ەۋرازيالىق ينتەگراسيا ينستيتۋتى ق ر پرەزيدەنتى قاسىم-جومارت توقايەۆتىڭ قىزمەتىنە جۇرتشىلىقتىڭ كوزقاراسىن انىقتاۋ ماقساتىندا ساۋالناما جۇرگىزدى، دەپ حابارلايدى Qamshy.kz اقپارات اگەنتتىگى ينستيتۋتتىڭ رەسمي سايتىنا سىلتەمە جاساي وتىرىپ. 

ساۋالناما 14 وبلىستىق ورتالىقتار مەن اۋىلدىق ەلدى مەكەندەردە، رەسپۋبليكالىق ماڭىزى بار ءۇش قالادا – نۇر-سۇلتان، الماتى، شىمكەنتتە جۇرگىزىلدى. ساۋالناماعا 18 جاستان اسقان ازاماتتار قاتىستى. 

ساۋالناماعا سايكەس، ەل پرەزيدەنتىنە تىكەلەي قولداۋدىڭ جوعارى دەڭگەيى بايقالادى. توقايەۆ ق.ق.-نى مەملەكەت باسشىسى رەتىندە حالىقتىڭ 70،3% قولدايدى. قوعامدا قازاقستان رەسپۋبليكاسى پرەزيدەنتىنە دەگەن سەنىمدىلىك دەڭگەيى جوعارى - 74،9%. 

رەسپوندەنتتەردىڭ 70%-دان استامى پرەزيدەنتتىڭ باستامالارى حالىقتىڭ ءال-اۋقاتىن جاقسارتۋعا، ەلدى دامىتۋعا قاۋقارلى دەپ سانايدى.

ولاردىڭ پىكىرىنشە، ق ر پرەزيدەنتىنىڭ «جەردىڭ شەتەلدىكتەرگە ساتىلمايتىنى تۋرالى مالىمدەمەسى»، «ادامدارعا، اسىرەسە بالالارعا قارسى اۋىر قىلمىستارعا بەرىلەتىن جازانى كۇشەيتۋ»، «كوپ بالالى جانە تابىسى از وتباسىلارعا جالدامالى باسپانا بەرۋ»، «نەسيە راقىمشىلىعى»، «قازاقستاننىڭ ستراتەگيالىق ارىپتەستەرمەن جانە حالىقارالىق ۇيىمدارمەن بەلسەنە ىنتىماقتاستىق ەتۋى» سەكىلدى شارالارى ماڭىزدى.

ساۋالناماعا قاتىسۋشىلار پرەزيدەنت پەن ۇكىمەتتىڭ جالاقى، زەينەتاقى مولشەرىن، جالپى ەلدىڭ ءال-اۋقاتىن كوتەرەتىنىنە، باسپانانى قولجەتىمدى ەتەتىنىنە، سىبايلاس جەمقورلىقتى جويىپ، مەديسينالىق قىزمەت پەن ءبىلىم بەرۋ ساپاسىن ارتتىراتىنىنا ءۇمىت ءبىلدىردى.