مەملەكەت باسشىسى ق.توقايەۆتىڭ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا الەۋمەتتىڭ الەۋەتىن ارتتىرۋعا، تۇرعىنداردىڭ تۇرمىس-تىرشىلىگىن جاقسارتۋعا باسا نازار اۋدارىلدى. جۇرتشىلىقتىڭ ءومىر ءسۇرۋ ساپاسىن ارتتىرۋ باعىتىندا مەملەكەتتىك باعدارلامالاردىڭ تيگىزەر شاراپاتى مول. بۇل تۇرعىدا جامبىل وبلىسىندا دا جەمىستى جۇمىستار اتقارىلۋدا. اسىرەسە، وبلىس اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى يگى ىستەرگە ۇيىتقى بولىپ كەلەدى.

جالپى، باسقارمانىڭ نەگىزگى باعىتتارىنىڭ ءبىرى - «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىن» ىسكە اسىرۋ بولىپ تابىلادى. باسقارما باسشىسى تيمۋرجان نۇرىمبەتوۆتىڭ ايتۋىنشا، «ەڭبەك» باعدارلاماسى اياسىندا 2019 جىلعا بارلىعى 11،6 ميلليارد تەڭگە، ونىڭ ىشىندە رەسپۋبليكالىق بيۋدجەتتەن 7،4 ميلليارد تەڭگە، جەرگىلىكتى بيۋدجەتتەن 4،2 ميلليارد تەڭگە ءبولىندى.

-2019 جىلدىڭ 1-قىركۇيەگىنە جۇمىسپەن قامتۋدىڭ بەلسەندى شارالارىنا 22906 ادام تارتىلدى، سونىڭ ىشىندە ۆاكانتتىق بوس جۇمىس ورىندارىنا - 8842 ادام، قىسقا مەرزىمدى كاسىپتىك وقۋعا 3081 ادام، الەۋمەتتىك جۇمىس ورىندارىنا - 1440 ادام، جاستار پراكتيكاسىنا 2108 تۇلەك جولدانىپ، اقىلى قوعامدىق جۇمىستارعا 4609 جۇمىسسىز تارتىلدى. 1208 ادام «باستاۋ-بيزنەس» جوباسىمەن كاسىپكەرلىك نەگىزدەرىنە وقىسا، «جاس كاسىپكەر» جوباسى بويىنشا 575 ادام وقۋعا جولداندى. سونىمەن قاتار 597 ادام شاعىن نەسيە، 446 ادام گرانت الدى،-دەيدى باسقارما باسشىسى.

اتالمىش باعدارلامانىڭ «باعدارلاماعا قاتىسۋشىلاردى تەحنيكالىق جانە كاسىپتىك بىلىممەن جانە قىسقا مەرزىمدى كاسىپتىك وقۋمەن قامتاماسىز ەتۋ» اتتى 1ء-شى باعىتى اياسىندا 2019 جىلى بارلىعى 3883 ادامدى وقىتۋعا 1655،5 ميلليون تەڭگە بولىنگەن.

سونىڭ ىشىندە 770 ادامدى كاسىپتىك دايارلاۋعا 1108،7 ميلليون تەڭگە قارالىپتى. اعىمداعى جىلدىڭ 1 قىركۇيەگىنەن 770 ادام وقۋعا جولدانعان.

ال قىسقا مەرزىمدى كاسىپتىك وقىتۋ كۋرستارىندا 3113 ادامدى وقىتۋ ءۇشىن 546،8 ميلليون تەڭگە قارالدى. وڭىرلىك كوميسسيا شەشىمىمەن تىزىلىمگە ەنگەن ءبىلىم ۇيىمدارى كەسىندىسىندە قىسقا مەرزىمدى كاسىپتىك وقۋ وتەتىن ماماندىقتار بويىنشا ورىندار ءبولىندى، وقىتۋ قۇنى بەلگىلەندى. وقىتۋ 38 ماماندىق بويىنشا 37 ءبىلىم ۇيىمدارىندا وتەدى. 1ء-شى قىركۇيەككە قىسقا مەرزىمدىك وقىتۋعا 3081 ادام جولدانعان. وقۋدى بىتىرگەن 1755 ادامنىڭ 464ء-ى جۇمىسقا ورنالاستى. جىل سوڭىنا دەيىن وقۋىن اياقتاعانداردىڭ كەمىندە 60 پايىزىن جۇمىسقا ورنالاستىرۋ مەجەلەنىپ وتىر.