الماتى قالاسى اكىمدىگى تىلدەردى دامىتۋ جانە لاتىن گرافيكاسىنا كوشۋ ورتالىعى «رۋحاني جاڭعىرۋ» باعدارلاماسىنىڭ اياسىندا 15 قاراشا كۇنى بوستاندىق اۋدانى اكىمى اپپاراتىنىڭ ءماجىلىس زالىندا تالانتتى جاستار اراسىندا «كوركەمسوز وقۋ شەبەرلەرى»  قالالىق كونكۋرسىن وتكىزدى.

كونكۋرس تومەندەگىدەي كەزەڭدەر بويىنشا وتكىزىلدى:

1. پروزالىق شىعارما وقۋ؛

2. پوەزيالىق شىعارما وقۋ؛

3. درامالىق شىعارما وقۋ.

كونكۋرس قورىتىندىسى بويىنشا وزگەلەردەن دارا كورىنگەن المالى اۋدانى اتىنان شىققان يسكاكوۆ ەرجان ەرلان ۇلى باس جۇلدەمەن (200 000 تەڭگە) ماراپاتتالسا، 1-ورىندى جەتىسۋ اۋدانىنان ءابدىحان ابزال دانيار ۇلى (150 000 تەڭگە)، 2-ورىندى بوستاندىق اۋدانىنان شۇكىمان ءىلياس ەركىن ۇلى (100 000 تەڭگە)، 3-ورىندى جەتىسۋ اۋدانىنان ءابدىلدا ماحامبەتالى امانتاي ۇلى (70 000 تەڭگە) قانجىعاسىنا بايلادى.

ال «مانەرلى ءسوز» نوميناسياسىنا مەدەۋ اۋدانىنان شىققان بوداۋبەك ايكۇن ايبات قىزى (35 000 تەڭگە)، «ماعىنالى ءسوز» نوميناسياسىنا تۇركسىب اۋدانىنان ساعاتبەك ايبەك ءابۋ ۇلى (35 000 تەڭگە) يە بولدى. وق بويى وزا شاپقانداردىڭ قاتارىن بوستاندىق اۋدانىنان زاكەنوۆ قۋاندىق قايرات ۇلى (30 000 تەڭگە) مەن الاتاۋ اۋدانى اتىنان شىققان تاتتىبەك ينديرا رۇستەمباي قىزى (30 000 تەڭگە) تولتىردى. ولارعا ىنتالاندىرۋ سىيلىعى تابىس ەتىلدى. ودان وزگە نۇعمان نۇرعالي مۇرات ۇلى، ياركۇل ايگۇل ەركىنبەك قىزى، جانعابويەۆ نۇربەك سەريكبوي ۇلى، قاسىم دۇيسەحان انارباي ۇلى، مىرزاكەلدى ەركەماي، ەلدار نۇرسۇلتان عالىم ۇلى، يبراحيم ەركەبۇلان يبراحيم ۇلى، تاڭات اقنۇر ەرعالي قىزى، امانگەلدى ۇلى عالىم، ساعىمدانوۆا گۇلدەن اقانسەرى قىزى، زاريپوۆ بەيبارىس بەردىبەك ۇلى العىس حاتتار يەلەندى.