ەندىگى كەزەكتە، ساياباقتى جاڭعىرتۋ جۇ­مىستارىنىڭ كەلەسى ساتىسىندا «داڭق» زالىنىڭ قۇرىلىسىن جۇرگىزۋ جوسپارلانۋدا. مۇندا سوعىس جانە تىل  ەڭبەككەرلەرىنە ار­نالعان مۋزەي، مونۋمەنت، «تىرنالار» مە­مو­ريالدارى، سونىمەن قاتار مۇندا اۋعان سوعىسى، چەرنوبىل اپاتىنا قاتىسۋشىلار مەن سەمەي پوليگونىندا جاۋىنگەرلىك بورىشىن وتەگەندەردىڭ مو­نۋ­مەنت­­تەرى قايتادان جا­ڭار­تىلعان تۇردە سايا­باقتان ورىن العان.

جەڭىس ساياباعىنداعى «دانق» زالىن ارالاعان بەردىبەك ساپاربايەۆ ءوزىنىڭ جوعارى باعاسىن بەردى. «دانق» زالىنىڭ ءبىرىنشى قاباتى ۇلى وتان سوعىسى جىلدارىن بەينەلەيتىن فوتوسۋرەتتەر مەن ەكسپوناتتارعا تولى. ونداعى، 1941، 1942، 1943، 1944-45 جىلدارعا ارنالعان  قابىرعالارعا قويىلعان سۋرەتتەر سول كەزەڭدەگى سوعىس كورىنىستەرىن  ەرىكسىز كوز الدىنا الىپ كەلەدى. اتاپ ايتساق، 1941-جىلعا ارنالعان قابىرعادا «باربوروسا» جوسپارىنىڭ كارتاسى، ماسكەۋ ءۇشىن شايقاسىنىڭ، گەنەرال-مايور ي.پانفيلوۆتىڭ، «وتان انا»، ب.مومىش ۇلىنىڭ، ن.بەلوشيەۆتىڭ جانە باسقا دا بارلىعى 100-دەن استام فوتوسۋرەتتەر مەن 200-دەن اسا قۇجاتتار قويىلعان. ال، زالدىڭ 1942-جىلعا نەگىزدەلگەن قابىرعاسى  «لەنينگراد بلوكاداسىنا» ارنالعان. وندا جىر الىبى – جامبىل جابايەۆتىڭ سۋرەتى، اقىننىڭ «لەنينگرادتىق ورەڭىم» اتتى وتتى ولەڭى جانە وزگە دە دۇنيەلەر ورىن العان. 1943-جىلعا ارنالعان قابىرعادا ستالينگراد، كۋرسك شايقاستارىنا ارنالعان ۇلكەن فوتولار جيناعى ورنالاسقان. وندا بارلىعى 1 ميلليون 300 سۋرەت قامتىلعان. سول سەكىلدى 1944-45 جىلدارعا ارنالعان قابىرعادا قىزىل اسكەردىڭ ەۆروپانى ازات ەتۋىن بەينەلەيتىن فوتولار جيناعى ( 1 ميلليون 300 سۋرەت) بەرىلگەن. سونداي-اق، زالدا «رەيحستاگقا تۋ تىگۋ» بارەلەفى قويىلىپ، تىلداعى ەڭبەككەرلەردىڭ ومىرىنەن سىر شەرتەتىن، 1945 جىلعى 24 ماۋسىمداعى ماسكەۋ قالاسىندا وتكەن جەڭىس شەرۋى جانە جەڭىستىڭ 70 جىلدىعىنا ارنالعان استانا قالاسىندا وتكەن سالتاناتتى شارانىڭ سۋرەتتەرى دە كورىنىس تاپقان. جەرگىلىكتى مايدانگەرلەردىڭ 500-گە جۋىق مەدالى دە زالدان ورىن العان.

نىساننىڭ ەكىنشى قاباتىندا «باۋىرجانتانۋ» عىلىمي-زەرتتەۋ ورتالىعى ورنالاسقان.