قوستاناي وبلىسىندا بانك قىزمەتكەرى 87 ميلليون تەڭگەنى جىمقىردى دەگەن كۇدىككە ءىلىندى دەپ جازادى Qamshy.kz اقپارات اگەنتتىگى alau.kz سايتىنىڭ دەرەگىن نەگىزگە الىپ.
قوستاناي وبلىسى پوليسيا دەپارتامەنتىنىڭ باسپا ءسوز قىزمەتى حابارلاعانداي، پوليسيا بانكتەردىڭ ءبىرىنىڭ ءجىتىقاراداعى فيليالىنان ءىرى كولەمدە اقشا ۇرلاۋ فاكتىسى نەگىزىندە قىلمىستىق كودەكستىڭ 189-بابى 4-بولىگى (سەنىپ تاپسىرىلعان مۇلىكتى اسا ءىرى مولشەردە يەمدەنۋ نەمەسە ىسىراپ ەتۋ) بويىنشا سوتقا دەيىنگى تەرگەۋدى باستادى.
بانك قىزمەتكەرى وعان سەنىپ تاپسىرىلعان 87 ميلليون تەڭگەدەن استام سومانى ۇرلاپ، ءىز-تۇسسىز جوعالعان قىلمىس جاسادى دەپ كۇدىكتەلۋدە.
تەرگەۋشىلەر كۇدىكتىنىڭ 12 قاراشا كۇنى رەسەيمەن شەكارانى كەسىپ وتكەنىن انىقتادى. قازىرگى تاڭدا ونى قاماۋعا الۋعا سانكسيا الىندى، ۇستاۋ شارالارى قابىلدانىپ جاتىر.
پىكىر قالدىرۋ