«ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى اياسىندا جامبىل وبلىسىندا جەمىستى جۇمىستار اتقارىلۋدا.

اتالمىش باعدارلامانىڭ «باعدارلاماعا قاتىسۋشىلاردى تەحنيكالىق جانە كاسىپتىك بىلىممەن جانە قىسقا مەرزىمدى كاسىپتىك وقۋمەن قامتاماسىز ەتۋ» اتتى 1ء-شى باعىتى اياسىندا 2019 جىلى بارلىعى 3883 ادامدى وقىتۋعا 1655،5 ميلليون تەڭگە بولىنگەن.

ال باعدارلامانىڭ 2ء-شى باعىتى اياسىندا بارلىعى 5284 ادامدى قامتۋعا 7372،7 ميلليون تەڭگە قارجى قاراستىرىلعان.

سول سياقتى «حالىقتى جۇمىسپەن قامتۋعا جاردەمدەسۋ جانە ەڭبەك رەسۋرستارىنىڭ ۇتقىرلىعى ارقىلى ەڭبەك نارىعىن دامىتۋ» اتتى باعدارلامانىڭ 3ء-شى باعىتى بويىنشا 7002 ادامدى قامتۋعا 2551،9 ميلليون تەڭگە ءبولىنىپ، يگەرىلۋدە.

وسى باعىت بويىنشا باعدارلاما اياسىندا الەۋمەتتىك جۇمىس ورىندارىنا بارلىعى 998 ورىنعا 234،9 ميلليون تەڭگە قارالىپتى. ەسەپتى كەزەڭدە الەۋمەتتىك جۇمىس ورىندارىنا 1440 ادام جولدانىپ، جۇمىسىن اياقتاعان 230 ادامنىڭ 123ء-ى تۇراقتى جۇمىسپەن قامتىلدى. سونىمەن قاتار، جاستار پراكتيكاسىنا بارلىعى 1844 ورىنعا 675،5 ميلليون تەڭگە قارالدى. ەسەپتى كەزەڭدە جاستار پراكتيكاسىنا 2108 تۇلەك جولدانىپ، جۇمىسىن اياقتاعان 1046 ادامنىڭ 508ء-ى تۇراقتى جۇمىسپەن قامتىلدى.

اقىلى قوعامدىق جۇمىسقا 4160 ادامدى تارتۋعا جەرگىلىكتى بيۋدجەتتەردەن 1641،5 ميلليون تەڭگە قارجى قارالدى. ەسەپتى كەزەڭدە قوعامدىق جۇمىستارعا 4609 ادام جولداندى.

سونداي-اق، «ەڭبەك رەسۋرستارىنىڭ ۇتقىرلىعىن ارتتىرۋ»، ياعني جۇمىس كۇشى تاپشى وڭىرلەردى جۇمىس كۇشىمەن قامتاماسىز ەتۋ ماقساتىندا باعدارلاما شەڭبەرىندە ءوز ەركىمەن قونىس اۋدارۋعا جاردەمدەسۋ ەسەبىنەن ەڭبەك رەسۋرستارىنىڭ اۋماقتىق ۇتقىرلىعىن ىنتالاندىرۋ قاراستىرىلعان.

باعدارلامانىڭ بۇل باعىتىن حالىق اراسىندا كەڭ كولەمدى ءتۇسىندىرۋ جۇمىستارى تۇراقتى تۇردە جۇرگىزىلىپ كەلەدى.

2019 جىلدىڭ 1-قىركۇيەگىنە سولتۇستىك وڭىرلەرگە 130 وتباسى، 392 ادام قونىس اۋدارىپتى. ونىڭ ىشىندە پاۆلودار وبلىسىنا 20 وتباسى، 52 ادام، شىعىس قازاقستان وبلىسىنا 31 وتباسى، 77 ادام، سولتۇستىك قازاقستان وبلىسىنا 43 وتباسى، 136 ادام، قوستاناي وڭىرىنە 36 وتباسى، 127 ادام قونىس اۋدارعان.

اتقارىلعان جۇمىستاردىڭ ناتيجەسىندە وڭىرلىك ەڭبەك رىنوعىندا تۇراقتىلىق ساقتالىپ، جۇمىسسىزدىق دەڭگەيى 2019 جىلدىڭ 2-توقسانىندا 4،8 پايىزدى، جاستار جۇمىسسىزدىق دەڭگەيى 2،4 پايىزدى قۇراعان. بۇل باعىتتاعى جۇمىستار الداعى ۋاقىتتا دا جەمىستى جالعاسا بەرەتىن بولادى.