قۇقىق قورعاۋ ورگاندارى مەن جەرگىلىكتى بيلىكتىڭ بىرلەسە قابىلداعان شارالارى ەسەبىنەن مەركى اۋدانىندا قىلمىس دەڭگەيى 24،1 پايىزعا تومەندەپ، ەسەسىنە قىلمىستاردىڭ اشىلۋ كورسەتكىشى جوعارىلاعان.بۇل فاكتورلاردى وڭىردەگى قالىپتى ساياسي كريمينوگەندىك احۋال قالىپتاستىرۋدىڭ نەگىزىنە ساناۋعا بولادى، دەپ جازادى Qamshy.kz اقپارات اگەنتتىگى.
اۋدانداعى قۇقىق بۇزۋشىلىق دەرەكتەرىنىڭ الدىن الۋ ماقساتىندا «مۇلدەم توزبەۋشىلىكتى» قالىپتاستىرۋ، «كورشىنىڭ باقىلاۋى»، «قۇقىقتىق ءتارتىپ» باعدارلامالارى جۇيەلى ىسكە اسىپ كەلەدى. سونىڭ ارقاسىندا وڭىردەگى
تىركەلگەن جالپى قىلمىس سانى وتكەن جىلدىڭ ەسەپتى كەزەڭىمەن سالىستىرعاندا 357-دەن 271-گە دەيىن تومەندەگەن. مۇندا اۋىر جانە اسا اۋىر قىلمىس دەڭگەيىنىڭ 5 پايىزعا كەمۋى بايقالادى. ال ورتاشا اۋىرلىعى بار قىلمىستار 221 دەن 161-كە دەيىن ازايعان. سونىمەن قاتار اۋىرلىعى از قىلمىستاردىڭ سانى 14 دەرەككە تومەندەگەن. سايكەسىنشە قوعامدىق ورىنداردا ورىن العان قۇقىق بۇزۋشىلىق فاكتىلەرى 26،4 پايىزعا كەمىگەن. مۇنان بولەك كوشەدەن ورىن العان زاڭسىز ارەكەت جاساۋ دەرەگى 8-گە ازايعانى بايقالىپ وتىر.
ەل مەن ەلدى، وبلىستاردى جالعاعان حالىقارالىق ماڭىزعا يە اۆتوموبيل جولىنىڭ بويىندا ورنالاسقاندىعىندا اۋدانداعى كريموگەندى جاعدايعا باعا بەرۋدە جول-كولىك وقيعالارىنىڭ ازايۋىنا نازار اۋدارىلادى. ماسەلەن مەركى اۋداندىق پوليسيا ءبولىمىنىڭ جەرگىلىكتى پوليسيا قىزمەتى بولىمشەسى جانە اكىمشىلىك پوليسيا قىزمەتى سوڭعى ەكى جىلداعى اۋدان اۋماعىندا ورنالاسقان تاس جولدارىندا ورىن العان جول-كولىك وقيعالارىنا ساراپتاما جۇرگىزىپ، مۇنداي فاكتىلەردى ازايتۋ بويىنشا كەشەندى شارالاردى قابىلدادى. سونىڭ ەسەبىنەن اۋدان اۋماعىندا ورىن العان جول-كولىك وقيعالار سانى 47-دەن 42-گە دەيىن تومەندەدى. بۇل وقيعالاردىڭ سالدارىنان كوز جۇمعانداردىڭ سانى دا 11-دەن 4-كە دەيىن كەمىدى. ءوز كەزەگىندە جول كولىك اپاتىنان جاراقات العاندار سانىنىڭ ازايۋى دا بايقالادى. وتكەن جىلدىڭ العاشقى 9 ايىنا مەركى اۋدانىنداعى تاسجولداردا 73 ادام جول كولىك وقيعاسىنان جاراقات السا، اعىمداعى جىلدىڭ ەسەپتى كەزەڭىندە بۇل كورسەتكىش 59-عا تەڭەستى.
مۇنداعى رەسپۋبليكالىق ماڭىزداعى تاس جولدارىنداعى جول-كولىك وقيعالارى سانىنىڭ ەداۋىر ازايعانى دا بايقالادى.جول كولىك وقيعالارىنىڭ ازايۋىنان اپات سالدارىنان قازا تاپقاندار، جاراقات العاندار سانى دا كەمىپ وتىر.
