مەملەكەتتىك جاستار ساياساتىندا قازاقستان رەسپۋبليكاسى پرەزيدەنتى جولداۋىنان تۋىنداعان باستى مىندەتتىڭ ءبىرى كەلەر جىلدىڭ ەرىكتىلەر جىلى دەپ جاريالانۋى بولدى. وبلىستا ءقازىردىڭ وزىندە ەرىكتىلىك قىزمەتتىڭ الەۋەتىن ماقساتتى پايدالانۋ مۇمكىندىگى جان-جاقتى قاراستىرىلۋدا، دەپ جازادى Qamshy.kz اقپارات اگەنتتىگى. 

بيىل وبلىستاعى 2 مىڭعا جۋىق ەرىكتىنىڭ دەرەكقورى جاسالدى. سونداي-اق «قامقور» ۆولونتەرلىك-قايىرىمدىلىق جوباسىن ىسكە اسىرۋ جونىندەگى جوسپار دا بەكىتىلدى. جوبانى ىسكە اسىرۋعا 15 ميلليون تەڭگە قارجى قارالدى.

–بۇل قارجىعا تاراز قالاسىندا 3 قايىرىمدىلىق دۇكەنى اشىلىپ، ولارعا قاجەتتى جابدىقتار ساتىپ الىندى. سونداي-اق حالىق كوپ شوعىرلاناتىن ساۋدا ورىندارىندا 5 قايىرىمدىلىق جاشىگى ورناتىلدى. جىل باسىنان بەرى اتالعان دۇكەندەر مەن جاشىكتەر ارقىلى 977 وتباسىنا 4 تونناعا جۋىق كيىم-كەشەك تاراتىلدى. سول سياقتى، جوبا اياسىندا ۆولونتەرلەردىڭ كومەگىمەن وبلىس بويىنشا 609 وتباسىنا 3 ميلليون 200 مىڭ تەڭگەگە ازىق-تۇلىكپەن كومەك كورسەتىلدى. مۇنان بولەك «قىزىل جارتى اي» قوعامدىق قورى-754 كەلى كيىم-كەشەك تۇرىندە گۋمانيتارلىق كومەك كورسەتتى. ولاردىڭ بارلىعى دا مۇقتاج وتباسىلارعا تاراتىلدى.

جامبىلدىق ەرىكتىلەر كومەككە مۇقتاج ازاماتتارعا قول ۇشىن سوزۋدان بولك ءتۇرلى مادەني-سپورتتىق كوپشىلىك شارالار ۇيىمداستىرۋ شارالارىنىڭ بەل ورتاسىنان تابىلۋدا. ال ناتيجەلى جۇمىس اتقارعان 12 ۆولونتەرگە دەمالىس ورىندارىنا جولداما الدى.

جامبىلدىق ەرىكتىلەر ارىس قالاسىنداعى جارىلىستان زارداپ شەگۋشىلەرگە كومەك كورسەتۋدەن دە ايانىپ قالمادى. «QamQor» قايىرىمدىلىق دۇكەنىندە گۋمانيتارلىق كومەك قابىلداۋ پۋنكتى اشىلدى. ەلدىگىمىز سىنالعان وسى ءبىر شاقتا جامبىلدىق ەرىكتىلەردىڭ بەلسەندىلىگىنە 20 قالتالى ازامات پەن «ۆولتمان» اۆتودۇكەندەر جەلىسى ءۇن قاتتى.ولاردىڭ كومەگىمەن جينالعان قارجىعا تۇرمىسقا قاجەتتى جابدىقتار الىندى. وسى ءبىر شاقتا جامبىلدىق ەرىكتىلەر 67 ادامعا كومەككە كورسەتتى. اپات ايماعىنان جان ساۋعالاپ كەلگەن ارىستىقتار ورنالاستىرىلعان №13 تەمىرجول كوللەدجىنە ەرىكتىلەردىڭ تۇراقتى باقىلاۋىندا بولدى، –دەيدى وبلىس اكىمدىگىنىڭ جاستار ساياساتى ماسەلەلەرى باسقارماسىنىڭ باسشىسى سەرىكبول بەرىكقوجا.

وسىدان تۋرا 3 جىل بۇرىن جامبىل جەرىندە قازاق حاندىعىنىڭ 550 جىلدىعى حالىقارالىق دەڭگەيدە اتالىپ ءوتتى. وسىناۋ اۋقىمدى شارانىڭ بەل ورتاسىندا ءجۇرىپ، حاندىق تويىنىڭ ءوز دەڭگەيىندە وتۋىنە ۇلەس قوسقان جامبىلدىق جاستاردا ەرىكتىلىكتىڭ مول تاجىريبەسى بار ەكەنىن دە ايتا كەتۋ كەرەك.