جامبىل وبلىسىندا العاشقى مەديسينالىق كومەكتىڭ قولجەتىمدىلىگىن قامتاماسىز ەتۋ ءىسى جەرگىلىكتى بيلىكتىڭ ءجىتى نازارىندا. اعىمداعى جىلى وبلىستىق بيۋدجەت ەسەبىنەن مەديسينالىق ۇيىمداردىڭ ماتەريالدىق تەحنيكالىق بازاسىن نىعايتۋعا 2 ميلليارد 500 ميلليون تەڭگەدەي قاراجات قاراستىرىلعان، دەپ جازادى Qamshy.kz اقپارات اگەنتتىگى.
بۇل قاراجاتتىڭ 315 ميلليون 400 مىڭ تەڭگەسىنە 46 بىرلىك سانيتاريالىق اۆتوكولىك ساتىپ الىندى. ءقازىر بۇل اۆتوكولىكتىڭ بارلىعى دا جەرگىلىكتى جادەل جاردەم ستانسالارىنا بەرىلدى. ءوز كەزەگىندە جەدەل جاردەم كولىكتەرىنىڭ شاقىرتۋلارعا دەر شاعىندا جەتۋى دە مۇددەلى مەملەكەتتىك مەكەمە باسشىلارىنىڭ قاتاڭ باقىلاۋىنا الىنعان. بۇگىنگى تاڭدا وبلىس بويىنشا 138 جەدەل جاردەم اۆتوكولىگى GPS–ناۆيگاسياسىمەن جابدىقتالعان. اتالعان قۇرىلعى كومەگىمەن جەدەل جاردەم كولىكتەرىنىڭ قوزعالىسىن باقىلاۋعا الۋ جانە ءتيىمدى پايدالانۋ مۇمكىندىگىن بەردى. تۇرعىندار تاراپىنان دەنساۋلىق ساقشىلارىنا تۇسكەن بارلىق شاقىرىلىمدار «كومەك» اۆتوماتتاندىرىلعان جۇيەسى ارقىلى قابىلدانىپ، تىركەلىپ وتىرادى. جەدەل جاردەم بريگادالارىنىڭ ناۋقاستارعا ۋاقىتىلى جەتۋىن باقىلاۋدى ارنايى قۇرىلىعان مونيتورينگتىك توپ نازارىنا العان. نەگىزىنەن جەدەل جاردەم كولىكتەرىنىڭ شاقىرتۋلارعا كەش جەتۋىنىڭ سەبەبى ستانساسىنان كەشىگىپ شىعۋى، ديسپەچەردىڭ جۇمىسى، كوشەلەردىڭ جانە ۇيلەردىڭ نومەرلەرىنىڭ جوقتىعى سالدارىنان ورىن الادى. سونداي-اق جول جوندەۋ جۇمىستارى، ءۇي الدىنداعى كەدەرگىلەر، جۇرگىزۋشىلەردىڭ جول بەرمەۋى، ەلەكتروندىق كارتا دەرەكتەرىنىڭ جاڭارتىلماۋى ناۋقاسقا شۇعىل جەتۋگە كەرى اسەرىن تيگىزىپ وتىر. بۇگىندە وبلىس اكىمدىگىنىڭ دەنساۋلىق ساقتاۋ باسقارماسى اتالعان كەمشىلىكتەردى جويۋ باعىتىندا جۇمىستاردى قولعا العان. ءوز كەزەگىندە بۇل باعىتتاعى جۇمىستار وبلىس اكىمدىگىنىڭ تۇراقتى باقىلاۋىنا الىنعان.
وڭىردەگى مەديسينا سالاسىنىڭ ساپاسىن ارتتىرۋعا بولىنگەن قارجىنىڭ نەگىزگى ۇلەسى مەديسينالىق ۇيىمداردى مەديسينالىق قۇرال-جابدىقتارمەن جاراقتاندىرۋعا تيەسىلى. بۇل جۇمىستارعا ەرگىلىكتى بيۋدجەت ەسەبىنەن 2 ميلليارد 131 ميلليون تەڭگە ءبولىنىپ، 587 دانا مەديسينالىق تەحنيكا ساتىپ الىندى. ال وتكەن جىلى مەديسينالىق ۇيىمدارعا قاجەتتى قۇرال-جابدىقتاردى ساتىپ الۋعا 2 ميلليارد 300 ميلليون تەڭگە قاراجات قاراستىرىلىپ، 942 دانا مەديسينالىق قۇرال جابدىق الىنعان بولاتىن.
سايكەسىنشە بۇل كورسەتكىشتەر وڭىردەگى مەديسينالىق قىزمەت ساپاسىن ارتتىرۋ ماقساتىندا قابىلدانعان شارالاردىڭ ناتيجەلىلىگىن كورسەتەدى.
