جامبىل وبلىسى اكىمى اپپاراتىنىڭ «قوعامدىق كەلىسىم» مەكەمەسىنىڭ ۇيىمداستىرۋمەن ش.ءۋاليحانوۆ اتىنداعى وبلىستىق عىلىمي امبەباپ كىتاپحاناسىندا «كالليگرافيا جانە لەتتەرينگ» تاقىرىبىندا سەمينار ءوتتى. قازاق ءالىپبيىنىڭ لاتىن قارىپىندەگى كوركەم تاڭبالانۋى تالقىلانعان جيىن قازاق جانە ورىس تىلدەرىندە ەكى سەكسيادا جۇرگىزىلدى. سەمينار جۇمىسىنا تاراز قالاسىنداعى جالپى ءبىلىم بەرەتىن مەكتەپتەردىڭ «كوركەم ەڭبەك» ءپانىنىڭ مۇعالىمدەرى قاتىستى.

لاتىن قارىپىندەگى قازاق ءالىپبيىنىڭ كوركەمدەپ تاڭبالانۋىن ارنايى ۇيرەتۋگە باعىتتالعان سەميناردىڭ باستى ماقساتى – وتانشىلدىق پەن ازاماتتىققا تاربيەلەۋ، سونداي-اق وسكەلەڭ ۇرپاقتىڭ رۋحاني-ادامگەرشىلىك قۇندىلىقتارىن، قازاقستاندىق بىرەگەيلىگىن قالىپتاستىرۋ، لاتىن تىلىندە كوركەمدەپ جازۋدى مۇعالىمدەر مەن وقۋشىلار اراسىندا ناسيحاتتاۋ، قازاق سوزدەرىنىڭ جاڭا گرافيكالىق بەينەسىن بەكىتۋ.

سەمينار باسى وبلىس اكىمى اپپاراتىنىڭ «قوعامدىق كەلىسىم» كمم كورمە زالىنىڭ مەڭگەرۋشىسى ۆەرا مايكوۆيچتىڭ العى سوزىمەن باستالدى. ۆەرا اندرەيەۆنانىڭ ايتۋىنشا ۇستازدارعا قازاق ءالىپبيىنىڭ لاتىن قارىپىندە كوركەمدەلىپ جازىلۋى ارقىلى بولاشاق ۇرپاقتىڭ ساناسىنا ارىپتەردىڭ ساۋاتتى ءارى اسەم جازىلۋ ۇلگىسىن قالىپتاستىراتىن كورىنەدى.

– ءاربىر ازاماتتىڭ ەل بولاشاعى ءۇشىن جاۋاپكەرشىلىگىنىڭ زور ەكەندىگىن دۇرىس ءتۇسىنۋدى ناسيحاتتاۋ، باسەكەگە قابىلەتتىلىكتىڭ ماڭىزدى باعىتتارىن ايقىنداۋ، پراگماتيزم، ۇلتتىق بىرەگەيلىكتى ساقتاۋ، سانانىڭ اشىقتىعى جانە مەملەكەت دامۋىنىڭ ەۆوليۋسيالىق جولى بولىپ تابىلاتىن جاڭا الەۋمەتتىك-مادەني ورتانى قالىپتاستىرۋ ءبىزدىڭ نەگىزىگى مىندەتىمىز بولىپ سانالادى. بۇگىنگى تولقىن كەلەسى تولقىننىڭ زامان تالابىنا ساي وسىپ-جەتىلۋىن قامتاماسىز ەتۋىمىز قاجەت. مىنە، سوندىقتاندا سىزدەردى جيناپ ساباق بارىسىندا وقۋشىلاردىڭ لاتىن قارپىندەگى قازاق ءالىپبيىنىڭ دۇرىس تاڭبالانۋىن ۇيرەتسە ەكەن دەگەن تىلەگىمىز بار جانە ءجاي عانا ۇيرەتپەي اسا كوركەمدىك پەن اسەم جازىلۋىن بويلارىنا دارىتسا ەكەن دەپ وتىرمىز، – دەيدى كورمە زالىنىڭ جەتەكشىسى.

سەميناردى قازاق تىلىندە «مەكتەپتەن تىس جۇمىس جانە بالالار شىعارماشىلىعى ورتالىعىنىڭ» قوسىمشا ءبىلىم بەرۋشى پەداگوگى ەلميرا بەگايداروۆا جۇرگىزسە، ورىس تىلىنىدە №40 مەكتەپ-گيمنازيانىڭ ءمۇعالىمى ديانا شايحەسلياموۆا وتكىزدى. قوس تىلدە وتكەن سەمينار بارىسىندا ۇستازدار لاتىن قارىپىندەگى قازاق سوزدەرىن ەرەكشە كالليگرافيالىق پىشىندە جازۋدى ۇيرەندى. جازۋلارى وزگەلەردەن ەرەك جازىلعان ۇستازدار ءوز وي-پىكىرلەرىمەن ءبولىسىپ وتىردى.

جيىن سوڭىندا مۇعالىمدەرگە سەرتيفيكاتتار تابىستالدى.