ق ر ىشكى ىستەر ءمينيسترى ەرلان تۇرعىمبايەۆ پەن الماتى قالاسىنىڭ اكىمى باقىتجان ساعىنتايەۆتىڭ قاتىسۋىمەن جول قوزعالىسى مادەنيەتىن ارتتىرۋ، تۋريستىك پوليسيا شتاتىن ۇلعايتۋ ماسەلەلەرى بويىنشا جيىن ءوتتى، دەپ حابارلايدى ءىىم باسپا ءسوز قىزمەتى.
بارلىق ءىرى قالالاردا كوشى-قون ورتالىقتارى قۇرىلدى، ال شەتەلدىك قوناقتار مەن تۋريستەرمەن جۇمىس ىستەۋ بويىنشا پوليسيانىڭ جەكەلەگەن بولىمشەلەرى مامانداندىرىلىپ، ولاردىڭ قىزمەتى ەلدىڭ كورنەكتى ورىندارى مەن كۋرورتتارىندا، مادەني وبەكتىلەردە تۋريستەردىڭ قاۋىپسىزدىگىن قامتاماسىز ەتۋگە، حاباردار ەتۋگە، ولارعا كەڭەس بەرۋگە باعىتتالعان.
«وسىنى ەسكەرە وتىرىپ، تۋريستىك پوليسيا شتاتىن ۇلعايتۋ جانە شەتەلدىكتەر ءجيى باراتىن جەرلەردە ونىڭ جاڭا پۋنكتتەرىن ورناتۋ جوسپارلانۋدا. سونىمەن قاتار وسى قىزمەتتى ماتەريالدىق-تەحنيكالىق جاراقتاندىرۋدى جاقسارتۋ ماسەلەسى قاراستىرىلۋدا» – دەدى ەرلان تۇرعىمبايەۆ مينيستر الماتىنى مىسالعا كەلتىرە وتىرىپ: «ەگەر قالا بويىنشا الساڭىز، وندا وسىنداي پوليسيا پۋنكتىن كۇن سايىن جۇزەدەگەن شەتەلدىكتەر كەلىپ ءتۇسىپ جاتاتىن حالىقارالىق اۋەجاي اۋماعىندا ورنالاستىرۋ قاجەت. ولاردىڭ كەيبىرى پوليسيانىڭ بىلىكتى كومەگىن قاجەت ەتەدى، سوندىقتان پوليسەيدىڭ شەت تىلدەرىن ەركىن مەڭگەرۋى جانە كومەك كورسەتۋگە قۇزىرلى بولۋى وتە ماڭىزدى» – دەدى.
پىكىر قالدىرۋ