«ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىنىڭ نەگىزگى ماقساتى-الەۋمەتتىڭ الەۋەتىن ارتتىرۋ، تۇرعىنداردىڭ تابىسىن ەسەلەپ، تۇرمىسىن جاقسارتۋ. وسى ماقساتتا جامبىل وبلىسىندا وڭدى ىستەر جۇزەگە اسۋدا. بۇگىندە اتالمىش بايدارلاما اياسىندا 2019 جىلعا بارلىعى 11،6 ميلليارد تەڭگە، ونىڭ ىشىندە رەسپۋبليكالىق بيۋدجەتتەن 7،4 ميلليارد تەڭگە، جەرگىلىكتى بيۋدجەتتەن 4،2 ميلليارد تەڭگە ءبولىنىپ، يگەرىلۋدە.

اتالمىش باعدارلامانىڭ «باعدارلاماعا قاتىسۋشىلاردى تەحنيكالىق جانە كاسىپتىك بىلىممەن جانە قىسقا مەرزىمدى كاسىپتىك وقۋمەن قامتاماسىز ەتۋ» اتتى 1ء-شى باعىتى اياسىندا 2019 جىلى بارلىعى 3883 ادامدى وقىتۋعا 1655،5 ميلليون تەڭگە بولىنگەن.

ال باعدارلامانىڭ 2ء-شى باعىتى اياسىندا بارلىعى 5284 ادامدى قامتۋعا 7372،7ميلليون تەڭگە قارجى قاراستىرىلعان.

-بۇل باعىت اياسىندا ازاماتتار الدىمەن كاسىپكەرلەر پالاتاسى ارقىلى كاسىپكەرلىك نەگىزدەرىنە وقىتىلادى. بيىل «باستاۋ-بيزنەس» جوباسى بويىنشا بارلىعى 1200 ادامدى كاسىپكەرلىككە وقىتۋ جوسپارلانىپ، جىل باسىنان 1208 ادام وقۋعا جولدانىپ، 1054 ادام وقۋىن اياقتاپ، ونىڭ ىشىندە 137ء-ى شاعىن نەسيە السا، 75 ادام قايتارىمسىز گرانت الدى. بۇدان بولەك «جاس كاسىپكەر» جوباسى بويىنشا 575 ادام وقۋعا جولدانىپ، 266-ى وقۋدى اياقتاپ، 98ء-ى قايتارىمسىز گرانت الدى.

ميكروكرەديت بويىنشا اۋىل مەن قالادا بارلىعى 6147،6 ميلليون تەڭگەنىڭ شاعىن نەسيەسى 1301 ادامعا بەرىلەدى دەپ جوسپارلانعان.

اعىمداعى جىلدىڭ 1 قىركۇيەگىنە اۋىلدا 538 ادام 2905،0 ميلليون تەڭگەنىڭ شاعىن نەسيەسىن الدى.

سونىمەن قاتار، قالادا 90 ادامعا نەسيە بەرۋگە بارلىعى 1036،6 ميلليون تەڭگە قارالدى. نەسيە قاراجاتتارى ەكىنشى دەڭگەيلى بانكتەر اراسىندا ءبولىنىپ، نەسيەلەندىرۋ جۇمىستارى باستالدى. قالا بويىنشا 59 ادام شاعىن 770،9 ميلليون تەڭگە نەسيە الدى،-دەيدى جامبىل وبلىسى اكىمدىگى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى تيمۋرجان نۇرىمبەتوۆ.

وسى باعىت اياسىندا 1783 ادام 889،5 ميلليون تەڭگەنىڭ گرانتىن الۋدا. سونىڭ ىشىندە 200 ايلىق ەسەپتىك كورسەتكىش مولشەرىندە جاستار جىلىنا وراي 329 گرانتقا 166،1 ميلليون تەڭگە جانە كوپ بالالى از قامتىلعان وتباسىلارى ءۇشىن 611 گرانتقا 308،5 ميلليون تەڭگە، ۇلتتىق قوردان 800 ادامعا 404،0 ميلليون تەڭگە، 100 ايلىق ەسەپتىك كورسەتكىش مولشەرىندە 43 گرانتقا 10،9 ميلليون تەڭگە قاراستىرىلىپ، يگەرىلۋدە. ەسەپتى مەرزىمدە بارلىعى 446 ادام 214،6 ميلليون تەڭگە قايتارىمسىز گرانت العان.