مەملەكەت باسشىسى قاسىم-جومارت توقايەۆتىڭ «سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى» جولداۋىنان تۋىنداعان مىندەتتەر جامبىل وبلىسىندا دا جۇيەلى جۇزەگە اسۋدا. اسىرەسە، مادەنيەت سالاسىندا اۋىز تولتىرىپ ايتارلىقتاي جۇمىستار اتقارىلۋدا. وبلىس اكىمدىگى مادەنيەت، ارحيۆتەر جانە قۇجاتتاما باسقارماسىنىڭ باسشىسى دۇيسەنالى بىقىبايەۆتىڭ سوزىنە سۇيەنسەك، كەلەسى جىلدان باستاپ ۇلتتىڭ ونەرى مەن رۋحانياتىنا ەڭبەك ءسىڭىرىپ جۇرگەن مادەنيەت قىزمەتكەرلەرىنە مەملەكەتتىك قولداۋ ەسەلەنە تۇسەتىن كورىنەدى.

–جولداۋداعى ءبىز ءۇشىن ەڭ ماڭىزدى جاڭالىق-مەملەكەت باسشىسىنىڭ مادەني سالا قىزمەتكەرلەرىنە لايىقتى كوڭىل بولىنبەي وتىرعانىن ايتا كەلىپ، ەڭ الدىمەن كىتاپحانا، مۋزەي، تەاتر قىزمەتكەرلەرىنىڭ ايلىعىن كوتەرۋ تۋرالى شەشىمى. ق ر پرەزيدەنتىنىڭ جارلىعىمەن بەكىتىلگەن جالپىۇلتتىق ءىس-شارالار جوسپارىنىڭ 67-تارماعىن جۇزەگە اسىرۋ بويىنشا مادەنيەت جانە ارحيۆ سالاسى قىزمەتكەرلەرىنىڭ (3 065 ادام) جالاقىسىنا ەڭبەك ءوتىلى مەن لاۋازىمىنا قاراي 2020 جىلدان باستاپ 35 پايىز قوسىلاتىن بولادى. الايدا 35 پايىز قوسىمشا جالاقى تەك ا بلوگى مەن ۆ بلوگى قىزمەتكەرلەرىنە عانا تيەسىلى. ال س، D بلوگىنداعى جانە تەحنيكالىق پەرسونالدارعا قوسىمشا تولەماقى قاراستىرىلماعان. سوندىقتان دا بۇل ماسەلە قايتا قارالۋدا. ءوز تاراپىمىزدان دا ناقتى ۇسىنىستارىمىزدى جەتكىزدىك.

جالپى وڭىردە مادەنيەت سالاسىندا س بلوگىندا 295 (بۋحگالتەر، زاڭگەر، باعدارلاماشى، رەفەرەنەت جانە وزەگە دە)، D بلوگى بويىنشا 92 (حاتشى، مۋزەي قىزمەتكەرلەرى جانە باسقا دا)، 899 تەحنيكالىق (كۇزەتشى، قىزمەت ءۇيىن تازالاۋشى، اۋلا سىپىرۋشى، كولىك جۇرگىزۋشىسى) پەرسونال قىزمەت ەتەدى، – دەگەن دۇيسەنالى دىبىسالى ۇلى كەلەسى كەزەكتە «ديپلوممەن اۋىلعا» باعدارلاماسىنىڭ سالادا جەمىستى جۇزەگە اسىپ جاتقانىن ايتىپ ءوتتى.

باعدارلاما جۇزەگە اسا باستاعان 2009 جىلدان بەرى وڭىرگە مادەنيەت سالاسى بويىنشا 98 مامان تارتىلعان ەكەن. جەتپىس جەتى قىزمەتكەرگە 9 ميلليون 458 مىڭ تەڭگە كوتەرمە جاردەماقى تولەنسە، قىرىق مامان تۇرعىن ۇيمەن قامتاماسىز ەتىلگەن. بايانداماشى اسىرەسە اۋىل مادەنيەتىنىڭ ماۋەلەي تۇسۋىنە ۇلكەن سەپتىگىن تيگىزىپ وتىرعان باعدارلامانىڭ الداعى ۋاقىتتا دا تابىستى جۇزەگە اسا بەرەتىنىنە سەنىم ءبىلدىردى.

–مادەنيەت سالاسىنداعى مامان تاپشىلىعىن جويۋدىڭ بىردەن-بىر جولى-مۋزىكا مەكتەبىن اشۋ. بۇرىن مۋزىكا مەكتەپتەرى بولاتىن. ءبىراق كەيىن بارلىعى ونەر مەكتەبىنە اينالدى. ونەر مەكتەبىنىڭ اۋقىمى كەڭ بولعانىمەن كاسىبي مامان دايىنداي المايدى. سوندىقتان دا الداعى ۋاقىتتا كاسىبي دەڭگەيدەگى مامانداردى دايىندايتىن مۋزىكا مەكتەبىن اشۋدىڭ قاجەتتىلىگى تۋىنداپ تۇر. وبلىس اكىمى اسقار يسابەك ۇلى دا اتالعان ماسەلەگە ايرىقشا نازار اۋدارىپ، قالا اكىمىنە حاتتامالىق تاپسىرما بەرگەن بولاتىن. قازىرگى ۋاقىتتا مەكتەپكە عيمارات قارالىپ، ايماق باسشىسىنىڭ تاپسىرماسىنا ساي جۇمىس جۇرگىزىلىپ جاتىر. ەگەر عيمارات تابىلسا جاڭا جىلدان باستاپ مۋزىكا مەكتەبى ءوز شاكىرتتەرىن قابىلداي باستايتىن بولادى.

مادەنيەت سالاسى قىزمەتكەرلەرىن تۇرعىن ۇيمەن قامتۋ دا وتە وزەكتى ماسەلە. ۇكىمەت تاراپىنان قابىلدانعان ناقتى ءبىر باعدارلاما بولماعاننان كەيىن ماسەلەنىڭ ءتۇيىنىن تارقاتۋعا قيىنعا سوعىپ تۇر. دەگەنمەن دە كەيىنگى بەس جىلدا مادەنيەت سالاسىنىڭ بەس قىزمەتكەرىنە پاتەر كىلتى تابىس ەتىلدى. ەكى ازاماتقا وبلىس اكىمىنىڭ قولداۋىمەن، ءۇش ازاماتقا وبلىستىق فيلورمونيانىڭ تاپقان تابىسى ەبەنىنەن الىندى. جۋىردا عانا وبلىس اكىمى مەن ق ر مادەنيەت جانە سپورت مينسترلىگى مەموراندۋمعا قول قويدى. مەموراندۋمدا تۇرعىن ءۇي ماسەلەسى دە كوتەرىلدى. سوندىقتان ءوڭىردىڭ مادەنيەت سالاسىنىڭ دامۋىنا ۇلەس قوسىپ جۇرگەن قىزمەتكەرلەردىڭ الداعى ۋاقىتتا پاتەر كىلتىنە يە بولىپ، باسپانالى بولۋ باقىتىنا كەنەلەتىن ۋاقىتى الىس ەمەس دەپ ويلايمىن، دەيدى د. دىبىسالى ۇلى.