الماتىدا "عىلىم ورداسىندا" الەۋمەتتىك كاسىپكەرلىكتى دامىتۋعا ۇلەس قوسقان كاسىپكەرلەر "ÓZGERIS USTASY" جۇلدەسىمەن ماراپاتتالدى.
بەلگىلى ءبىر توپتىڭ دامۋىنا عانا ۇلەس قوسپاي، تۇتاس قوعام دامۋىنا مۇرىندىق بولىپ، كاسىبىن دوڭگەلەتىپ وتىرعان وسى ءبىر ەرەكشە جانداردىڭ يگى ءىسى كوڭىلگە قۋانىش سىيلايدى. سوندىقتان الەۋمەتتىك كاسىپكەرلىك سالاسىنداعى كورنەكتى مامانداردىڭ ەڭبەگىن قوعامنىڭ مويىنداۋى، وتاندىق الەۋمەتتىك كاسىپكەرلىك ينستيتۋتىنا نازار اۋدارۋ جانە قازاقستانداعى الەۋمەتتىك كاسىپكەرلىكتى تانىمال ەتۋ ۇلكەن ماڭىزعا يە.
سىيلىق ەكى سانات بويىنشا بەرىلدى: الەۋمەتتىك كاسىپكەرلىكپەن اينالىساتىن ۇكىمەتتىك ەمەس ۇيىمدار (ۇەۇ) جانە قازاقستاندا الەۋمەتتىك كاسىپكەرلىكتىڭ دامۋىنا ىقپال ەتەتىن ۇيىمدار.
ۇەۇ اراسىنان جەڭىمپازداردى انىقتاۋ ەكى كەزەڭدە ءوتتى. الدىمەن، جەرگىلىكتى جانە شەتەلدىك ساراپتاما ۇيىمدارىنىڭ وكىلدەرى كىرەتىن ساراپتامالىق كوميسسيا فيناليستەردى تاڭدادى. ەكىنشى كەزەڭدە جەڭىمپازدار اشىق ونلاين داۋىس بەرۋ نەگىزىندە تاڭدالدى. ۇزدىك اتاۋمەن بىرگە ۇەۇ اراسىنداعى جەڭىمپازدارعا 500 000 تەڭگە كولەمىندە اقشالاي سىياقى بەرىلدى. ال الەۋمەتتىك كاسىپكەرلىكتىڭ دامۋىنا ىقپال ەتەتىن ۇيىمداردى ساراپتاۋ كوميسسياسى انىقتادى.
جۇلدەنى ۇيىمداستىرۋشىلاردىڭ ءبىرى، ImpactHub الماتى باسشىسى ينديرا شاح اتالمىش كاسىپكەرلەردىڭ بىرەگەيلىگى – الەۋمەتتىك ماسەلەلەردىڭ شەشىمىن تابۋىندا عانا ەمەس، شەشىمدى تۇراقتى بيزنەس مودەلدەرگە نەگىزدەي وتىرىپ شەشۋىندە ەكەنىن اتاپ ءوتتى.
– قاراپايىم تىلمەن ايتقاندا، ولار ءبىزدىڭ قوعامعا كومەكتەسەدى، ءارى وسى قىزمەتى ارقىلى تابىس تابادى جانە حالىقتىڭ الەۋمەتتىك ءالسىز توپتارىنا اقشا تابۋعا مۇمكىندىك بەرەدى. اتى ايتىپ تۇرعانداي «ÓZGERIS USTASY»، قوعامعا وزگەرىس اكەلەتىن ەلىمىزدىڭ ناعىز كاھارماندارىن، وزگەرىس ۇستالارىن انىقتايتىن بايقاۋ. وسى كىسىلەر ءبىزدىڭ جاس ۇرپاعىمىزعا ۇلگى بولۋى كەرەك، –دەدى ول.
سونىمەن، الەۋمەتتىك كاسىپكەرلىكتىڭ ءبىلىم سالاسىنداعى ۇزدىك ۇلگىسى نوميناسياسىندا كەلەسىدەي ۇيىمدار جەڭىمپاز اتاندى.
1. Salem Social Village، شىمكەنت قالاسى.
2. «كومۋنيتيپليۋس» مادەنيەت، الەۋمەت جانە ءبىلىم بەرۋدى دامىتۋ قورى» قوعامدىق قورى، الماتى قالاسى.
