ەلباسى ن.نازاربايەۆتىڭ سارابدال ساياتىنىڭ ناتيجەسىندە جامبىل وبلىسىندا اگروونەركاسىپ كەشەنى قارقىندى دامىپ كەلەدى. مەملەكەت باسشىسى ق.توقايەۆتىڭ قازاقستان حالقىنا جولداۋىندا ايقىندالعان تاپسىرمالارعا سايكەس بۇل باعىتتاعى جۇمىستار تىپتەن جاندانا ءتۇستى.

بيىلعى جىلدىڭ 1 تامىزىنا دەيىن وبلىستاعى بارلىق ساناتتاعى شارۋاشىلىقتاردا ءتىرى سالماقتا 60 981،8 توننا ەت ءوندىرىلىپ، 2018 جىلدىڭ وسى كەزەڭىمەن سالىستىرعاندا 1903،6 تونناعا نەمەسە 3،2 پايىزعا ارتقان. سونىمەن قاتار بارلىق ساناتتاعى شارۋاشىلىقتاردا 182581،2 توننا ءسۇت ءوندىرىلىپ، الدىنعى جىلمەن سالىستىرعاندا 5136،8 تونناعا، ياعني 2،9 پايىزعا ءوستى. اعىمداعى جىلدىڭ 7 ايىندا 76 543،6 مىڭ دانا تاعامدىق جۇمىرتقا ءوندىرىلىپ، وتكەن جىلعا قاراعاندا 8،5 پايىزعا ارتتى. شارۋاشىلىق سۋبەكتىلەرىندە 5 016،7 توننا ءجۇن ءوندىرىلىپ، الدىنعى جىلعا قاراعاندا 2،3 پايىزعا ارتىق بولدى.

اعىمداعى جىلدىڭ وتكەن كەزەڭىندە اۋىلشارۋاشىلىعى مالدارىنىڭ بارلىق تۇرلەرى بويىنشا تۇراقتى ءوسۋ ديناميكاسى بايقالۋدا. مىسالى، ءمۇيىزدى ءىرى قارانىڭ سانى 2019 جىلدىڭ 1 تامىزىنا 440 425 باستى قۇراپ، 2018 جىلمەن سالىستىرعاندا 29079باسقا ءوستى. ياعني، 7،1 پايىزدىق ءوسىم بار. سونىڭ ىشىندە سيىر سانى 187369 باسقا جەتىپ وتكەن جىلمەن سالىستىرعاندا 13836 باسقا ياعني 8،0 پايىزعا ارتتى. قوي مەن ەشكى 3323121 باسقا جەتىپ، 2018 جىلمەن سالىستىرعاندا 124457 باسقا، ياعني 3،9 پايىزعا ءوستى. جىلقى سانى 2019 جىلدىڭ 1 شىلدەسىنە 141904 باستى قۇراپ، 2018 جىلمەن سالىستىرعاندا 10296 باسقا، ياعني 7،8 پايىزعا ءوستى. سونداي-اق، تۇيە سانى 7405باستى قۇراپ، 2018 جىلمەن سالىستىرعاندا 553 باسقا نەمەسە 8،1 پايىزعا كوبەيدى.

جامبىل وبلىسىندا 2018-2027 جىلدار ارالىعىندا ەتتى مال شارۋاشىلىعىن دامىتۋعا ارنالعان ۇزاق مەرزىمگە جوسپارلانعان سالالىق باعدارلاما قابىلدانىپ، ينديكاتيۆتى كورسەتكىشتەرى بەكىتىلگەن. جالپى وسى باعدارلاما اياسىندا 2018-2027 جىلدار ارالىعىندا وبلىسقا الىس-جاقىن شەت ەلدەن 36،0 مىڭ باسقا جۋىق ءمۇيىزدى ءىرى قارا مالىنىڭ انالىق باسىن ساتىپ الۋ جوسپارلانعان.

وتكەن جىلى «كازاگرو» ۇبح نەسيەلىك قارجى ينستيتۋتتارىنا ارقىلى 8208 باس ءمۇيىزدى ءىرى قارا ساتىپ الۋعا 34 شارۋاشىلىقتان ءوتىنىم تۇسكەن، وسىدان 7818 باسقا ماقۇلدانىپ ناقتى 1 703 باس اكەلىندى. سونداي-اق، وسى باعدارلاما اياسىندا 77 تاۋاروندىرۋشىگە 948،6 ميلليون تەڭگە نەسيە بەرىلىپ 32،2 مىڭ باس قوي ساتىپ الىندى، 2017 جىلى وسى باعدارلاما ارقىلى 18،4 مىڭ باس قوي ساتىپ الىنعان بولاتىن. اعىمداعى جىلى قارجى ۇيىمدارىنا وسى باعىت بويىنشا 4550 باس ءمۇيىزدى ءىرى قارا ساتىپ الۋعا 37 ءوتىنىم ءتۇسىپ، ماقۇلدانعان (2104 باس) 26 ءوتىنىم بويىنشا 1694 باس ءمۇيىزدى ءىرى قارا ساتىپ الۋعا 656،0 ميلليون تەڭگە ءبولىندى.جىل باسىنان بەرى وبلىسقا 2912 باس ءمۇيىزدى ءىرى قارا مالى الىپ كەلىندى.