بايزاق اۋدانىندا «سانانىڭ جاڭعىرۋى – قوعامنىڭ جاڭعىرۋى» تاقىرىبىندا قوعامدىق فورۋم ءوتتى وندا سانانى جاڭعىرتۋ مەن بىرلىكتى ساقتاۋ، سانانىڭ اشىقتىعىن قالىپتاستىرۋ، ۇرپاق تاربيەسىنە ۇلكەن ءمان بەرۋ، تاپتاۋرىن بولعان داعدىلاردان باس تارتۋعا قوعامنىڭ نازارىن اۋدارۋ ماسەلەلەرى تالقىلاندى.

كەلەلى جيىندى مودەراتور، اقىن-سازگەر قاسقىرباي نارباتىر اشىپ، جۇرگىزىپ وتىردى. قازاقستان رەسپۋبليكاسى ءبىلىم بەرۋ ءىسىنىڭ ۇزدىگى، ارداگەر-ۇستاز ايتماحان تىشقانبايەۆ «بىرلىگىمىز-باسىمىزداعى باعىمىز» تاقىرىبىندا بايانداما جاساپ، ەل بىرلىگى مەن تۇتاستىعىن ساقتاۋ جولىندا ەرەن ەڭبەك سىڭىرگەن تولە، قازىبەك، ايتەكە بيلەر مەن ابىلاي سىندى حانداردىڭ سالىپ كەتكەن سارا جولى، ۇلى بابالاردىڭ مۇراتىن، تاۋەلسىزدىك جىلدارىندا جەتكەن جەتىستىكتەرىمىزدى، ەلباسى مەن مەملەكەت باسشىسى قاسىم-جومارت توقايەۆتىڭ قازاق ءتىلىنىڭ مارتەبەسىن بيىكتەتۋ جولىنداعى ەڭبەكتەرىن ناقتى دەرەكتەرمەن اڭگىمەلەدى.

مۇنان كەيىن «تىلەش قاجى» مەشىتىنىڭ باس يمامى راحىمبەك ابيروۆتىڭ “ماقسات - ىسىراپقا جول بەرمەۋ” تاقىرىبىنداعى بايانداماسى تىڭدالدى.راحىمبەك كەنجەباي ۇلى ءدىن مەن ءداستۇردىڭ ساباقتاستىعىنا سۇيەنە وتىرىپ، قارالى جيىندا ىسىراپقا جول بەرمەۋ، اس بەرۋ، كەسەنە سالۋدى باسەكەگە اينالدىرماۋ تۇرعىسىندا قۇران اياتتارى مەن پايعامبارىمىزدىڭ (س.ع.س) حاديستەرىنەن ۇزىندىلەر كەلتىردى. ال سارىكەمەر مەكتەپ-گيمنازياسىنىڭ قازاق ءتىلى جانە ادەبيەت ءپانىنىڭ ءمۇعالىمى راۋشان ابۋيەۆا جاس ۇرپاقتى ۇلتتىق قۇندىلىقتار نەگىزىندە تاربيەلەۋدىڭ جاي-جاپسارىن اڭگىمەلەدى. سونداي-اق، قازىرگى تاڭدا بالالاردى عالامتور مەن تەلەديدار تاربيەلەپ جاتقاندىعى جايلى كەڭىنەن تولعاندى. ۇرپاق تاربيەسىن قاۋزاعان ويدى №3 بايزاق كوللەدجىنىڭ ديرەكتورى مۇحيت نىسانبايەۆ ارى قاراي ءوربىتتى.

قوعام الدىندا تۇرعان كوكەيكەستى ماسەلەلەردى كوتەرگەن فورۋمدى اۋدان اكىمى نۇرجان نۇرجىگىتوۆ قورىتىندىلادى. كۇن ساناپ وزگەرىپ جاتقان ءدۇبىرلى دۇنيەدە سانانى جەتىلدىرىپ، قۇندىلىقتار مەن ۇلتتىق كودىمىزدى ساقتاي وتىرىپ، زامان اعىمىنا يكەمدەلۋدىڭ ماڭىزىن اتاپ ءوتتى. ەلباسىنىڭ «جالپىعا ورتاق ەڭبەك قوعامىنا قاراي 20 قادام» اتتى باعدارلامالىق ماقالاسىنىڭ ءمانى وسكەلەڭ ۇرپاقتى ەڭبەككە باۋلۋ، ءبىلىمدى جيىپ، عىلىمدى يگەرۋ ەكەندىگىن، وبلىستىق «ەلدىك ەلگە بايلانىستى» قوعامدىق فورۋم قاتىسۋشىلارىنىڭ ۇندەۋى باعىتىندا جۇمىستار جاسالاتىندىعىن جەتكىزدى.