«اۋىلدىق جەرلەردىڭ الەۋمەتتىك ورتاسىن جاڭعىرتۋعا دا كىرىسۋىمىز قاجەت. وسىعان بايلانىستى ارنايى «اۋىل - ەل بەسىگى» اتتى جوبانى جۇزەگە اسىرۋ قاجەت. بۇل ارقىلى قازاقستاندىقتاردىڭ جەرگىلىكتى جەردەگى ەڭبەگىنە قاتىستى يدەولوگيانى قولعا الۋىمىز كەرەك. بۇل اكىمشىلىكتەردىڭ مىندەتى». ەلباسى-قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ 2018 جىلدىڭ 5 قازانداعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» دەپ اتالعان جولداۋىندا وسىلاي دەپ اتاپ كورسەتكەن بولاتىن.

بۇگىندە جارقىن جوبا اياسىندا جامبىل وبلىسىندا دا ىلكىمدى ىستەر اتقارىلۋدا. «اۋىل-ەل بەسىگى» جوباسى بويىنشا ۇسىنىلعان جوبالاردان سارىكەمەر اۋىلىندا بارلىعى 948،0 ميلليون تەڭگەگە 29 جوبا ىرىكتەلىپ، بۇگىنگى تاڭدا ونىڭ 22 جوباسى اياقتالعان. ال قالعان 7 جوبا بويىنشا جۇمىس جالعاسۋدا. ال، شۋ اۋدانى بويىنشا بارلىعى 44 جوباعا ۇسىنىلىپ، قازىرگى كۇنى جوبادا جۇمىستار اياقتالدى. وعان جالپى 1 404،4 ميلليون تەڭگە قاراستىرىلعان بولاتىن.

جامبىل اۋدانىندا «اۋىل-ەل بەسىگى» جوباسى قارقىندى ىسكە اسۋدا.

– اۋدانىمىزدا «اۋىل- ەل بەسىگى» جوباسى اياسىندا قۇنى 726 ميلليون 870 مىڭ تەڭگەلىك 35 جوبانى ىسكە اسىرۋ قولعا الىنعان بولاتىن. ونىڭ ىشىندە: ەلەكترمەن جابدىقتاۋ بويىنشا 8 جوباعا 86 ميلليون 005 مىڭ تەڭگە، اسا اۋىلىنداعى سۋ قۇبىرى جۇيەلەرىن اعىمدى جوندەۋگە 14 ميلليون 757 مىڭ تەڭگە، ءبىلىم نىساندارىن جوندەۋ بويىنشا 3 جوباعا 149 ميلليون 533 مىڭ تەڭگە، سپورت نىساندارىن جوندەۋ بويىنشا 2 جوباعا 175 ميلليون 809 مىڭ تەڭگە، جول جوندەۋ جۇمىستارىنا 21 جوباعا 300 ميلليون 766 مىڭ تەڭگە ءبولىندى. بۇگىنگى تاڭدا، 32 جوبانىڭ (ونىڭ ىشىندە 8 جوبا ەلەكترمەن جابدىقتاۋ، 1 جوبا سۋمەن جابدىقتاۋ، 2 جوبا ءبىلىم نىساندارى، 1 جوبا سپورت نىسانى، 20 جوبا جول جوندەۋ جۇمىستارى) قۇرىلىس جۇمىستارى تولىق اياقتالدى. بۇدان بولەك، 2 نىساننىڭ (اسا اۋىلى، اباي كوشەسىنىڭ بويىنداعى م.تولەبايەۆ اتىنداعى ساز مەكتەبىنىڭ عيماراتىن كۇردەلى جوندەۋ، اباي كوشەسىن ورتاشا جوندەۋ) قۇرىلىس جۇمىستارى جالعاسۋدا، 1 نىسان (اسا اۋىلى اباي كوشەسىنىڭ بويىنان امبەباپ زالى بار سپورت-ساۋىق كەشەنىنىڭ قۇرىلىسى) 2020 جىلعا وتپەلى بولىپ تابىلادى،-دەيدى جامبىل اۋدانىنىڭ اكىمى باقىت قازانباسوۆ. جالپى ايتقاندا، 2020 جىلى قورداي، مەركى، ت. رىسقۇلوۆ، جۋالى، سارىسۋ جانە تالاس اۋداندارى اۋماعىنداعى 6 اۋىل جاڭعىرتىلماق. ال مويىنقۇم، جۋالى، جامبىل، قورداي، سارىسۋ جانە شۋ اۋداندارىندا جوبا 2021 جىلى ىسكە اسىرىلماق.