ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى اياسىندا جامبىل وبلىسى، جامبىل اۋدانىنىڭ تۇرعىندارى اراسىنداعى جۇمىسسىزدىق ازايىپ كەلەدى. باعدارلاما قاتىسۋشىسى اتانعان جامبىلدىقتاردىڭ ءبىرى توبى قايتا دايارلاۋدان وتسە، ەندى ءبىرى شاعىن نەسيە الىپ جەكە كاسىبىن باستاۋعا دەن قويعان، دەپ جازادى Qamshy.kz اقپارات اگەنتتىگى. 

اعىمداعى جىلى وڭىردە بۇل باعدارلامانى ىسكە اسىرۋعا 11 ميلليارد 600 ميلليون تەڭگە قارجى قاراستىلعان. مۇنداعى 7 ميلليارد 400 ميلليون تەڭگە رەسپۋبليكالىق بيۋدجەتكە تيەسىلى بولسا قالعان 4 ميلليارد 200 ميلليون تەڭگە جەرگىلىكتى بيۋدجەتتەن بولىنگەن. باعدارلاما اياسىندا جىل باسىنان بەرى جۇمىسپەن قامتۋدىڭ بەلسەندى شارالارىنا 30 504 ادام تارتىلعان. ونىڭ ىشىندە ۆاكانتتىق بوس جۇمىس ورىندارىنا 14 210 ادام تارتىلسا قىسقا مەرزىمدى كاسىپتىك وقۋمەن 3299 ادام قامتىلعان. سونىمەن قاتار ارناۋلى ورتا جانە جوعارى وقۋ ورىندارىن ءتامامداعان 2297 تۇلەك جاستار پراكتيكاسىنا جولداما السا، الەۋمەتتىك جۇمىس ورىندارى ارقىلى 1477 ادام جۇمىسقا تارتىلدى.

سونداي-اق اقىلى قوعامدىق جۇمىستارعا 4868 جۇمىسسىز تارتىلسا، 1292 ادام «باستاۋ-بيزنەس» جوباسىمەن كاسىپكەرلىك نەگىزدەرىنە وقىعان. «جاس كاسىپكەر» جوباسى بويىنشا 649 ادام وقۋعا جولداندى. 959 ادام شاعىن نەسيە الىپ، 683 ادام گرانتقا قول جەتكىزدى.

ماسەلەن جامبىل اۋدانىنىڭ اسا اۋىلىنداعى جۇمىسسىز جۇرگەن جاندار ءدال وسى باعدارلامانىڭ شاراپاتىن سەزىنىپ، جەكە كاسىپكەرلىككە بەت تۇزەۋدە. سونداي-اق اۋىل تۇرعىنى ءمولدىر قۇرمانالييەۆا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى ارقىلى 505 مىڭ تەڭگە قايتارىمسىز گرانتقا قول جەتكىزدى. ول بۇل قارجىعا سۇلۋلىق سالونىن اشتى.سۇلۋلىق سالونىندا ءقازىر 3 ادام تۇراقتى جۇمىسپەن قامتىلعان. جاس كاسىپكەر بولاشاقتا جامبىلدىق وزگە قىز-كەلىنشەكتەرگە دە كاسىپكەرلىك نەگىزدەرىن وقىتاتىن ورتالىق اشۋعا نيەت تانىتىپ وتىر. ال جاس مامان ءازيز كادىرحان ۇلى «جاستار پراكتيكاسىمەن» اسا اۋىلدىق وكرۋگىنىڭ اپپاراتىنا ىس-تاجىريبەدەن وتۋگە كەلگەن. ىلە-شالا جاس مامان تۇراقتى جۇمىسقا ورنالاسقان.

جالپى جامبىل اۋدانىندا باعدارلامانىڭ بارلىق باعىتى بويىنشا 2740 ادامدى جۇمىسپەن قامتۋ مەجەسى بەكىتىلگەن. ايماقتا كۇنى بۇگىنگە دەيىن 2324 ادام باعدارلامانىڭ ءۇش باعىتى بويىنشا جۇمىسپەن قامتىلعان. ولاردىڭ اراسىندا 66 مۇمكىندىگى شەكتەۋلى جان بار.