الماتىلىقتار ءۇشىن سۋىق سۋ تاريفى 2025 جىلعا دەيىن وزگەرمەيدى. ال كارىز قىزمەتىنىڭ تولەمى ءوسۋى مۇمكىن. «الماتى سۋ» مكك تاريفتىك ساياسات جوباسىن قوعامدىق تىڭداۋلارعا ۇسىندى.

قازاقستان بويىنشا الماتىدا سۋىق سۋ مەن كارىز قىزمەتىنىڭ تولەمى تومەن تاريفتەر قاتارىندا. تۇرعىندارعا سۋىق سۋدىڭ اقىسىن 2025 جىلعا دەيىن 1 تەكشە مەترىنە 50،01 تەڭگە قىلىپ قالدىرىپ، ال كارىز قىزمەتىن 25،92 تەڭگەدەن 33،69 تەڭگەگە دەيىن كوتەرۋگە ۇسىنىس جاسالدى.

«سوڭعى رەت تاريفتەر 5 جىل بۇرىن 2014 جىلدىڭ قاڭتار ايىندا قابىلداندى. سودان بەرى قىمباتتاعان جوق. قولدانىستاعى تاريف مەرزىمىنىڭ كەلۋىنە بايلانىستى، كوممۋنالدىق كاسىپورىن قوعامدىق تىڭداۋلارعا تاريفتىك جوبانى ۇسىنىپ وتىر، ماقۇلدانعاننان كەيىن تاريفتەر تاعى 5 جىل وزگەرىسسىز قالادى. قالانىڭ ءتاريفى الەۋمەتتىڭ ىڭعايىنا باعىتتالعان»، – دەپ حابارلادى «الماتى سۋ» مكك.

«الماتى سۋ» كاسىپورىنى زاڭدى تۇلعالارعا 152،73 دەن (قازىرگى تاريف) 168،01 تەڭگەگە دەيىن، كارىز قىزمەتىنە 52،61 تەڭگەدەن (قازىرگى تاريف) 68،39 تەڭگەگە كوتەرۋ تۋرالى ۇسىنىس جوبا جاسادى. «تاريفتەردىڭ وزگەرگەنى كاسىپورىنعا سالىق جۇكتەمەسىمەن، توزىعى جەتكەن جابدىقتارمەن، قۇبىرلاردى جاڭارتۋ ماقساتىندا، قىزمەتكەرلەردىڭ ەڭبەك اقىسىن كوتەرۋگە باعىتتالعان»، – دەپ مالىمدەدى «الماتى سۋ» مكك.

كاسىپورىن تۇتىنۋشىلارعا قىزمەت كورسەتۋ ساپاسىن جاقسارتۋدى، مودەرنيزاسيالاۋ، تەحنولوگيالاردى اۆتوماتتاندىرۋ، الماتى قالاسىنىڭ سۋ مەن كارىز قىزمەتىنىڭ وندىرىستىك پروسەسستەرىن ارى قاراي دامىتۋدى جوسپارلاپ وتىر.

كوممۋنالدىق تولەمدەر باعانىندا سۋىق سۋ مەن كارىز قىزمەتىنىڭ ۇلەسى 4-5 پايىزدان اسپايدى. سۋىق سۋ مەن كارىزگە الماتىلىق ءبىر وتباسىنىڭ تولەمى 600-700 تەڭگەنى قۇرايدى.