تاپسىرما تالابى – ناتيجە. وسىنى ءجىتى تۇسىنەتىن جامبىلدىق قۇزىرلى مەكەمەلەر مەملەكەت باسشىسى جۇكتەگەن مىندەتتەردى ءمىنسىز ورىنداۋعا بار كۇشتەرىن جۇمىلدىرۋدا. ارينە پرەزيدەنت تاپسىرعان تاپسىرمالاردىڭ تياناقتى ورىندالۋى ماڭىزدى. مىنە وسى ماسەلە تاراز قالاسىنداعى «دوستىق» ۇيىندە تاعى ءبىر مارتە تالقىعا سالىندى، دەپ جازادى Qamshy.kz اقپارات اگەنتتىگى. 2019 جىلعى 24 مامىرداعى ق ر پرەزيدەنتى جانىنداعى وتاندىق ينۆەستورلار كەڭەسىنىڭ قورىتىندىسى بويىنشا قازاقستان رەسپۋبليكاسى پرەزيدەنتى قاسىم-جومارت توقايەۆتىڭ باقىلاۋ-قاداعالاۋ ورگاندارىنىڭ بيزنەس-قاۋىمداستىق الدىندا وڭىرلەردە ءبىرىڭعاي ەسەپ بەرۋ كۇنىن (بۇدان ءارى - ءبىرىڭعاي ەسەپ بەرۋ كۇنى) وتكىزۋ تاپسىرماسىن ورىنداۋ ماقساتىندا، جامبىل وبلىسىنىڭ اكىمدىگى ءبىرىڭعاي ەسەپ بەرۋ كۇنىن تاراز قالاسىنىڭ «دوستىق ۇيىندە» وتكىزدى.

كەزدەسۋ بارىسىندا مەملەكەتتىك باقىلاۋ-قاداعالاۋ ورگاندارىنىڭ (قۇقىقتىق ستاتيستيكا، سىبايلاس جەمقورلىققا قارسى ءىس-قيمىل اگەنتتىگى، مەملەكەتتىك كىرىستەر، تەحنيكالىق رەتتەۋ جانە مەترولوگيا، ەكولوگيا، ادىلەت، تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ، ءبىلىم سالاسىنداعى باقىلاۋ دەپارتامەنتى) جىل باسىنان بەرى اتقارعان جۇمىسىنىڭ ەسەبى تىڭدالىپ، سونداي-اق كاسىپكەرلەر تاراپىنان قويىلعان سۇراقتارعا مەملەكەتتىك قاداعالاۋ ورگاندارى تاراپىنان جاۋاپ بەرىلدى.

سونداي-اق جامبىل وبلىسى اكىمدىگىنىڭ كاسىپكەرلىك جانە يندۋستريالدى – يننوۆاسيالىق دامىتۋ باسقارماسىنىڭ ۇيىمداستىرۋىمەن باقىلاۋ-قاداعالاۋ ورگاندارىنىڭ بيزنەس-قاۋىمداستىق الدىندا ەسەپ بەرۋ كەزدەسۋى وتكىزىلدى.

اتالمىش كەزدەسۋ جامبىل وبلىسى اكىمىنىڭ ورىنباسارى نۇرجان كالەندەروۆتىڭ توراعالىعىمەن ءوتتى. كەزدەسۋگە وبلىستىق باسقارمالاردىڭ جانە باقىلاۋ-قاداعالاۋ فۋنكسيالارىن اتقاراتىن ورگان باسشىلارى، وبلىستىڭ كاسىپكەرلەرى مەن بۇقارالىق اقپارات قۇرالدارىنىڭ وكىلدەرى قاتىستى.

ءىس-شارانىڭ باستى ماقساتى – باقىلاۋ-قاداعالاۋ قىزمەتىندەگى زاڭناما تالاپتارى مەن ءتارتىبىنىڭ ساقتالۋىن قامتاماسىز ەتۋ، تەكسەرۋ تاعايىنداۋ مەن ونى ىسكە اسىرۋدا مىندەتتى تالاپتاردىڭ بۇزىلۋىنىڭ الدىن-الۋ، كاسىپكەرلەردىڭ قۇقىقتىق ساۋاتتىلىعىن ارتتىرۋ.

كەزدەسۋ بارىسىندا مەملەكەتتىك باقىلاۋ-قاداعالاۋ فۋنكسيالارىن اتقاراتىن ءبىرقاتار ورگانداردىڭ ەسەبى تىڭدالدى.

سونداي – اق، ءتيىستى قۇزىرلى ورگاندار تاراپىنان كاسىپكەرلىك سۋبەكتىلەرىنە جۇرگىزىلگەن تەكسەرۋلەر، ولاردى جۇرگىزۋ ءتارتىبى، ورىن العان زاڭ بۇزۋشىلىقتار، ولارعا جول بەرگەن لاۋازىمدىق تۇلعالارعا قولدانىلعان شارالار تۋرالى ءبىرقاتار ماسەلەلەر تالقىلاندى.

جيىن سوڭىندا مەملەكەتتىك باقىلاۋ-قاداعالاۋ ورگاندارىنىڭ وكىلدەرىنە بيزنەس سۋبەكتىلەرى تاراپىنان سۇراقتار قويىلىپ، ءتيىستى جاۋاپتار بەرىلدى.

سونىمەن قاتار مۇنداي شارانىڭ ماڭىزدىلىعى ايتىلىپ، اشىق ديالوگ الاڭىنىڭ جۇمىسىن تۇراقتى تۇردە ۇيىمداستىرۋ ۇسىنىلدى.