جامبىل وبلىسى اكىمدىگى ىشكى ساياسات باسقارماسى "وڭىرلىك كوممۋنيكاسيالار قىزمەتىنىڭ" اقپارات الاڭىندا جامبىل وبلىسى اكىمدىگى تۋريمز باسقارماسىنىڭ باسشىسى ارالبەكوۆا قارلىعاش ءامىر قىزىنىڭ قاتىسۋىمەن باسپا ءسوز كونفەرەنسياسى ءوتتى. قارلىعاش ءامىر قىزى جامبىل وبلىسىنداعى تۋريزم باسقارماسىنىڭ سوڭعى التى ايدا اتقارىلعان جۇمىستارى جايلى بايانداپ، جۋرناليستەردىڭ سۇراقتارىنا جاۋاپ بەردى.

سپيكەردىڭ ايتۋىنشا، وبلىستا 3 365 تاريحي-مادەني مۇرا ەسكەرتكىشتەرى ورنالاسقان، ونىڭ ىشىندە 2 934 ارحەولوگيالىق، 111- تاريحي، 97 ارحيتەكتۋرالى جانە ت.س.س. ۇلى جىبەك جولىنىڭ بويىندا ورنالاسقان 5 نىسان يۋنەسكو-نىڭ دۇنيەجۇزىلىك مۇرالار تىزىمىنە (اقتوبە (بالاساعۇن)، قۇلان، ورنەك، اقىرتاس جانە قوستوبە قالاشىقتارى)، سول سياقتى 2 نىسان ەۋرازيا ەكونوميكالىق ىنتىماقتاستىق ۇيىمىنىڭ «ەرەكشە تارتىمدى تۋريستىك نىساندار» تىزىلىمىنە ەنگىزىلگەن («اقىرتاس» ساراي كەشەنى جانە «ايشا ءبيبى» ماۆزولەيى)، 5 قورىقشا-زاكازنيك («بەرىكقارا»، «مەركى»، «اڭدىساي»، «ۇمبەت، «قاراقوڭىز»)، 6 ساناتورلىق-ساۋىقتىرۋ مەكەمەلەرى، 10 بالالار لاگەرلەرى ورنالاسقان.

قازاقستاننىڭ الماتى، تۇركىستان، شىمكەنت قالاسىنىڭ 9 تۋريستىك كومپانيالارىمەن «ورتاعاسىرلىق تورتكول» كەرۋەن سارايىدا ورنالاسقان «كونە تاراز شەبەرلەرى» قالاشىعىمەن تانىستى. قازىرگى تاڭدا قىرعىستان جانە وزبەكستان مەملەكەتتەرىنىڭ تۋريستىك كومپانيالارىمەن جازعى ماۋسىمدا ىستىقكولدەن تۋريستەردى «كونە تاراز شەبەرلەرى» قالاشىعىنا اكەلۋ قاراستىرىلۋدا. ءىس-شاراعا قازىرگى تاڭدا بارلىعى 5 565 ادام تارتىلعان. ولاردىڭ 500-دەن استامى شەتەلدىك تۋريستەر (گەرمانيا، يتاليا، جاڭا زەلانديا، جاپونيا، بولگاريا، قىرعىستان، تاجىكستان، وزبەكستان جانە رەسەي مەملەكەتتەرىنەن)، ال ەلىمىزدىڭ باسقا وبلىستارىنان 1800 تۋريست قامتىلدى.

جامبىل وبلىسى بويىنشا جالپى ۇزىندىعى 495 شاقىرىمدى قۇرايتىن ارا قاشىقتىقتا 9 جول بويعى سەرۆيس كەشەندەرىنىڭ قۇرىلىسىن جۇرگىزۋ ورىندارى ايقىندالدى. قۇرىلىس جۇمىستارى 5 اۋداندىق ەلدى مەكەندەردى قامتيتىن بولادى (قورداي، مەركى، ت.رىسقۇلوۆ، بايزاق جانە جۋالى). قۇرىلىسى جۇرگىزىلۋى قاجەت 8 جسك-ىڭ جوبالارى بويىنشا 4ء-ى «ۆ» جانە 4ء-ى «س» ساناتقا سايكەس.

تالاس الاتاۋىنىڭ 3200 مەتر بيىكتىگىندە ورنالاسقان، جوبالىق قۇنى 3 ملرد. 355 ملن. تەڭگەنى قۇرايتىن، «قارالما» تاۋ-شاڭعى بازاسى» جوباسى جۇزەگە اسىرىلۋدا. بۇگىنگى تاڭدا قۇرىلىسقا 274 گا جەر تەلىمى ءبولىنىپ، ەلەكتر قۋاتىمەن جابدىقتاۋ، گازوفيكاسيا مەن سۋ قۇبىرىن جۇرگىزۋ ينجەنەرلىك كوممۋنيكاسيالارى وتەتىن جەرلەرى انىقتالدى، اۆتوجول قۇرىلىسى اياقتالدى.

تەحنيكالىق سيپاتتامالارى بويىنشا ارقاندى جولدىڭ ۇزىندىعى 2050 مەتردى قۇرايدى. كەشەننىڭ قۇرامىنا 20 كوتتەدج، 100 ورىندىق 1 مەيمانحانا، ءارقايسىسى 70 ورىندىق 2 مەيرامحانا، 30 ورىندىق كافە، باقىلاۋ مۇناراسى، قىزمەت كورسەتۋ ورتالىعى، 100 اۆتوكولىككە ارنالعان اۆتوتۇراق، باسسەين جانە باسقا دا ساۋدا-ويىن-ساۋىق ورىندارى كىرەدى.