جەرگىلىكتى جەردەگى الەۋمەتتىك-ەكونوميكالىق ءوسىم ونداعى تۇرعىنداردى ءبىلىم وشاقتارىنا ءتيىستى سۇرانىستىڭ وتەلۋىنەن كورىنەدى دەسەك قاتەلەسە قويماسپىز. سايكەسىنشە ەلدى مەكەندەردى مەكتەپپەن قامتاماسىز ەتۋ ماسەلەسى ۇكىمەتتىڭ ءجىتى نازارىنا تەك الداعى 2 جىلدىڭ ىشىندە مەركى اۋدانىندا 5 ورتا ءبىلىم بەرۋ جانە ورتا ءبىلىم بەرۋ مەكەمەلەرىنە قوسىمشا نىسان سالىنباق. سونداي-اق ەسەپتى كەزەڭدە ايماقتاعى 5 مەكتەپكە كۇردەلى جوندەۋ جۇمىستارى جۇرگىزىلەتىن بولادى، دەپ جازادى Qamshy.kz اقپارات اگەنتتىگى. 

ۇرپاق ساناسىنا ساپالى ءبىلىم مەن سانالى تاربيە بەرۋدى ماقسات ەتكەن مۇنداي نىسانداردىڭ قۇرىلىسى گرانيتوگورسك، ويتال، اسپارا، مەركى اۋىلدارىندا جۇرگىزىلەدى. اتاپ ايتقاندا گرانيتوگورسك اۋىلىنداعى №8 جالپى ءبىلىم بەرەتىن مەكتەبىنىڭ ورنىنا 120 ورىندىق جاڭا مەكتەپ قۇرىلىسى قولعا الىنباق. سول سەكىلدى №15 جاۋعاش باتىر اتىنداعى جالپى ءبىلىم بەرەتىن مەكتەبىنىڭ ورنىنا دا 80 ورىندىق جاڭا ءبىلىم بەرۋ ۇيىمىنىڭ عيماراتى سالىنادى. ال №21 جالپى ءبىلىم بەرەتىن مەكتەبىنە قوسىمشا 150 ورىندىق قوسالقى عيمارات قۇرىلىسى مۇنداعى ورىن تاپشىلىعىن شەشۋگە مۇمكىندىك بەرمەك. ويتكەنى ءقازىر عاسىر بۇرىن سالىنعان ءبىلىم بەرۋ مەكەمەسىندە 954 وقۋشى ءبىلىم الىپ جاتىر. الايدا مەكتەپتىڭ ءاۋ باستاعى سىيىمدىلىعى 536 ورىن ەتىپ كورسەتىلگەن. ءقازىر مەكتەپكە قوسىمشا عيمارات قۇرىلىسىنا قاجەتتى قۇجاتتار ازىرلەنىپ جاتىر. ورىن تاپشىلىعىنا بايلانىستى نەگىزگى مەكتەپ جانىنا قوسىمشا عيماراتسالۋ جۇمىستارى ويتال اۋىلىنداعى №48 جالپى ءبىلىم بەرەتىن مەكتەبىندە دە جۇرگىزىلمەك. بۇل قوسىمشا نىساننىڭ سىيىمدىلىعى 150 ورىندى قۇرايدى. ال اسپارا اۋىلىندا №2 جالپى ءبىلىم بەرەتىن مەكتەبىنىڭ ورنىنا150 ورىندىق جاڭا مەكتەپ بوي كوتەرمەك. سايكەسىنشە بۇل نىسانداردىڭ بارلىعى دەرلىك ءبىلىم باسقارماسىمەن بىرلەسە جاسالعان 2019-2021 جىلدارعا ارنالعان دامۋدىڭ جول كارتاسىنا ەنگىزىلگەن. ولاردىڭ كوبىنىڭ قۇرىلىس جۇمىستارى 2021 جىلدان باستاپ قولعا الىناتىن بولادى.

سونىمەن قاتار ايماقتاعى 5 مەكتەپكە كۇردەلى جوندەۋ جۇمىستارىن جۇرگىزۋگە قاجەتتى جوبالىق سمەتالىق قۇجاتتار ازىرلەنىپ، ساراپتاما جىبەرىلدى. وتكەن جىلى ازىرلەنگەن جوبالىق سمەتالىق قۇجاتتارداعى وزىدىك قۇن وڭتايلاندىرۋعا بايلانىستى قايتا ەسەپتەلىپ، بارلىق نىسانداردان 176 ميلليون تەڭگە بيۋدجەت قارجىسى ۇنەمدەلەتىنبولدى.

مەكتەپ عيماراتتارىن جاڭادان سالۋ، قولدانىستاعىسىنا قايتا جوندەۋ جۇمىستارىن جۇرگىزۋمەن بىرگە مەملەكەتتىك جەكەمەنشىك ارىپتەستىك اياسىندا اۋدانداعى 18 جالپى ءبىلىم بەرەتىن مەكتەپتەرىنىڭ اسحانالارىن اعىمدى جوندەۋدەن وتكىزىلەتىن بولادى.