اۋىل شارۋاشىلىعى سالاسىندا جۇيەلى جۇرگىزىلگەن رەفورما ءارقاشان ءوز ناتيجەسىن بەرەدى. ءارى بۇل ارەكەتتەر مەملەكەت باسشىسى جولداۋىنداعى اۋىل شارۋاشىلىعىنىڭ ءونىم كولەمىن 4،5 ەسەگە ارتتىرۋ تاپسىرماسىن ورىنداۋدىڭ العىشارتى رەتىندە قابىلدانادى. وسى ورايدا كەشەگى كەڭەس وداعى داۋىرىندە 10 مىڭ گەكتار القاپقا جۇگەرى داقىلىن ەككەن مويىنقۇمدىقتار ءۇشىن بيىلعى كۇزگى جيىن-تەرىم ناۋقانى تابىستى اياقتالدى، دەپ جازادى Qamshy.kz اقپارات اگەنتتىگى.
كەڭەس وداعى تۇسىندا 10 مىڭ گەكتارعا جۋىق القاپتا جۇگەرى ەكەن مويىنقۇمدىق شارۋالار تاۋەلسىزدىكتەن كەيىنگى جىلدارى ەگىنشىلىك كاسىپكە كوپتەپ كوڭىل بولە قويماعانى بەلگىلى. ال بيىل اۋدانداعى ەگىن شارۋاشىلىعىندا ايتارلىقتاي مول تابىسقا قول جەتكىزىلدى.
–بيىل جۇيەلى جوسپارعا ساي ءبىز كوكتەمگى ەگىس ناۋقانىنا جۇيەلى دايىندىقپەن كەلىپ كىرىستىك. اۋدان بويىنشا ۇزاق جىلعى ۇزىلىستەن كەينى 5064 گەكتار سۋارمالى القاپ يگەرىلدى. بۇل القاپتىڭ 1165 گەكتارىنا جۇگەرى، 541،5 گەكتارىنا ارپا، 171،7 گەكتارىنا تارى، 233 گەكتارعا كۇنباعىس، 49،4 گەكتارعا كارتوپ، 83،2 گەكتارعا كوكونىس، 304 گەكتارعا باقشا ونىمدەرى ەگىلدى. بۇدان باسقا 2526،4 گەكتار جەر جوڭىشقا بولسا، ونىڭ 380،5 گەكتارى بيىل جاڭادان سەبىلدى.
كۇزگى جيىن تەرىمنىڭ العاشقى ناتيجەلەرى بويىنشا جۇگەرىنىڭ ءار گەكتارىنان 8-12 توننادان ءونىم الىنىپ وتىر. اۋدانعا قاراستى كەڭەس، بىرلىك اۋىلدارىندا ءالى دە جۇگەرى ورىلىپ جاتىر. ال كوكجەلەك، كۇشامان اۋىلىنىڭ ديحاندارى تارى جيناۋمەن اينالىسىپ جاتىر. الدىن-الا ەسەپتەۋ بويىنشا جۇگەرى مە تارىدان تۇسەتىن ءتۇسىم كولەمى دە جامان ەمەس. سونداي-اق شارۋالار جوڭىشقا القاپتارىنان 3-4 مارتەدەن وراق ءتۇسىرىپ، قىسقا دايىندىقتى پىسىقتاۋ الدى، –دەيدى اۋدان اكىمى مادەن مۇسايەۆ
ايتا كەتۋ كەرەك مويىنقۇم اۋدانىنداعى اگروسەكتورداعى مول تابىسقا ەگىستىك القاپتارىنا سۋ بەرۋدى تۇراقتى ۇيىمداستىرىپ وتىراتىن «كازسۋشار» ءرمم-نىڭ اۋداندىق بولىمشەسىنىڭ اشىلۋىنىڭ سەبەپ بولىپ وتىرعانىن ايتا كەتكەن ءجون. اۋدانداعى ءاربىر شارۋا قوجالىعىنىڭ جەتەكشىسى «كازسۋشار» مەكەمەسىمەن الدىن الا كەلىسىم شارتقا وتىرىپ، الا جازداي ەگىس القابىنا تۇراقتى سۋ بەرىپ وتىردى.
سونداي-اق اۋدانداعى جىلىجاي شارۋاشىلىعىنىڭ قازىرگى اياق الىسى قۋانتادى. ماسلەن بىرلىك اۋىلىنداعى ءوز اۋلاسىنداعى 3،5 سوتتىق جەرگە جىلىجاي سوعىپ، ودان جىلىنا ەكى مارتە قيار، قىزاناق الىپ وتىرعان ەركىن مادياروۆتىڭ ءىسى كوپكە ۇلگى. الداعى ۋاقىتتا وسىناۋ پايداسى مول جىلىجايلاردى كوبەيتۋ جاعى قاراستىرىلىپ جاتىر.