3. "ايالاعان الاقان" قوعامدىق قايىرىمدىلىق قورى، باتىس قازاقستان وبلىسى.
الەۋمەتتىك وسال توپتاردى قولداۋ سالاسىنداعى الەۋمەتتىك كاسىپكەرلىكتىڭ ۇزدىك ۇلگىسى نوميناسياسىندا جەڭىمپاز اتانعاندار:
1.«ەرەكشە ءومىر» مۇگەدەك-بالالاردى اقپاراتتىق-ۇيلەستىرۋ رەسۋرستىق قولداۋ ورتالىعى» قوعامدىق قورى، كوكشەتاۋ قالاسى.
2. «جامبىل وبلىسىنىڭ كوممەرسيالىق ەمەس ۇيىمدارىنىڭ قاۋىمداستىعى» زاڭدى تۇلعالاردىڭ بىرلەستىگى، تاراز قالاسى.
3. «Ski Park Pioneer» جاۋاپكەرشىلىگى شەكتەۋلى سەرىكتەستىگى، الماتى قالاسى.
4. قارابەكوۆ اعابەك اتىنداعى قوعامدىق قور، نۇر-سۇلتان قالاسى.
5. "JARQYN BOLASHAQ" جاستار قوعامدىق قورى، اتىراۋ وبلىسى.
6. «سترانا ماستەروۆ» مۇگەدەكتەردىڭ قوعامدىق قورى.
7. «مولدىركوز» قوعامدىق بىرلەستىگى، اتىراۋ قالاسى.
8. «پسيحواناليتيچەسكايا اسسوسياسيا» قوعامدىق بىرلەستىگى، الماتى قالاسى.
9. "فەدەراسيا پاۋەرليفتينگا ي جيما لەجا مانگيستاۋسكوي وبلاستي" قوعامدىق بىرلەستىگى، ماڭعىستاۋ وبلىسى.
ەكولوگيا سالاسىنداعى الەۋمەتتىك كاسىپكەرلىكتىڭ ۇزدىك ۇلگىسى نوميناسياسىندا جەڭىمپاز اتانعاندار:
1. «ارناۋ» دامۋ ورتالىعى» قوعامدىق بىرلەستىگى، نۇر-سۇلتان قالاسى.
2. «جايىق-كاسپيي ورحۋسس ورتالىعى» كورپوراتيۆتىك قورى، اتىراۋ وبلىسى.
3. EcoWasteAktau، ماڭعىستاۋ وبلىسى.
الەۋمەتتىك كاسىپكەرلىكتى قولداۋ بويىنشا كورپوراتيۆتى سەكتوردىڭ ۇزدىك باستاماسى نوميناسياسىندا Chevron كومپانياسى جەڭىمپاز اتاندى.
الەۋمەتتىك كاسىپكەرلىكتى قولداۋداعى ۇزدىك مەملەكەتتىك شارا نوميناسياسىندا سامرۋك-كازىنا تراست جەڭىمپاز اتاندى.
الەۋمەتتىك كاسىپكەرلىكتى قولداۋ ءۇشىن حالىقارالىق ينستيتۋتتىڭ ۇزدىك باستاماسى نوميناسياسىنىڭ جەڭىمپازى بولىپ حالىقارالىق دامۋ جونىندەگى اقش اگەنتتىگى (USAID) اتاندى.
كەش بارىسىندا الەۋمەتتىك كاسىپكەرلەردىڭ العاشقى رەسپۋبليكالىق ءتىزىلىمى تانىستىرىلدى. بۇگىنگى تاڭدا 150-گە جۋىق الەۋمەتتىك كاسىپكەرلەر بەلسەندى قىزمەت ەتىپ كەلەدى.
كەش باعدارلاماسى ارتىستەردىڭ ونەرىمەن جالعاسىپ، الەۋمەتتىك كاسىپكەرلەر شىعاراتىن ەرەكشە ونىمدەردىڭ جارمەڭكەسىمەن قىزىقتىرىلا ءتۇستى.
جۇلدە ۇيىمداستىرۋشىلارى – “Act for Impact” (Impact Hub Almaty) كورپوراتيۆتىك قورى قازاقستان رەسپۋبليكاسى اقپارات جانە قوعامدىق دامۋ مينيسترلىگى قولداۋىمەن «ازاماتتىق باستامالاردى قولداۋ ورتالىعى» (ۇەاق) گرانتى اياسىندا.
پىكىر قالدىرۋ