قازاقستان رەسپۋبليكاسى پرەزيدەنتى قاسىم-جومارت توقايەۆتىڭ قازاقستان حالقىنا ارناعان جولداۋىندا جىل ساناپ الەۋمەتتىك سالاعا بولىنەتىن قارجىنىڭ ەسەلەپ ارتقانى تىلگە تيەك ەتىلدى. سايكەسىنشە مەملەكەت تاراپىنان مۇقتاج جاندارعا قول ۇشىن سوزۋدىڭ بارلىق مۇمكىندىگى قاراستىرىلاتىندىعى دا ايتىلدى. بۇل مۇمكىندىكتى مويىنقۇمدىق الەۋمەتتىك تۇرعىدان از قامتىلعان وتباسىلاردىڭ مۇشەلەرى دە ايقىن سەزىنىپ كەلەدى، دەپ جازادى Qamshy.kz اقپارات اگەنتتىگى.
مەملەكەت تاراپىنان اعىمداعى جىلدىڭ 9 ايىندا اۋدانداعى از قامتىلعان 711 وتباسىنىڭ 3658 مۇشەسىنە 293 ميلليون 200 مىڭ تەڭگە اتاۋلى الەۋمەتتىك كومەك كورسەتىلگەن. الەۋمەتتىك قولداۋ شارالارىنان بۇدان باسقا مۇددەلى توپتارعا جاتاتىن ازاماتتارعا دا شەت قالعان ەمەس.اسىرەسە مۇمكىندىگى شەكتەۋلى ازاماتتاردى قولداۋ ماقساتىندا 7 ميلليون 575 مىڭ تەڭگە، جەرگىلىكتىبيۋدجەتتەن 35 ميلليون 19 مىڭ تەڭگە قارجى قاراستىرىلعان. بۇل ساناتقا جاتاتىن مويىنقۇمدىق ازاماتتار قاجەتتى قۇرال-جابدىقتارمەن دە قامتاماسىز ەتىلگەن.
–الەۋمەتتىك ماسەلە جايىندا ايتىلعاندا تۇرعىنداردى باسپانامەن قامتۋ ماسەلەسىن اتاپ وتپەۋ مۇمكىن ەمەس. بۇل رەتتە اۋدان ورتالىعىنداعى 2،4،5، قاباتتى ۇيلەردى قايتا جاڭعىرتۋ جانە دارىگەرلەرگە ارنالعان 20 پاتەردەگى ازاماتتاردىڭ ءۇي قۇجاتتارى جاسالدى.سونداي-اق جۇمىسسىزدىقپەن دە ناتيجەلى كۇرەس شارالارى قولعا الىندى. ەكى قولعا ءبىر كۇرەك تاپپاي جۇرگەندەر 2017-2021 جىلدارعا ارنالعان «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسىنىڭ 1- باعىتىن پايداعا جاراتىپ، جەكە كاسىپكەرلىككە دەن قويعان. اتالعان باعدارلاما اياسىندا 95 ازامات قىسقا مەرزىمدى كۋرستى اياقتاپ، سەرتيفيكاتتارىن الدى. ولاردىڭ 57ء-سى تۇراقتى جۇمىسقا ورنالاستى. ال وسى باعدارلامانىڭ ەكىنشى جاپپاي كاسىپكەرلىكتى دامىتۋ باعىتى بويىنشا 90 ازامات وقىدى. «ە-حالىق» باعدارلاماسىنا اۋدانداعى 7803 وتباسى ياعني 31566 حالىق تولىقتاي ەنگىزىلىپ، ولاردى قولداۋ تەتىگىن قاراستىرۋ بويىنشا دا جۇيەلى جۇمىستار جۇرگىزىلىپ كەلەدى، –دەيدى اۋدان اكىمى مادەن مۇسايەۆ.
اۋداندا الەۋمەتتىك تۇرعىدان از قامتىلعان وتباسىلاردىڭ قولداۋداعى تاعى ءبىر تابىستى جوبا «شاپاعات» قورى ارقىلى جۇزەگە اسۋدا. ارنايى كوميسسيا ارقىلى اتالعان قور اۋدان ورتالىعىنداعى 38 وتباسىعا 2 توننادان كومىر جانە وزگەدە قاجەتتى ازىق-تۇلىك الىپ بەردى.
