىنشا 2196، جۇمىسپەن قامتۋ باعىتىندا 1082، «ديپلوممەن اۋىلعا» باعدارلاماسى تۋرالى 382، كاسىپكەرلىك تۇرعىسىندا 802، اۋىل شارۋاشىلىعى سەكتورىندا 361، ءدىن بويىنشا 712، جەر قاتىناستارى سالاسىندا 566، پروباسيا قىزمەتى جايىندا 139، تۇرعىن ءۇي الۋ ءۇشىن 837، مەملەكەتتىك كىرىستەر تۋرالى 220، قۇقىقتىق باعىتتا 246، «جاس وتان» جاستار قاناتى بويىنشا 144 ادامعا كەڭەستەر بەرىلدى.
باسقارما تەك كەڭەس بەرۋمەن شەكتەلمەي، جاستاردىڭ شىعارماشىلىعىن دامىۋعا دا كوڭىل ءبولىپ كەلەدى. بۇل تۇرعىدا بايقاۋلاردىڭ تيگىزەر پايداسى زور. ۇستىمىزدەگى جىلدىڭ 7 ماۋسىمىندا «بالاساعۇن» ورتالىق كونسەرت زالىندا وبلىس اكىمدىگى جاستار ساياساتى ماسەلەلەرى باسقارماسى «جاستار رەسۋرستىق ورتالىعىنىڭ» ۇيىمداستىرۋىمەن وبلىستىڭ دارىندى، تالانتتى جاستارىن قولداۋ جانە تانىتۋ ماقساتىندا حV وبلىستىق جاستار دەلفييلىك ويىندارى وتكىزىلدى. وبلىس اۋداندارى مەن تاراز قالاسىنان ىرىكتەۋ بايقاۋلارىنان ءوتىپ، وبلىستىق بايقاۋعا جولداما العان 400-گە جۋىق جاس ونەرپازدار 19 نوميناسيا بويىنشا سايىسقا ءتۇستى. كونكۋرس ەكى جاس ساناتى بويىنشا: كىشى توپ 10-15 جاس جانە ۇلكەن توپ 16-25 جاس ارالىعىندا وتكىزىلدى. ءاربىر نوميناسيا بويىنشا ءى، ءىى جانە ءىىى ورىن يەگەرلەرى انىقتالىپ، باعالى سىيلىقتار مەن ديپلومدار تابىس ەتىلدى. حV وبلىستىق دەلفييلىك ويىندارىنىڭ جەڭىمپازدارى ۇلتتىق دەلفييلىك ويىندارعا جولداما الدى.بۇل باعىتتاعى جۇمىستار الداعى ۋاقىتتا دا جالعاسا بەرەتىن بولادى. اسىرەسە، جاستاردىڭ شىعارماشىلىعىن شىڭداۋعا كوپتەپ كوڭىل بولىنبەك.
