ەلباسى ن.نازاربايەۆتىڭ بۇقارالىق سپورتتى دامىتۋ تۋرالى تاپسىرماسى جامبىل وبلىسىنداعى شۋ اۋدانىندا دا جۇيەلى جۇزەگە اسۋدا. بۇگىندە اتالعان ايماقتا تۇراقتى تۇردە دەنە شىنىقتىرۋ جانە سپورتپەن شۇعىلدانۋشىلار 30502 ادامدى، ياعني جەرگىلىكتى حالىقتىڭ 29،9 پايىزىن قۇراپ وتىر.

بۇگىندە اۋدانداعى سپورت مەكتەپتەرىندە 1939 وقۋشى تىركەلگەن. ال «تارلان» سپورت كەشەنىنە جانە جەكەمەنشىك سپورت سەكسيالارعا باراتىندار سانى 531 ادامدى قۇرايدى.

اۋدانداعى ءبىلىم مەكەمەلەرىندە 477 ءارتۇرلى سپورتتىق سەكسيا جۇمىس اتقارادى. ول جەرگە 8639 بالا قامتىلعان. سونىمەن قاتار اۋدانداعى 8 مەكتەپتەن تىس مەكەمەدە 145 سپورتتىق سەكسيا جۇمىس اتقارادى. ولارعا 2570 بالا تارتىلعان.

جىل باسىنان بەرى شۋ اۋدانى بويىنشا بارلىعى 62 سپورتتىق ءىس-شارا وتكىزىلىپ، وعان 14512 ادام قامتىلعان. سپورتتىق ءىس-شارالار ىشىنەن جۇيەلى جانە اۋقىمدىراق وتكىزىلگەندەر اۋداندىق كوشە، اۋلا، زياتكەرلىك ويىندارى فەستيۆالدەرى، ۇلتتىق سپورت تۇرلەرى بويىنشا توعىزقۇمالاق، كوكپار ويىنى مەن قازاق كۇرەسىنەن «قازاقستان بارىسى» اۋداندىق جارىستارى مەن اۋىل جاسوسپىرىمدەرى جانە حالىق سپورتى ويىندارىنان اۋداندىق ىرىكتەۋ جارىستارىن اتاپ وتۋگە بولادى.

سونىمەن قاتار، اۋدان قۇراما كوماندالارى وبلىستىق سپارتاكيادالارعا قاتىسىپ جوعارعى دەڭگەيدە ونەر كورسەتۋدە. اتاپ ايتاتىن بولساق، 2019 جىلدىڭ 19-20 شىلدە ارالىعىندا تاراز قالاسىندا وتكەن مەملەكەتتىك قىزمەتكەرلەر اراسىنداعى وبلىستىق سپارتاكيادادا اۋدان قۇراما كومانداسى جوعارعى ويىن ورنەگىن كورسەتىپ 34 كومانداسىنىڭ ىشىندە جالپى كوماندالىق جۇلدەلى ورىنعا يە بولدى.

تۇرعىنداردىڭ بۇقارالىق سپورتپەن شۇعىلدانۋعا كول جەتىمدىلىگىن ارتتىرۋ ماقساتىندا اۋداندا 190 سپورت نىسانى قناقتىلانعان. اتالعان سپورت نىسانداردىڭ 90 پايىزى اۋداندىق جالپى ءبىلىم بەرەتىن مەكتەپتەرگە تيەسىلى.

سپورت نىساندارىنىڭ بارلىعى دەرلىك اۋىل تۇرعىندارىنا سپورتپەن اينالىسۋىنا قولجەتىمدى. سپورت نىساندارىنىڭ اۋىل تۇرعىندارىنا قولجەتىمدىلىگىن قامتاماسىز ەتۋدى ۇيىمداستىرۋدىڭ ۇلگىلىك ەرەجەسى اۋداندىق دەنە شىنىقتىرۋ جانە سپورت بولىمىمەن ازىرلەنىپ بەكىتىلگەن.

تاعى ءبىر ايتا كەتەرلىگى، اۋداندا كەيىنگى جىلدارى جاڭا سپورت نىساندارىنىڭ قۇرىلىسى كوپتەپ جۇرگىزىلۋدە. سولاردىڭ ءبىرى ساۋرانبايەۆتار اۋلەتىنىڭ دەمەۋشىلىگىمەن 2018 جىلى ەسكىشۋ تىرەك اۋىلدىق وكرۋگى، بەلباسار اۋىلىندا جاڭادان سوعىلۋدا. سپورت نىسانىنىڭ قابىلداۋ مۇمكىندىگى - 200 ورىندىق. وعان بولىنگەن جەر تەلىمى- 0،26 گەكتار. سپورت زالداردىڭ جالپى سانى 4، ونىڭ ىشىندە، 1 ويىن سپورت زالى، 1 كۇرەس زالى، 1 بوكس زالى، 1 اۋىر اتلەتيكا زالى. نىساننىڭ جوبالىق سمەتالىق قۇنى 550 ميلليون تەڭگە. نىساننىڭ قۇرىلىس جۇمىستارى 2018 جىلدىڭ 29 ساۋىردە باستالعان بولاتىن.