دۇنيەجۇزىلىك بانك «Doing Business» بيزنەس جۇرگىزۋدىڭ جەڭىلدىگى بويىنشا رەيتينگتە قازاقستاننىڭ پوزيسياسىن 3 تارماققا – 28-دەن 25-كە دەيىن كوتەردى، دەپ حابارلايدى primeminister.kz سايتى.

«Doing Business» رەيتينگىندەگى قازاقستان پوزيسياسىن ارتتىرۋ ۇكىمەتتىڭ ارەكەت ەتىپ تۇرعان زاڭنامانى رەفورمالاۋ، رۇقسات جۇيەسىن جەتىلدىرۋ، بيزنەس قۇرۋ راسىمدەرىن جەڭىلدەتۋ، مەملەكەتتىك باقىلاۋ-قاداعالاۋ قىزمەتىن وڭتايلاندىرۋ جانە ەلىمىزدەگى ىسكەرلىك احۋالدى جاقسارتۋ جونىندەگى جۇيەلى جۇرگىزىلىپ جاتقان جۇمىستارىنىڭ ارقاسىندا مۇمكىن بولدى.

بيزنەستى دامىتۋ ءۇشىن جاعدايلاردى جاقسارتۋ جۇمىستارى ءارى قاراي جالعاستىرىلادى. 

دۇنيەجۇزىلىك بانك جىل سايىن بيزنەستى جۇرگىزۋ جاعدايلارىنىڭ قولايلىلىعى بويىنشا 190 مەملەكەتتىڭ رەيتينگىن جاريالايدى. تالداۋ 10 كورسەتكىش بويىنشا جۇرگىزىلەدى، ونىڭ ىشىندە جاڭا بيزنەستى قۇرۋعا جۇمسالاتىن ۋاقىت جانە اقشالاي قاراجات شىعىندارى، قۇرىلىسقا رۇقسات الۋ، ەلەكتر ەنەرگەتيكاسى ينفراقۇرىلىمىنا قولجەتىمدىلىك، مەنشىك قۇقىعىن تىركەۋ، نەسيەلەر الۋ، مينوريتارلىق ينۆەستورلاردىڭ قۇقىقتارىن قورعاۋ، سالىق سالۋ، حالىقارالىق ساۋدانى جۇزەگە اسىرۋ ت.ب. بار. 

قازاقستان يسلانديا (26 ورىن)، اۆستريا (27 ورىن)، رەسەي (28 ورىن)، جاپونيا (29 ورىن)، يسپانيا (30 ورىن)، ارمەنيا (47 ورىن)، بەلارۋس (49 ورىن)، قىرعىزستان (80 ورىن) جانە كوپتەگەن باسقا ەلدەردىڭ الدىنا شىقتى.

Doing Business رەيتينگىسىندە جاڭا زەلانديا، سينگاپۋر جانە گونكونگ كوش باستاپ تۇر.