"Astana Club" ساراپشىلارى "الەمدىك (دەم) ءتارتىپ: بولاشاق تاريحىن كىم جازادى؟" سەسسياسىنىڭ اشىلۋىندا حالىقارالىق ساياساتتى دامىتۋدىڭ نەگىزگى ماسەلەلەرىن تالقىلادى.
ەكونوميكالىق، ساياسي جانە اسكەري قاقتىعىستىڭ جالعىز ومىرشەڭ بالاماسى – جاھاندىق ىنتىماقتاستىق. بۇل تۋرالى كلۋب وتىرىسىنىڭ اشىلۋىندا پارلامەنت سەناتىنىڭ ءتوراعاسى داريعا نازاربايەۆا مالىمدەدى.
بايانداماشى سوڭعى ۋاقىتتاعى ەڭ وتكىر جاھاندىق قاقتىعىس تۇيىندەرىنىڭ گەوگرافياسى ۇلكەن ەۋرازيادا شوعىرلانعانىنا نازار اۋداردى.
ودان وزگە قازاقستاننىڭ سىرتقى ساياساتى ءتيىمدى جانە ءوزارا ءتيىمدى ىنتىماقتاستىق پەن جالپى تاريحي تاعدىر مەن ورتاق ەكونوميكالىق مۇددەلەر نەگىزىندە مەملەكەتارالىق وداقتار قۇرۋ قابىلەتىمەن ەرەكشەلەنەتىندىگىن اتادى.
"ىنتىماقتاستىق ادال، تىكەلەي جانە اشىق ديالوگسىز مۇمكىن ەمەس. تەك وسىنداي ديالوگتىڭ ناتيجەسىندە ەۋرازيا قۇرلىعىندا دا، بۇكىل الەمدە دە ويىن ەرەجەلەرىنىڭ زاماناۋي بولمىسىن كورسەتەتىن جاڭا ەرەجەلەر پايدا بولۋى مۇمكىن. بۇل تۇرعىدا "Astana Club"-تىڭ تالقىلاۋى – ەڭ ماڭىزدى ماسەلە. قىمباتتى ارىپتەستەر، بۇل ءبىزدىڭ جاھاندىق ىنتىماقتاستىقتىڭ جاڭا ارحيتەكتۋراسىن سالۋعا قوسقان ۇلەسىمىز "، – دەپ داريعا نازاربايەۆا ساراپشىلارعا جاۋاپ بەردى
ەسكە سالساق، 11-12 قاراشا كۇندەرى "نازاربايەۆ ورتالىعىندا" ساياسي فورۋم فورماتىنداعى بەدەلدى حالىقارالىق پىكىرسايىس الاڭى "Astana Club" كلۋبىنىڭ بەسىنشى وتىرىسى ءوتىپ، ءىس-شاراعا الەمنىڭ 50-دەن استام جەتەكشى ساياساتكەرلەرى، ەۋرازيانىڭ تانىمال زيالىلارى جانە حالىقارالىق قاتىناستار سالاسىنداعى ۇزدىك ساراپشىلار قاتىسۋدا.
پىكىر قالدىرۋ