قىرعىزستانداعى قازاقستان مەديسيناسىنىڭ كۇندەرى ءوتتى

/image/2019/11/14/crop-131_5_711x948_1.jpg

بىشكەكتە 13-14 قاراشادا قىرعىز رەسپۋبليكاسىنداعى قازاقستان مەديسيناسىنىڭ كۇندەرى بولىپ ءوتتى. بۇل ءىس-شارا قازاقستان جانە قىرعىزستاننىڭ مەديسينالىق ۇيىمدارىنىڭ اراسىنداعى سەرىكتەستىك پەن ءوزارا قارىم-قاتىناستى نىعايتۋعا باعىتتالعان.

قازاقستاندىق دەلەگاسيانىڭ قۇرامىندا ق ر دەنساۋلىق ساقتاۋ مينيسترلىگىنىڭ، جەتەكشى مەديسينالىق ورتالىقتاردىڭ، مەملەكەتتىك جانە جەكە دەنساۋلىق ساقتاۋ ۇيىمدارىنىڭ، جوو-لاردىڭ، فارماسيەۆتيكالىق ونىمدەردى وندىرۋشىلەردىڭ، مەديسينالىق قوعامداردىڭ جەتەكشى ماماندارى بار. قازاقستاندىق دەلەگاسيانىڭ باسشىسى – ق ر دەنساۋلىق ساقتاۋ ءمينيسترى ەلجان ءبىرتانوۆ.

ا

ا.ن.سىزعانوۆ اتىنداعى ۇلتتىق عىلىمي حيرۋرگيا ورتالىعىن باسقارما ءتوراعاسىنىڭ مىندەتىن اتقارۋشى بايماحانوۆ بولاتبەك بيمەندە ۇلى تانىستىردى. بولاتبەك بەيمەندە ۇلى جوعارى دەڭگەيدەگى وسى سەسسيادا «قازاقستان رەسپۋبليكاسىنداعى ورگاندىق ترانسپلانتاسيا» تاقىرىبىندا بايانداما جاسادى. سونداي-اق، ا.ن.سىزعانوۆ اتىنداعى ۇلتتىق عىلىمي حيرۋرگيا ورتالىعى قىرعىز رەسپۋبليكاسى دەنساۋلىق ساقتاۋ مينيسترلىگىنىڭ ۇلتتىق حيرۋرگيا ورتالىعىمەن، قىرعىزستان گەپاتولوگتار قاۋىمداستىعىمەن، قىرعىز رەسپۋبليكاسىنىڭ انا مەن بالانى قورعاۋ ۇلتتىق ورتالىعىمەن سەرىكتەستىك تۋرالى مەموراندۋمعا قول قويدى. وسى ەكى جاقتى سەرىكتەستىك پەن ىنتىماقتاستىق تۋرالى مەموراندۋم قازاقستان مەن قىرعىزستان اراسىنداعى ارىپتەستىكتىڭ  دامۋىنا، سونىمەن قاتار مەديسينالىق ۇيىمداردىڭ ينتەللەكتۋالدىق جانە يننوۆاسيالىق رەسۋرستارىنىڭ ارتۋىنا ىقپال ەتەدى.

ا

اتالمىش ءىس-شارانىڭ ەكىنشى كۇنى «گەپاتولوگيانىڭ وزەكتى ماسەلەلەرى» تاقىرىبىندا شەبەرلىك ساباقتارى وتكىزىلدى. ا.ن. سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ پروفەسسورى ءىلياسوۆا بيبىگۇل ساپاربەك قىزى مىناداي تاقىرىپتاردا بايانداما ۇسىندى:

1. قازاقستانداعى ۆ ۆيرۋستىق گەپاتيتىنىڭ جانە دەلتا-اگەنتى بار ۆ ۆيرۋستىق گەپاتيتىنىڭ كۇشەيۋ فاكتورلارى.

2. ترانسپلانتاسيالىق گەپاتولوگيانىڭ ماسەلەلەرى. نەگىزگى ناتيجەلەر.

3. قىرعىزستانداعى گەپاتولوگيانىڭ وزەكتى ماسەلەلەرى.

سونداي-اق ا.ن. سىزعانوۆ اتىنداعى ۇعحو-نىڭ ماماندارى باۋىر اۋرۋلارىنا شالدىققان ناۋقاستارعا تەگىن كونسۋلتاسيالار ۇيىمداستىردى. كەيبىر كلينيكالىق جاعدايلار قاراستىرىلدى.

ا

قاتىستى ماقالالار