ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى اياسىندا جانە جاستار جىلىنا وراي تاراز قالاسىنداعى «بالاساعۇن» ورتالىق كونسەرت زالىندا كەنەن ازىربايەۆ اتىنداعى وبلىستىق فيلارمونياسىنىڭ ۇيىمداستىرۋمەن قازاقتىڭ ءبىرتۋار اقىنى، قازاق پوەزياسىنىڭ مۇزبالاعى مۇقاعالي ماقاتايەۆتىڭ شىعارماشىلىعىنا ارنالعان «ەسىڭە مەنى العايسىڭ..!» اتتى كونسەرتتىك باعدارلاما ءوتتى.
كونسەرتتىڭ شىمىلدىعىن فيلارمونيا ءانشىسى پەريزات ورىنبەكوۆا «تۋعان ولكە» انىمەن اشتى. مۇنان سوڭ ادىلەت ابدىكەرىمنىڭ ورىنداۋىندا «ءسابي بولعىم كەلەدى» ءانى ورىندالىپ، تىڭدارمانداردى سەرپىلتتى. ءسوزى مەن ءانى كەلىسكەن سىرلى كونسەرتتە لەد ەكران ارقىلى مۇقاعالي ولەڭدەرى وقىلىپ، رۋحاني كەشتىڭ شىرايىن اشتى. كونسەرتتە بەلگىلى كومپوزيتورلار تۇرسىنعازى احمەتوۆ، ابيىربەك ءتىنالى، مۇراتحان ەگىنبايەۆ، تابىلدى دوسىم، لەنا ءابدىحالىقوۆا، قانات ىبىرايىموۆتاردىڭ سوزىنە جازىلعان اندەر ورىندالدى. وبلىسىمىزعا تانىمال ق ر مادەنيەت قايراتكەرى رازيا ءمادىحانوۆا «ريزامىن»، مادەنيەت سالاسىنىڭ ۇزدىكتەرى وڭال ازاماتوۆا «ەسىڭە مەنى العايسىڭ»، مارالبەك باباقۇلوۆ «اكە»، مادينا ساعىمبەكوۆا «ۇناتامىن مەن سەنى»، عاني ماتەبايەۆ «اڭعال دوسىم» جانە «مارعۇلان مەن سۇلۋجان» دۋەتى «قۇمعان العان» اندەرىن ورىنداسا، جاس انشىلەر ازامات المەرەك، قايسار كوكىشيەۆ، داۋلەت ماحان دا ءوز ونەرلەرىن ەل نازارىنا ۇسىندى. اسىرەسە ءداستۇرلى ءانشى ايگۇل ماقاشيەۆانىڭ دومبىرامەن ورىنداعان «داريعا-اي، دومبىرامدى بەرشى ماعان» ءانى دە كونسەرت قوناقتارىنىڭ ىستىق ىقىلاسىنا يە بولدى.
كەش كورەرمەندەرى ءمۇقاعاليدىڭ سوزىنە جازىلعان اندەردى انشىلەرمەن بىرگە شىرقاپ، قوشەمەت ەتىپ وتىردى. سىرلى اندەردەن رۋحاني سۋسىنداعان جۇرتشىلىق شارانى ۇيىمداستىرۋشىلار مەن ونەر ازاماتتارىنا العىستارىن ايتىپ تارقاستى. كونسەرتتىك باعدارلامادان رۋحاني ءلاززات الىپ شىققان تارازدىق تۇرعىننىڭ ءبىرى-نۇربانۋ بەردىمبەتوۆا.
-مۇقاعالي ماقاتايەۆتىڭ شىعارماشىلىعىمەن مەكتەپ كەزىنەن جاقسى تانىستىن. ولەڭدەرىن ءالى كۇنگە دەيىن ءسۇيىپ وقيمىن. بۇگىنگى كەش تە كەرەمەت اسەر سىيلادى. الداعى ۋاقىتتا وسىنداي مازمۇندى شارالاردىڭ كوبىرەك وتەتىندىگىنە بەك سەنىمدىمىن. ويتكەنى، مۇنداي كونسەتتەر جاستاردىڭ تالابىن شىڭداپ، تالانتىن تانىتۋعا دا ۇلكەن سەپتىگىن تيگىزەدى ،-دەيدى ول.
پىكىر قالدىرۋ