سەمەي قالاسىنىڭ اۋىل شارۋاشىلىعى ءبولىمى باسشىسى نۇرلان شاقابايەۆتىڭ ايتۋىنشا،   ساتىپ الۋ كولەمىن 720 تونناعا كوبەيتۋ جوسپارلانۋدا.

– وزەركا، ەرتىس، دوستىق، جيەنالى، كوكەنتاۋ، نوۆوباجەنوۆو اۋىلدىق وكرۋگتەرىندە حالىقتان ءسۇت جيناۋ جۇرگىزىلەدى. بارلىعى 650 توننا ءسۇت جينالدى. اعىمداعى جىلدىڭ 1 جەلتوقسانىندا "نۇر" شق ءوز قاراجاتى ەسەبىنەن ەرتىس اۋىلدىق وكرۋگىنىڭ مۇقىر اۋىلىندا ءسۇت قابىلداۋ پۋنكتىن اشۋدى جوسپارلاپ وتىر. ءقازىر پۋنكتكە ارنالعان ءۇي-جايعا جوندەۋ جۇمىستارى جۇرگىزىلۋدە، – دەپ ءتۇسىندىردى نۇرلان شاقابايەۆ.

ءوڭىردى سۇتپەن قامتاماسىز ەتۋ ماسەلەسى وبلىس اكىمى دانيال احمەتوۆتىڭ تىكەلەي باقىلاۋىندا تۇر.  سوڭعى ۋاقىتتا وڭىردە ءسۇت وڭدەۋ سالاسى قارقىندى دامىپ كەلەدى. ماسەلەن، تاياۋداعى ءۇش جىلدا نوۆوباجەنوۆو، پريرەچنىي جانە كوكەنتاۋ اۋىلدىق وكرۋگتەرىندە ءسۇت قابىلداۋ پۋنكتىن اشۋ كوزدەلگەن. 2020 جىلدىڭ ءبىرىنشى توقسانىندا نوۆوباجەنوۆو اۋىلدىق وكرۋگىندە ءسۇت قابىلداۋ پۋنكتىن اشۋ جوسپارلانۋدا. "نۇر" شق-ى "اكك" اق-نا فيليالىنا ءسۇت تاسيتىن جانە باسقا دا ارنايى قۇرال-جابدىقتاردى ساتىپ الۋ ءۇشىن 2،5 ميلليون تەڭگە سوماسىنا نەسيە قاراجاتىن الۋعا ءوتىنىم بەردى. وسىلايشا، ءسۇت قابىلداۋ پۋنكتتەرىن قۇرۋ ەسەبىنەن حالىقتان ءسۇت ساتىپ الۋدى ەكى ەسەدەن استام ۇلعايتۋ العا قويىلعان.