جامبىل جۇك تاسىمالى بولىمشەسى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىن تەمىرجولشىلار اراسىندا ناسيحاتتاپ، ءتۇسىندىرۋدى جۇيەلى تۇردە جۇرگىزىپ كەلەدى. جاقىندا بولىمشەنىڭ كونفەرەنس زالىندا وتكەن كەزەكتى ءىس-شاراعا ق ر بپ قسجاەاجك ايماقتىق كاسىپتىك باسقارماسىنىڭ جامبىل كولىكتىك ايماعى بويىنشا پروكۋرورى، كىشى ادىلەت كەڭەسشىسى جاننا يساكوۆا قاتىستى.
جيىندى جۇرگىزگەن «قازاقستان تەمىرجولى» جۇك تاسىمالى» اق – «جت جامبىل بولىمشەسى» فيليالى ديرەكتورىنىڭ ءبىرىنشى ورىنباسارى ۇمىتبەك رىسبەكوۆ الدىمەن جولداۋدا سالاعا قاتىستى ايتىلعان ماسەلەلەردى تالداپ، ءتۇسىندىردى. كەلەسى كەزەكتە ءسوز العان جاننا ءالىمجان قىزى جىلدىڭ باس قۇجاتىندا قۇقىق قورعاۋ سالاسى بويىنشا ايتىلعان باسىمدىقتارعا توقتالا كەلە، ءوز سوزىندە:
– قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ بيىلعى جولداۋىندا بىرنەشە جىلدان بەرى سىبايلاس جەمقورلىقپەن جۇيەلى كۇرەس ماسەلەسى كۇن تارتىبىنەن تۇسپەگەنى، سونىمەن قاتار، ورتالىق جانە جەرگىلىكتى ورگانداردىڭ نورماتيۆتىك-قۇقىقتىق اكتىلەرىنىڭ جوبالارىنا ساراپشىلار مەن قوعامنىڭ قاتىسۋىمەن سىبايلاس جەمقورلىققا قارسى ساراپتامانى قالپىنا كەلتىرۋ قاجەتتىلىگىن ەرەكشە اتاپ ءوتتى.
سىبايلاس جەمقورلىق قىلمىسى بولعان ورىندا ءبىرىنشى باسشىسى زاڭنامالىق جانە نورماتيۆتىك تۇرعىدان جاۋاپتى بولۋى كەرەك. سونداي-اق سىبايلاس جەمقورلىققا قارسى ورگان قىزمەتكەرلەرىنىڭ زاڭسىز جۇمىس ادىستەرى مەن ارانداتۋشىلىق ارەكەتتەرى بايقالعان جاعدايدا جۇمىس ادىستەرىن قاتاڭ باقىلاپ، تەرگەۋ ورىندارىنان شەتتەتكەن ءجون، – دەدى.
جاننا يساكوۆا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ جاريالاعان سىبايلاس جەمقورلىققا قارسى ساياساتىن جەتىلدىرۋ بويىنشا قابىلدانعان شارالار مەن سىبايلاس جەمقورلىققا قارسى باعدارلامانى قۇقىق سالاسىنىڭ قىزمەتكەرلەرى، سونىڭ ىشىندە كولىك پروكۋراتۋراسى تولىعىمەن قولدايتىنىن دا ايتتى. ول جاعىمدى وزگەرىستەرمەن قاتار، مەملەكەتتىك ورگاندار، سونداي-اق ازاماتتار تاراپىنان بولاتىن قۇقىقتىق نيگيليزمنىڭ كورىنىس تابۋى الاڭداتۋشىلىق تۋعىزاتىنىن دا جەتكىزدى.
باسقوسۋ بارىسىندا تەمىرجولشىلار وزدەرىن تولعاندىرعان ساۋالدارعا جان-جاقتى جاۋاپ الدى.
