ەلباسى نۇرسۇلتان نازاربايەۆ 2018 جىلدىڭ 5 قازانداعى «قازاق-ستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتى-رۋ» دەپ اتالعان جولداۋىندا اۋىل تۇرمىسىن كوتەرۋگە باعىتتالعان «اۋىل – ەل بەسىگى» جوباسىن ىسكە قوسۋدى تاپسىرعان بولاتىن. ول جايلى قازاقستان رەسپۋبليكاسىنىڭ تۇڭعىش پرەزيدەنتى «اۋىلدىق جەرلەردىڭ الەۋمەتتىك ورتاسىن جاڭعىرتۋعا دا كىرىسۋىمىز قاجەت. وسىعان بايلانىستى ارنايى «اۋىل - ەل بەسىگى» اتتى جوبانى جۇزەگە اسىرۋ قاجەت. بۇل ارقىلى قازاقستاندىقتاردىڭ جەرگىلىكتى جەردەگى ەڭبەگىنە قاتىستى يدەولوگيانى قولعا الۋىمىز كەرەك. بۇل اكىمشىلىكتەردىڭ مىندەتى»، - دەگەن ەدى.

«اۋىل – ەل بەسىگى» باعدارلاماسى اياسىندا جامبىل وبلىسىنىڭ 3 ەلدى مەكەنىندە تۇرلەندىرۋ جۇمىستارى ىسكە اسۋدا. ياعني بايزاق، جامبىل، شۋ اۋداندارىنىڭ ورتالىقتارىندا 2 ميلليارد 77 ميلليون تەڭگە تۇراتىن 108 جوبا جۇمىسى اياقتالۋعا جاقىن. ونىڭ 104 جوباسى الەۋمەتتىك، ءتۇرعىن-ۇي كوممۋنالدىق شارۋاشىلىعى، كولىك ينفراقۇرىلىمدارى نىساندارىن جوندەۋ بويىنشا بولسا، قالعان 4 جوبا الەۋمەتتىك نىساندار قۇرىلىسىن جۇرگىزۋگە ارنالعان. – جوبالاردى ىسكە اسىرۋ جۇمىستارى بەكىتىلگەن جوسپارعا سايكەس جۇرگىزىلۋدە. قارجىلاندىرۋ جوسپارىنا سايكەس اعىمدى بيۋدجەت بويىنشا مىندەتتەمەلەر الۋ ماۋسىم ايىنا جوسپارلانىپ، تولەمدەر شىلدە ايىنان باستالدى، قۇرىلىس جۇمىستارى بويىنشا مىندەتتەمەلەر الۋ شىلدە ايىنا جوسپارلانىپ، تولەمدەر تامىز ايىنان باستالدى. مەملەكەتتىك ساتىپ الۋ راسىمدەرى – 108 جوبا بويىنشا بارلىعىنىڭ ناتيجەسى انىقتالىپ، مەردىگەرلەرمەن كەلىسىم-شارت جاسالعان (ونىڭ ىشىندە 4 قۇرىلىس جوباسى)، بارلىق جوبادا جۇمىستار باستالىپ، 85 جوبادا جۇمىستار اياقتالدى. قارجىلاندىرۋ ماسەلەسى بويىنشا 1 قازان ايىنداعى اقپاراتقا سايكەس، شىلدە-قىركۇيەك ايلارىندا جوسپارلانعان جوبانىڭ 98 پايىزى ورىندالدى،-دەيدى وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى گۇلدانا جاۋىنبەكوۆا.

قازىرگى تاڭدا جامبىل وبلىسىندا بۇل باعىتتاعى جۇمىستار جۇيەلى جۇزەگە اسۋدا. مۇنىڭ ءبارى دە جەرگىلىكتى جۇرتشىلىقتىڭ جاعدايىن جاقسارتۋعا، الەۋمەتتىڭ الەۋەتىن ارتتىرۋعا باعىتتالعان باياندى باستامالار ەكەندىگى ءسوزسىز. ەڭ باستى ماقسات تا وسى. ولاي بولسا جارقىن جوبانىڭ جەمىسىنىڭ مول بولاتىندىعىنا سەنىم دە زور. يگىلىكتى ىستەر الداعى ۋاقىتتا دا لايىقتى جالعاسا بەرەتىن بولادى.